主題:屏孔鏡頭手機大激鬥!HUAWEI nova 4 vs 韓國對手!評測結果 華為勝

ePrice HK
※ 此文已被鎖定,無法回覆與編輯 ※
  • 發表時間:2019-02-01 06:04 收錄檢舉
    自蘋果做出 M 字額 (瀏海)屏幕,好多網友都唔太 Like,出一部鬧一部。但要做到「全面屏」即係整個正面都係芒,又要有前鏡頭丶感應器等,都要想想計。呢期就有唔少手機廠開出全面屏方案,最近推出兩款至熱嘅全面屏手機,包括 HUAWEI nova 4 跟埋另一款韓國出品。兩款賣價相若,兩款前置鏡頭嘅位置都喺係左面,究竟邊一部最好?我哋剛完成評測!HUAWEI nova 4 有好多優勝之處,連大熱韓國出品都被 KO!想知原因?齊齊睇!

    屏孔鏡頭手機大激鬥!HUAWEI nova 4 vs 韓國對手
     

    外型 +屏幕比拼

    無論係 M 字額,定係全面屏都係想屏幕可以佔據機身最多位置,又可以保留到前置鏡頭,要兩樣協調得到,唔係易事。用呢兩款全面屏手機,用相片比一比,就知道邊部功力最好。

    兩款手機唔計借番來嘅顏色,本來好似樣,但細心留意下,HUAWEI nova 4 屏幕用上19.9 比例 6.4 吋 2310 x 1080 解像度屏幕,達 398PPI 的 FHD+ LTPS 屏幕。而 nova 4 嘅上邊框丶下邊框與左右邊框,TP (Touch Panel) 屏佔比達 91.8%,都來得比對手窄,令整個視野都比較闊。

    再望一望全面屏,HUAWEI nova 4 嘅圓點,在白色背景圖片下,見得到做得比韓國對手要細。我哋叫全面屏,手機業界叫作 Punch Display,華為採用嘅其實係屏下鏡頭技術,採用行業最細嘅前置鏡頭,頭部直徑只有 3.05mm ,加上首創嘅盲孔方案(Blind-Hole Solution),保留屏幕完整性,令屏幕完整四邊無凹位,開孔直徑4.5mm,令呢個鏡頭,比起韓對手都要細,無論睇起上來同埋手感都易接受好多。  
    屏孔鏡頭手機大激鬥!HUAWEI nova 4 vs 韓國對手
    ▲ 左邊是 nova 4 右邊是韓國對手,一眼即知邊個屏孔較大。

    屏孔鏡頭手機大激鬥!HUAWEI nova 4 vs 韓國對手
    ▲ 為了收埋大大嗰屏孔鏡頭,韓國對手手機 (右) 可以設定把屏幕上方打黑,但比較 nova 4 採用更不阻眼嘅細屏孔,對手屏幕其實睇少咗好多嘢。
     

    後罝相機比拼

    無獨有偶,HUAWEI nova 4 與佢嘅韓國對手,今次都係主打多鏡頭與高像素攝影。先講講後置鏡頭,都係 ePrice 網友用得最多。nova 4 與同期韓國出品對手,都係用上三個鏡頭設計。nova 4 來講,用上2000 萬 (F1.8 光圈)、1600 萬 (117度超廣角)、200 萬像素景深虛化鏡做成。跟韓國對手最大分別是 nova 4 副鏡是 Wide Angle 超廣角,可以影到好闊嘅風景相。而因為 nova 4 採用 Kirin 970 處理器,其強大嘅 AI 功能,可以對廣角相邊緣進行畸變修正。而對手副鏡頭是遠攝鏡,用來拍 Close Up 照。而 nova 4 比起對手更強是承襲咗華為手機由 P20 Pro 開始已有嘅超級夜景模式,令普通網友,都可以拍出大師級嘅夜晚風景照。
      ▲ 左面是由 nova 4 拍攝的夜景,右面是韓國品牌。大家都用最普通的自動模式,可見 nova 4 拍出來的相片比較實淨及高清晰度。

    屏孔鏡頭手機大激鬥!HUAWEI nova 4 vs 韓國對手
    ▲ nova 4 有超廣角拍攝,夜晚拍攝都無問題。

    屏孔鏡頭手機大激鬥!HUAWEI nova 4 vs 韓國對手
    ▲只要啟動 nova 4 嘅手持夜攝模式,就可以在暗黑的環境拍到十分光亮,尤如專業攝影師的夜攝相片。

    前置相機拍照比拼
    前置相機部份,在測試下 HUAWEI nova 4,我哋覺佢係人像拍攝部份 Tune 得比韓對手都要好。 nova 4 採用 SONY IMX576 感光元件,拍到 2500 萬像素相片 (對手的聲稱只拍到 2400 萬) 有硬體級 HDR Pro 能力,即使在逆光下也能保證人臉和背景的平衡曝光。但比較起上來,我哋發覺 nova 4 嘅算法都比起對手優勝,看圖就知,
      ▲ 多謝 ePrice 版主坤哥出鏡。左面是由 nova 4 前鏡頭拍攝的人像,右面是韓國品牌。
    比膚色膚質:nova 4 膚色貼近真實,好自然。
    比臉型:nova 4 面部有比較好嘅立體感
    人像清晰度:nova 4 比起對手有更好的毛髮清晰度;
    美膚處理 :nova 4 人像美膚處理能力優於對手;
    結論:nova 4 自拍效果一致,面部紅潤自然,立體感好,眼睛深邃;韓國對手美膚力度較弱。
     

    效能比拼

    效能部份,HUAWEI nova 4 採用跟 P20 Pro 同級嘅 SoC,Kirin 970,佢係採用台積電 10nm 製程嘅處理器,亦內建 NPU :人工智慧(AI)移動計算平台嘅手機處理器。圖片處理器 GPU 亦係首款 Mali-G72 12核心版本, 性能比起前代提升 20% ,能效比提升 50%。新一代嘅 GPU Turbo 圖像處理加速技術,一方面可帶來更高畫質、反應更快,另外更有省電嘅手機遊戲體驗。
    韓國對手都唔弱是 Qualcomm S710 處理器,是高通新一代中高檔手機 SoC。邊個配備最好,睇跑分就知。

    屏孔鏡頭手機大激鬥!HUAWEI nova 4 vs 韓國對手
    ▲ AnTuTu 是最出名的手機效能評分軟件,可見左面的 nova 4 得分比起韓國對手強。尤其 GPU 部份,得分好高。另外 nova 4 有新一代的 GPU Turbo圖像處理加速技術,令打機時,有更好的畫質及更好嘅省電效果。

    屏孔鏡頭手機大激鬥!HUAWEI nova 4 vs 韓國對手
    ▲ Androbench 是測試手機係 ROM 記憶體嘅讀寫速度,左面的 nova 4 得出連續抄寫及隨機抄寫的速度,都比韓國對手快,代表手機運行會順過對手。
     

    小結

    經過四輪測試,兩部同樣採用全面屏設計嘅手機,HUAWEI nova 4 由設計,到相機及效能,都比韓國同樣用屏孔芒嘅手機優勢。nova 4 現時官方賣價為 $3688,在三千元價位上,比對手都要好,也是一個不錯嘅手機選擇。

    資料由客戶提供
    快加入會員賺 EP!累積點數、免費換優質商品

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • 華為 nova 4
    • 現時售價: HK $2,688
    • 尺寸: 157 x 75.1 x 7.77 mm / 172 g
    • 電池: 3750 mAh
    • 插卡:
    • 螢幕: 2310 x 1080、 6.4 吋 IPS TFT
    • 相機: 2000 萬像素CMOS
    • 顏色:
    • 時間: N/A
    • 上市: 2019-01-30
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • 無 記憶卡
      • 無 觸控
      • 自動對焦
      • LED 閃光燈
      • 氙氣閃光燈
      • 3.5mm 耳機孔