網店預購即減再入 Code 折上折
說的是華為最新旗艦 Mate 80 Pro (16GB/512GB 版本)，現時呢部手機正處於預購階段，預計喺 4 月 1 日下午 4 點起就會順序出貨。睇返衛訊網店嘅資料，呢部機建議零售價為 $7888，而家預購價已經做緊 $7488，即係本身已經劈價減咗 $400。不過低處未算低，只要你喺結帳嘅時候，輸入限時優惠碼「MAR150」，就可以額外即減多 $150，計起上嚟即係總共平咗 $550，最平 $7338 就可以入手呢部新機皇。如果你手頭上有舊機，佢哋仲提供門市 Trade-in 優惠及服務，兼且有 3 日價格保證，變相升級成本可以再平一截，呢個價錢網友又點睇呢？
華為 Mate 80 Pro 硬件規格
規格方面，今代 Mate 80 Pro 繼續喺攝影同埋機身耐用度上落足料。手機機背採用咗標誌性嘅雙環相機模組設計，入面搭載咗強大嘅後置鏡頭組合，包括支援 F1.4 - F4.0 可變光圈嘅 5000 萬像素超聚光主鏡頭、4000 萬像素超廣角鏡頭，以及支援 4 倍光學變焦嘅 4800 萬像素微距長焦鏡頭。最特別係加入咗華為最新嘅第二代紅楓原色鏡頭，配合 XMAGE 影像系統同埋全新 AI 構圖功能，無論係日常記錄、捕捉細節定係遠攝都絕對交足功課。至於核心性能同埋設計亦都相當有睇頭。部機配備咗 Kirin 9030 Pro 處理器，內置 16GB RAM 同埋 512GB ROM，正面就用上一塊 6.75 吋 LTPO OLED 屏幕，支援最高 120Hz 自適應刷新率同埋 1440Hz 高頻 PWM 調光，睇片打機都夠晒順暢護眼。今代仲特別強調超可靠嘅玄武架構同埋第二代崑崙玻璃，兼且具備 IP68 同埋 IP69 頂級防塵抗水性能，成部機變得更加硬淨。電量方面亦升級到 5750mAh 特大電池，支援 100W 有線以及 80W 無線超級快充，帶出街用足全日都唔使擔心電量問題。