無須預約!小米 4i 定價+開賣日期確認!有驚喜嗎?

Lawrence | 小米
上星期華為推出左個 Honor 6Plus 半價搶購大優惠,可能唔少網友都有試過。咁就啱啦,因為小米 4i 今日就已經係香港發佈,定價同開賣日期亦正式公佈左,大家係時候做足準備挑戰「搶米」啦!不過,係搶之前大家都係睇左定價同發佈日期先,一齊睇埋下文啦!

[多圖]五模多頻 + 新 S615 處理器!小米 4i 真機上手極速睇
 

小米 4i 5 月 12 號開放預訂! $1,599 呢個賣價抵唔抵?

之前小米 4i 係印度首次發表的時候,版主 Eddie 就同大家比較過呢部機係定價同埋規格上將會同邊部份手機可以一拼。係規格上,小米 4i 的賣點首先要提的就係支援 5 模 16 頻,包括香港的 1800/2600MHz FDD-LTE 與大陸的 TD-LTE 與 TD-SCDMA ,呢樣係以往小米於香港推出的手機比較少見。係屏幕上小米 4i 亦有 5 吋 FHD 屏幕,處理器就係第二代的 Qualcomm S615 八核心,分別有 1.7GHz +1.1GHz 的四核配合 2GB RAM。小米 4i 比較令人糾結的地方就係只有 16GB 內置容量同埋不能夠插卡,不過相機方面都算可以 1300 萬像素主鏡頭同 500 萬像素前鏡的組合。電池方面則不可以更換,但內置 3120mAh 電量其實都算大。

係開賣資料方面,小米就宣佈將會係 5 月 12 號正午 12 點正式開賣,而定價就係 $1,599 ,佢官方就寫「無需預約」,但大家見到尋日遊戲搶 F 碼就知道…數量有限啦。而 csl. 亦會推出 $0 機價優惠出機,不過月費就未推出啦!呢個定價唔知大家又覺得算唔算值得入手呢?留言講講啦!icon
 

小米 4i 發佈會相關文章:

小米 4i 發佈! 千六蚊有 八核 CPU 跑分四萬分
平價 FHD +高效能大戰!小米 4i 鬥魅藍 Note、ASUS Zenfone 撐邊部?
[多圖]五模多頻 + 新 S615 處理器!小米 4i 真機上手極速睇


無須預約!小米 4i 定價+開賣日期確認!有驚喜嗎?
$1,599 搶唔搶?版主分析小米 4i 衝/唔衝五大理由!
點解 4i 唔支援 SD 卡?小米副總 Hugo Barra :插卡已 OUT

在文章發佈的時侯,小米 4i 香港定價為 $1,599,按此看詳細規格和最新賣價。
廣告