小米 Note 頂配版簡單開箱！12 日開賣前官方價錢小減 $300 人仔
事隔幾個月，唔知大家仲記唔記得 小米 Note 頂配版係咩規格，首先同大家重溫一下吧！呢部機採用了 5.7 吋的 2560 x 1440 (2K) 解像度屏幕，達到 515PPI 、效能方面 Qualcomm S810 64bit 2.0GHz 八核配 4GB RAM ， 內置 64GB 容量但不能插卡（ Hugo 都話插卡 Out 了啦），相機方面 1300 萬像素 Sony 感光元件光學防震鏡頭和 400 萬像素 UltraPixel 前鏡頭，手機因為採用一體成形式機身，所以是不能換電，電池量有 3090mAh 。上次版主 Eddie 在北京跟大家試玩過普通版的小米 Note ，基本上今次的頂配版小米 Note 設計也是一樣的，就是改用了白色機身和金色的金屬邊框，這部手機，版主丹尼爾試過進行跑分去測試一下 Qualcomm S810 配 4GB RAM 的分數，但跑了兩、三次都自動跳出，所以係咪好似官方所講跑到 60,000 分就真係未知啦。版主簡單睇過 2560 x 1440 高解像度屏幕的對比、顏色都很強烈，也有小米 4i 上面的「陽光屏幕」功能，懂得在強光下自動調高對比度，令畫面更清晰。
大陸今日發佈的小米 Note 頂配版跟普通版一樣都係支援到 TD-LTE (Band38、39、40、41)、FDD-LTE(Band 3 、Band 7) 的 4G 頻段，亦支援 TD-SCDMA 與 WCMDA ，所以它是五模多頻的手機，而手機是同是支援雙卡雙待的手機，有一個 Micro-SIM 與一個 Nano SIM 插槽，兩邊都支援到 4G 速度。
而大家又記唔記得小米 Note 頂配版係一月既發佈會入面，公佈會賣 $3,299 人民幣（約 $4,123 港幣）；不過拖左幾個月之後宣佈價錢只需要 $2,999 人民幣（約 $3,748 港幣），減到 $4,000 以下真係佢令加強唔少競爭力，而大陸將會係 5 月 12 正式開賣。其實都有唔少網友們關於小米 Note 普通版與頂配版幾時會登陸香港，大家又覺得仲值唔值得等佢黎，定係直接過多排入水貨就算呢？留言講講吧！
▲這就是小米 Note 頂配版的包裝盒了
▲打開小米 Note 頂配版就在裡面了
▲頂配版是白色機背與金色邊框，會很土豪嗎？
小米 Note 相關文章：
S810 + 4GB RAM 簡單開箱！ 頂配版小米 Note 開賣前減價
頂配小米 Note 跑分六萬三！S810+ 4GB RAM 唔熱堅定流？
S810 貨真價實安兔兔跑分六萬！小米 Note 頂配版主上手玩！