規格大幅提升！紅米 Note 2 主打 MTK 旗艦級處理器
小米係紅米系列上近排發展不算很好，紅米 2 價錢需然平但係因為規格上的弱點就成為左不少朋友投訴的主因。不過今次小米發表的紅米 Note 2 係規格上就有睇頭得多了！係外型上紅米 Note 2 有五種顏色可選，而且支援換電池同埋換背蓋。另外係重量只有 160g ，以大屏幕手機來講算係頗為輕薄的。係屏幕方面紅米 Note 2 有 5.5 吋 FHD 解像度屏幕同埋支援夜光屏以及陽光屏功能。
處理器都係紅米 Note 的重要賣點，因為佢用緊目前不少旗艦機都用緊的 MTK Helio X10 處理器，呢個處理器目前係 HTC 的旗艦好似 One M9+ 同埋 E9+ 上都用緊啊！另外再配上 2GB RAM 以及 16GB 或者 32GB 內置容量。雷軍強調紅米 Note 2 係優化上面做得相當出色，係安兔兔跑分上都可以做到五萬四分。另外一個重點就係紅米 Note 2 係有分高配版同低配版的，但只係在處理器的時脈上有不同，標準版係 2.0GHz ，同 HTC 的 E9+ 一樣。而高配版就係 2.2GHz ，跟 HTC 的 M9+ 相同。
係相機方面紅米 Note 2 就有F2.2 光圈同用左 PDAF 相位對焦的 1300 萬像素主鏡頭，小米強調紅米 Note 2 對焦只需 0.1 秒就可做到，即係比起 G4 更快！而前鏡就係 OnmiVision 500 萬像素主鏡頭。另外電池就係 3060mAh 。
最後係價錢上，小米宣佈紅米 Note 2 有移動版以及雙網通版，兩個都係 16GB 內置容量以及 2.0GHz CPU 的配置，價錢分別為移動版 799 人仔（約為 $965 港幣）以及 899 人仔（約為 $1086 港幣）。而高配雙網通版就要 999 人仔（約為 $ 1207 港幣）但就有 2.2GHz CPU 同埋 32GB 內存。而開賣日期方面，小米今次都相當快手， 8 月 16 號就會開賣（不過係大陸）。唔知大家又覺得紅米 Note 2 有無吸引力呢？留言講講啦！
閱讀更多小米發布會文章：
5.5 吋 FHD 芒 + Helio X10 ！紅米 Note 2 千元有找登場
千元入門價質感又如何？ 5.5 吋大芒紅米 Note 2 實機極速睇！
小米路由器青春版：手掌咁細、尿袋供電！
千元有找 FHD 大芒 + Helio X10 紅米 Note 2 現身？小米發佈會直擊
版主同你上手玩：紅米 Note 2 相機對焦同 G4 有得比！