主題:小米官方:貴一倍有人衝?小米 5 旗艦機 網友問 版主試!

ePrice HK
    • Eddie http://anserbridge.info
    • 帳號:
    • 發文:2575
    • 經驗:7831
    發表時間:2015-01-14 17:35 收錄檢舉
    不得了!小米手機的微博在今日先講完唔會出小米 5 ,隨即就有官方人員暗示左小米新旗艦的價錢。版主睇到都嚇一跳,因為小米新旗艦可能足足比起賣 $1,999 人民幣的小米 4 貴一倍!接近 $5,000 的定價都吸引到人衝?咁佢地出到同 iPhone 6 Plus 一樣咁吸引既新機先得啦!版主 Eddie 其實都已經身在北京,明日會參加小米新旗艦發佈會,有乜野想知道就留言講低,我再盡力幫大家試啦!

    小米官方:貴一倍有人衝?小米 5 旗艦機 網友問 版主試!
     

    小米公關經理爆料新旗艦貴近一倍!仍然主打性價比?

    臨近發佈會,爆料不斷有。今日小米的公關經理楊林在他自己的微博爆料:「小米新旗艦的售價雖然比小米 4 高了近一倍,但你一定會毫不猶豫的下手。明天見!」,暗示了小米的新旗艦會比起小米 4 貴上不少,如果以小米 4 $1,999 人民幣的價錢去計算,那麼小米的新旗艦機可能定價 $3,498 人民幣(約 $4,300 港幣)或者 $3,998 人民幣(約 $5,000 港幣),老實講呢個價錢係香港已經買到唔少旗艦級手機,係咪代表小米已經唔再玩「高性價比」?

    隨後楊林又補充:「新機雖然高價,但一定走性價比路線。」令人有不少想像空間。版主有諗過一個可能性,聽日發佈的如果是傳聞中的小米 arch,有著兩邊的曲面屏幕,解像度去到 2560 x 1440 ,採用 Qualcomm S810 處理器、 4GB RAM ,內置容量 32GB 起,加上超強的相機的話,相對於香港官價 $7,498 的 Samsung Galaxy Note Edge 來講賣 $5,000 都算係平一截,究竟小米新旗艦(或者小米 Note 吧?)會唔會帶比我地驚喜?記得留意聽日的發佈會啦!

    小米官方:貴一倍有人衝?小米 5 旗艦機 網友問 版主試!
    ▲臨發佈前一日爆料新旗艦會比小米 4 貴近一倍,也就是 $3,998 人民幣左右?大約 $5,000 港幣去買部小米手機,你仲會唔會考慮?

    小米官方:貴一倍有人衝?小米 5 旗艦機 網友問 版主試!
    ▲楊林後來回覆,雖然高價,但仍然走性價比路線,咁樣規格最少都要 2K 屏幕、S810 、4GB RAM 、128GB ROM 啦icon
     

    網友問問題:對於小米新旗艦有乜想知?去到現場同你試!

    今次是版主 Eddie 第一次去小米的發佈會,老實講期望都幾大。畢竟這部手機跟小米 4 只相隔了半年,官方又暗示不是小米 5 ,應該是另開新產品線;加上楊林大膽的爆料,賣貴接近一倍都仲講性價比,實在令人很有想像空間。在去年版主玩過不少規格強勁的 2K 芒手機,例如 LG G3 、Samsung Galaxy Note 4、Oppo Find 7 等,都覺得 2K 屏幕是一個規格上的突破,所以都幾期待小米這次強調的「驚喜」。

    係發佈會之前,一切都未被官方定案,小米新旗艦的資料仍然要聽日先知道。網友們對於小米這部「貴價」旗艦又有冇咩想法?有冇特別想知的地方?留個言話比我知,我會盡力同大家詳細試玩!

    小米官方:貴一倍有人衝?小米 5 旗艦機 網友問 版主試!
    ▲版主已經到達北京,明天亦會直擊發佈會會場,究竟小米新機係咪真係咁吸引?大家可以拭目以待

    小米 Note 相關文章:

    小米 5 定 小米 Note 直接現身?令人「驚喜」的小米產品即時發佈!
    不是小米 5 !小米將新機命名為小米 Note
    人仔 2299 打殘 5.7 吋芒 小米 Note 發佈 + 功能介紹
    小米 Note 實機圖賞
    4GB RAM 小米 Note 頂配版 大戰 Nexus 6 你點揀

    小米 5 都有 Touch ID 這是向 iPhone 6 Plus 致敬嗎?
    窄邊框設計 疑似小米 5 真機相片流出
    限量 5 萬部更難搶!傳小米 5 將採用藍寶石玻璃螢幕
    小米手機 5 用金屬質感更似 iPhone ?傳聞價錢再貴 15%
    小米 5 的真機和跑分都流出了!這樣的規格會令你失望嗎?
    小米 5 超薄機身確認?威過 iPhone 6 不過仍然輸比…
    小米官方:貴一倍有人衝?小米 5 旗艦機 網友問 版主試!

     

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2015-01-14 19:46 檢舉
    想Eddie兄帶部米4上去比教一下內外各方面
    02樓 ▲TOP 回列表頁
    • Eddie http://anserbridge.info
    • 帳號:
    • 發文:2575
    • 經驗:7831
    發表時間:2015-01-15 00:31 檢舉
    unclechak說:
    想Eddie兄帶部米4上去比教一下內外各方面

    很可惜的,版主們手上都沒有米 4 …(我一直都想玩啊)
    03樓 ▲TOP 回列表頁