千元入門價質感又如何? 5.5 吋大芒紅米 Note 2 實機極速睇!
|
小米
今次推出的紅米 Note 2 除左以性價比做最大賣點之外,係機身上就強調有著 5.5 吋芒的同時都相當輕薄。係 152 x 75 x 8.25mm 的尺吋下只係重 160g ,其實算係幾輕薄的機身了。係背蓋方面紅米 2 就有黑、白、黃、粉紅同埋藍色 5 種,不知到港時會出幾多隻色呢?
▲ 係機背上,小米提到佢地係將手感作為重心,用左磨砂材質的塑膠背蓋,可以預期係手感方面會同而家的小米 4i 相近,而且背蓋係可換式,除左可以換上不同款式的背蓋之外更重要是可以換電啊!
▲ 機身的厚度為 8.25mm ,可以見到紅米 Note 2 係鏡頭上係用左突出式的設計,外觀令版主第一時間想起 HTC 的 One ME 。
▲ 另外 3.5mm 耳機插口係機身的頂部,而 USB 插口當然係底部啦。
▲ 係相機方面紅米 Note 其實都有不少賣點,好似係用左 Samsung 的 1300 萬像素主鏡頭,同時間有 F2.2 光圈同埋 PDAF 相位對焦。另外補光燈係相機的下方。
▲ 可以見到機面都係用緊熱感式按鍵。
▲再講多少少係手機外型上的資料,原來對比起上一代的紅米 Note ,新一代的紅米 Note 2 係厚度上只有原來的 87% 而且足足輕左 25g !
▲ 係肉眼睇唔到的地方上,小米官網亦提到係機背裡面其實係用左「高性能石墨散熱膜」,有助降低處理器溫度。
▲雖然紅米 Note 2 的外型係以塑膠材質製作,但係原來係機身框架上都用左鎂鋁合金去整的。以上就係今次實機極速睇的全部內容啦,大家又點睇小米呢部新機呢?留言講講啦!
來源:Miui.com
閱讀更多小米發布會文章:
5.5 吋 FHD 芒 + Helio X10 !紅米 Note 2 千元有找登場
千元入門價質感又如何? 5.5 吋大芒紅米 Note 2 實機極速睇!
小米路由器青春版:手掌咁細、尿袋供電!
千元有找 FHD 大芒 + Helio X10 紅米 Note 2 現身?小米發佈會直擊
版主同你上手玩:紅米 Note 2 相機對焦同 G4 有得比!