主題:獨家賣!百元新機上場!性價比鬥樂視 / 小米 勝三星!

ePrice HK
  • 發表時間:2017-06-21 19:20 收錄檢舉
    又係講百元手機消息的時間!老老實實,今時今日要搵一部百元手機,並不是一件容易的事,講真而家就算係小米,最平都要 $1099,百元手機時代已不再。又要百元機,又要性價比高,樂視前排減價的 Le 2,應該會是目前最抵玩的,其他廠商就算出到百元機,在規格上都是鬥不過 Le 2,完全是兩個不同的層次。最近發現,有部百元新機在某連鎖店獨家賣,又能唔能夠鬥得過樂視、小米呢?想知邊部,睇下文啦!

    百元新機上場!性價比鬥樂視 / 小米 勝三星!-0
     

    百元新機上場!3GB / 32GB CMK 獨家賣 $899

    百元新機上場,講緊嘅係魅族 M5,現已在 CMK 張毛記獨家有售。你可能會問,乜魅族 M5 香港有推出㗎咩,無聽過喎,係咪水貨機嚟架?版主都有查詢過,唔係水貨,係行貨,本來香港沒有上市計劃,不過今次破例合作,俾張毛記獨賣,只要用大新信用卡簽帳,就可以 $899 入手呢部 M5。呢部 M5 大陸定價都要 899 人仔,而家港幣 $899 就可以買到,網友又會唔會考慮呢?

    重溫一下魅族 M5 的規格配置,M5 採用了 5.2 吋屏幕,配備了 MTK MT6750 處理器,香港推出是內置 3GB RAM 以及 32GB ROM 的版本,電池容量有 3070mAh,並用上 1300 萬像素 + 500 萬像素的相機組合。呢個 specs,$899 來說又唔算貴,好似而家仲有賣的三星 J1 (6),都要賣 $998 仲要得 1GB RAM + 8GB ROM,就算有三星光環都好,網友應該都會揀 M5 而不會揀 J1 (6) 吧?

    百元新機上場!性價比鬥樂視 / 小米 勝三星!-1
     

    魅族 M5 平鬥樂視、小米!三機當中你會點揀?

    如果以差不多價錢,性價比差不多高的手機來說,對手應該是樂視的 Le 2 以及紅米 Note 4X,前者最近大舖減價至 $799,同樣有 3GB RAM + 32GB ROM,用上 Qualcomm S652 處理器,在性能上應該會比 M5 好不少。不過樂視所面臨的危機,大家都好清楚,而版主早排更聽聞,樂視已經炒哂啲 promotor,似乎距離玩完的日子愈來愈近了,到時就可能會面臨無保養的風險。而紅米 Note 4X,老實就已經超出百元手機的範疇,3GB + 32GB 版本賣緊 $1099,用 S625 慳電 U + 四千一大電,你又會唔會考慮呢?魅族 / 樂視 / 小米,你又會點揀?

    百元新機上場!性價比鬥樂視 / 小米 勝三星!-2
    ▲ Le 2 早排突然減價至 $799,係乜原因,明嘅自然會明。

    百元新機上場!性價比鬥樂視 / 小米 勝三星!-3
    ▲ 唔想要魅族 MTK U,又怕樂視隨時摺埋,百元手機真係無乜好選擇,再上就是紅米 Note 4X,3GB / 32GB 版本賣 $1099,相比魅族 M5 貴 $200 左右。

    Le 2 在文章發表時,大舖賣價為 $799,按這裡有詳細規格及最新賣價
    紅米 Note 4X (3GB/32GB) 在文章發表時,大舖賣價為 $1099,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁