版主最近經過豐澤，見到展示櫃上放着一個牌，牌上寫住「SONY Xperia XZs 送 $400 超市禮券」。我心諗：咦？好似之前無乜點見過嘅？不過從店員口中得知，其實呢個優惠已經做咗差不多半個月，不過唔係間間豐澤店舖都將呢個牌放在當眼位置，所以未必留意得到吧。
Sony Xperia XZs 現時賣價為 $3198，不過而家送多 $400 超市禮券，咁其實超市禮券你都好容易用得到，扣除優惠之後，Xperia XZs 實際優惠價只需 $2798。二千八蚊玩 Sony 舊代旗艦，5.2 吋芒有 Qualcomm S820 處理器，內置 4GB RAM + 64GB ROM，不過電量就比較少，只有 2900mAh，高用量的網友就未必夠用。
另外除咗 Sony Xperia XZs 有送超市禮券之外，版主發現而家買 Xperia XZ Premium，亦都有得送，不過就無 Xperia XZs 咁多，只有 $300，扣除優惠都要 $4398，仲要限係粉紅色先有。而 XZ Premium 買機基本都會送 64GB 記憶卡、保護貼、保護套以及Noise Cancelling 耳機，另外仲有對情人節杯送。呢個價錢買 S835 4K 旗艦，又值唔值呢？我自己就覺得，尚算可以接受，畢竟同樣 S835 又性價比高的，應該都只有 Xperia XZ1，而家多 $400 有埋 4K 芒，都唔算過份。你又點睇呢？
Sony Xperia XZs 在文章發表時，大舖賣價為 $3198，按這裡有詳細規格及最新賣價。
Sony Xperia XZ Premium 在文章發表時，大舖賣價為 $4698，按這裡有詳細規格及最新賣價。
