首先講下 Pura 80 Ultra 呢部頂級機王，佢搭載咗 1 吋超高動態主鏡頭以及超大底雙長焦鏡頭，將 3.7x 中長焦與 9.4x 超長焦鏡頭，雙光學焦段合一，滿足到中距離到遠距離的拍攝需求，電池容量高達 5170mAh，機身設計仲有鎏光金和鎏光黑選擇，
至於 Pura 80 Pro，就係性價比更高嘅選擇。鏡頭系統都係好勁，同樣有 1 吋主相機，不過就唔係超高動態鏡頭，而係超聚光鏡頭，同時具有微距長焦鏡頭。電池跟 Pura 80 Ultra 一樣，都係 5170mAh，設計語言跟 Pura 80 Ultra 差不多，但有白色同紅色特別機身顏色選擇，適合想入手旗艦但預算有限嘅網友。兩部機都支援 IP68 防塵防水，耐用度一流。
講到大家最關心嘅香港賣價，同埋上市資訊：
華為 Pura 80 Ultra 香港會推出 16GB RAM + 512GB ROM 版本，香港建議零售價為 $10988，即日起於指定零售商接受預訂，並將於 2025 年 8 月 8 日正式發售；而 Pura 80 Pro 則會推出 12GB RAM + 512GB ROM 版本，香港建議零售價為 $7688，同樣於即日起接受預訂，並將於 2025 年 8 月 8 日正式發售。凡於指定零售商及運營商訂購全新 Pura 80 系列原廠行貨，即送 HUAWEI FreeBuds Pro 4 無線耳機 (建議零售價 $1549)。另外，華為早前宣佈了 Pura 80 系列預訂優惠，由即日起至 8 月 7 日，在 HUAWEI 香港網上商店預訂 Pura 80 系列旗艦手機，在預訂期內支付訂金 $88，即可抵扣 $700。
