未來或會支持一小時快速維修! 全新小米售後服務中心進軍沙田!

左定坤 (Cho Ting Kwan) 2016-01-12 19:32 | 小米

今日就係紅米 3 在大陸正式開售的日子，有關紅米 3 的規格以及定價資料，其實尋日版主 Lawrence 已經同大家提過小米佢地偷步發佈，唔知呢部紅米 3 有無帶俾大家驚喜呢? 而紅米 3 在大陸正式開售的同時，小米香港的專屬售後服務中心亦已進軍沙田，方便小米的用家電話有咩野問題，都可以到售後服務中心查詢。



原本小米用戶只能在「旺角小米之家」或者「旺角服務中心」享用售後服務，而家呢啲售後服務延伸至沙田。位於沙田開設的全新專屬售後服務中心，實用面積超過 1000 呎，未來或會支援一小時快速維修服務，讓小米用戶更能節省時間。如果真係做到一個鐘就能夠整好部電話的話，應該會成為小米服務一個唔錯的優勢。



店舖資料
地址：沙田新城市中央廣場 2 座 17 樓 1713 室 (鄰近沙田港鐵站)
營業時間：星期一至星期六，11:00 - 20:00，星期日及公眾假期休息

用緊小米手機的米粉們，而家如果你部手機壞左的話，除左去旺角之外，仲有沙田呢個另一選擇。事實上，沙田呢間小米授權服務中心已經試業左一段時間，唔知大家有沒有去過呢? 如果去過嘅話，唔知大家覺得呢間售後服務中心的服務質素好唔好呢?