影像機皇再進化：HUAWEI Mate 80 Pro
講到華為發佈會，點少得 Mate 系列旗艦！全新 HUAWEI Mate 80 Pro 外觀用上標誌性嘅「雙星環」（Dual Space Rings）設計，配搭素皮纖維機背，有黑、綠、金三款色揀。機身超級硬淨，用咗第二代崑崙玻璃，支援 IP68 同防高溫高壓噴水嘅 IP69 級別防塵防水。屏幕方面配備 6.75 吋 OLED HUAWEI X-True 平面屏幕，支援 1-120 Hz LTPO 自適應刷新率，峰值亮度高達 3000 nits。相機繼續係重頭戲，配備 True-to-Colour 真實色彩相機系統同微距長焦鏡頭，配合 Smart AI 嘅 AI 構圖（AI Composition）同 AI 消除（AI Remove）功能，影相更得心應手。整體效能提升咗 21%，內置 5750 mAh 大容量電池，支援 100W 有線同 80W 無線 SuperCharge 快充。
跑友苦等五年神錶：HUAWEI WATCH GT Runner 2
版主知道好多跑友都等緊佢！時隔五年，HUAWEI WATCH GT Runner 2 終於回歸。今代主打極致輕巧，採用航天級鈦合金錶殼同第二代崑崙玻璃，厚度僅 10.7mm，淨重得 34.5g。佢配備全新 HUAWEI AirDry 編織錶帶，透氣度提升 25%。定位方面升級咗 3D 懸浮天線，準確度大幅提升 20%。最特別係加入同 dsm-firmenich 跑團合作開發嘅「智能馬拉松模式」，幫你精準預測完賽時間同配速。手錶喺戶外精準定位模式下可以捱到 32 小時，一般輕度使用更可達 14 日。健康方面仲支援 ECG 心電圖同 HRV 心率變異性監測。
150 米深潛黑科技：HUAWEI WATCH Ultimate 2
如果你追求極致戶外體驗同奢華外觀，呢隻 WATCH Ultimate 2 就啱晒。佢採用鋯基液態金屬（Zirconium-based Liquid Metal）錶殼、納米微晶陶瓷錶圈同藍寶石玻璃鏡面。最屈機係佢支援 150 米深潛，仲加入咗全球首創嘅「水底聲納通訊」技術，可以喺水底 30 米範圍內同拍檔收發訊息，甚至發送 SOS 求救訊號。陸上功能方面，內置專業高爾夫模式（提供 17,000+ 球場數據及全新練習場模式）同升級版探險模式。佢配備 1.5 吋 LTPO 屏幕，亮度達 3500 nits，仲支援 eSIM 獨立通話同 AI 降噪技術。
8.8 吋極致輕薄平板：HUAWEI MatePad Mini
鍾意細芒平板嘅朋友留意！HUAWEI MatePad Mini 配備 8.8 吋柔性 OLED PaperMatte 全面屏，峰值亮度達 1800 nits，解像度有 2.5K，並支援 120Hz 高刷新率。佢嘅 PaperMatte 技術可以有效抗眩光，睇屏幕就好似睇紙本書咁舒服。部機真係超級輕薄，厚度只有 5.1mm，重量得 255g，並配備鎂合金邊框！就算機細細，內置都有 6400 mAh 大電同支援 66W 閃充。佢仲支援最新嘅 Wi-Fi 7 以及 HUAWEI M-Pencil Pro 2，配合 HUAWEI Notes 可以做到 AI 手寫增強同數學公式辨識。機身更配備 5000 萬像素主鏡頭及 3200 萬像素前置鏡頭。
雙引擎降噪聽歌神器：HUAWEI FreeBuds Pro 5
聽歌方面有最新旗艦真無線耳機 HUAWEI FreeBuds Pro 5。耳機外觀採用鑽石切割橢圓設計，配備全新橢圓形天線，抗干擾能力大增，連接範圍多咗 38%。音質配備超線性雙磁動圈（低音潛至 10Hz）同超薄微平板高音單元（高音達 48kHz）。配合 L2HC 4.0 編碼，支援高達 2.3 Mbps 嘅無損無線傳輸。降噪亦大幅升級，配備雙引擎 AI 降噪技術，每秒處理 40 萬次噪音，處理延遲低至 8 微秒，仲有高達 10 m/s 嘅抗風噪能力。耳機具備 IP57 防塵防水，連同充電盒最長有 38 小時續航。
內置獨立 GPS 運動手環：HUAWEI Band 11 Pro
最後有實用度極高嘅 HUAWEI Band 11 Pro 智能手環。今代屏幕大進化，用上 1.62 吋 60Hz AMOLED 屏幕，顯示面積大咗 27%，亮度推高到 2000 nits。機身極之纖薄，CNC 切割鋁合金邊框厚度只有 8.99mm。最大賣點係終於加入獨立 GNSS 衛星定位，跑步踩單車唔帶手機都記到精準路線。健康功能方面，加入咗睡眠呼吸暫停風險提示（Sleep Breathing Awareness）同埋脈搏波心律不整分析。仲有全新「情緒健康管理」功能，錶盤會用 12 種花朵狀態顯示你嘅心情，並提供呼吸放鬆練習。續航最長可達 14 日。
