主題:SONY Xperia 4G 機大跌價!防水 M2 Aqua 兩千有找

ePrice HK
  • 發表時間:2015-01-16 19:16 收錄檢舉
    近來有關 Sony 手機的新聞真係唔少,不過比起有關 Xperia Z4 規格的傳聞,相信大家更加關心究竟 Sony 會唔會賣左整個流動裝置部門,版主當然希望 Sony 唔好咁做啦,始終市場有競爭對用家先有著數呀!而講起 Sony 手機著數,近日 Sony 就有一批平價 4G 機係大鋪做緊減價,有啲機最多仲減足七舊水,唔知大家又覺得吸唔吸引呢?

    SONY Xperia 4G 機大跌價!防水 M2 Aqua 兩千有找
     

    跌破兩千!防水防塵 Xperia M2 Aqua 二千有找

    今次大鋪減價最吸引的 Sony 手機相信非 Xperia M2 Aqua 莫屬啦,呢部機上年九月尾先正式推出,並唔算舊,推出時賣價要 $2498 。硬件規格上 Xperia M2 Aqua 算唔上出眾,採用 4.8 吋 540x960 IPS 屏幕、 Qualcomm S400 1.2Ghz 四核心處理器配上 1GB RAM 同埋 8GB ROM (支援外接最高 32GB 記憶卡),相機方面就係 800 萬像素主鏡頭同埋 110 萬像素前鏡頭,而電池容量就係 2330mAh 。版主就為 Xperia M2 Aqua 做過開箱,評價係以防水防塵 4G 手機來講 Xperia M2 Aqua 都算係一個唔差的選擇。而家 Sony Xperia M2 Aqua 係大鋪就做緊特價,賣價兩千蚊唔使, $1998 就可以入手。

    SONY Xperia 4G 機大跌價!防水 M2 Aqua 兩千有找
    防水防塵有 4G 又係行貨的手機真係唔多,版主相信 Xperia M2 Aqua $1998 呢個價算係幾吸引的。
     

    大減 700 蚊! Xperia M2 千五唔使有交易

    講完 Xperia M2 Aqua 咁無防水功能而規格完全一樣的 Sony Xperia M2 又有無減價呢?一樣有,而且減得仲多! Xperia M2 比 Xperia M2 Aqua 早幾個月推出,賣價本來已經去到 $2198 ,版主就見到有大鋪已經將 Xperia M2 減左 700 蚊,而家賣價千五唔使, $1498 就買得到!唔知同 Xperia M2 Aqua 相比大家又覺得邊部比較吸引呢?

    SONY Xperia 4G 機大跌價!防水 M2 Aqua 兩千有找
    ▲ 講吸引力 Xperia M2 可能唔夠 Xperia M2  Aqua 大,但減價程度 Xperia M2 就一定比 Xperia M2 Aqua 勁!


    Xperia E3 減兩百,千四唔使搞得掂

    數到 Sony 平價入門級 4G 手機又點少得 Sony Xperia E3 呢?係規格上 Xperia E3 同 Xperia M2 Aqua 其實相差唔太多, Xperia E3 就用上 4.5 吋 480 x 854 解像度屏幕、 Qualcomm S400 1.2GHz 四核心處理器配上 1GB RAM 同 4GB ROM (支援外接最高 32GB 記憶卡),相機方面就係 500 萬像素主鏡頭同埋 30 萬像素前鏡頭,電池容量同樣係 2330mAh 。版主用過 Xperia E3 一段時間(其實而家仲用緊),當做後備手機或者 Pocket WiFi 用真係唔錯,以平價機來講有一點係幾抵讚的,就係同 Xperia M2 Aqua 同埋 Xperia M2 一樣有 NFC 。而家 Xperia E3 一樣係大鋪有減價,由本來 $1598 減左兩百,$1398 就有交易。(另外 3G Dual SIM 版本,一樣都係 $1398)

    SONY Xperia 4G 機大跌價!防水 M2 Aqua 兩千有找
    ▲ Xperia E3 減幅比較細,但仍然係較為平果部。

    其實以大廠平價 4G 機行貨機來講,Sony 確實有唔少兩千蚊樓下的 4G 機可以選擇,除左上文提到果三部之外, Xperia C3 同 Xperia T2 Ultra 都係 4G 而且兩千蚊有找。最後,版主都要提提大家每間大鋪賣價可能會有出入(以 Xperia M2 為例,版主睇的時候唔係間間大鋪價錢都係 $1498 ,而 Xperia M2 Aqua 大份部大鋪都要問過先有 $1998 呢個價)大家想入手時最好就行多幾間啦!

    Sony Xperia M2 Aqua 在文章刊登時,賣價為 $1998,按這裡有更詳細規格及最新賣價
    Sony Xperia M2  在文章刊登時,賣價為 $1498,按這裡有更詳細規格及最新賣價
    Sony Xperia E3  在文章刊登時,賣價為 $1398,  按這裡有更詳細規格及最新賣價
    Sony Xperia C3 在文章刊登時,賣價為 $1998,  按這裡有更詳細規格及最新賣價
    Sony Xperia T2 Ultra 在文章刊登時,賣價為 $1888,  按這裡有更詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁