6.44 吋平板手機，金屬機背設計
版主個人對 Specs 的要求不算太高，反而對手機的外型相當執着，佢嘅外表如何，決定我會否選用這款手機。而呢部小米 Max 又點呢? 成日都話版主愛大芒機，而呢部小米 Max 在屏幕尺寸上就滿足到我的需求，有 6.44 吋之大，比 iPhone 6s Plus 大 37%，解像度有 1080p，表層有 2.5D 曲面玻璃覆蓋着，可以當手機用又得，當平板用都得。另外，小米 Max 採用了類似紅米 Note 3 的金屬機身設計，不過上手質感會唔會好似紅米 Note 3 咁有膠味呢? 呢點就要等版主 Lawrence 上手先知道 。小米 Max 的機背採用了三段式的設計，同時具備後置的指紋辨識功能。小米 Max 具有大芒的同時，機身亦相當輕薄，機身尺寸為 173.1 x 88.3 x 7.5mm，而重量則為 203g，僅比 iPhone 6s Plus 重 11g。顏色方面，小米 Max 有銀、金、灰三種顏色選擇。
▲ 小米 Max 具有 6.44 吋大屏幕。
▲ 擁有更大的芒，在玩遊戲、看視頻時可以更舒適。
▲ 雖然擁有咁大個芒，不過小米稱，小米 Max 機身相當纖薄，厚度只有 7.5mm，並且能夠單手可握。
▲ 可以放在褲袋入面。
▲ 顏色方面有銀、金、灰三種選擇。
中階配置，採用 4850mAh 大電，緊貼 ASUS ZenFone Max?
至於規格方面，小米 Max 配備了 Qualcomm Snapdragon 650 / 652 處理器，內置 4GB RAM 以及 128GB ROM，再支援最大 128GB 的 microSD 卡。小米 Max 內置 4850mAh 核電，緊貼 ASUS ZenFone Max 的五千電，相比 iPhone 6s Plus 多了 76%，加上 MIUI 8 的省電技術，小米表示曾做過測試，能夠播放影片達 14 小時，並連續拍攝達 4 小時 40 分鐘。
另外，小米 Max 亦支持雙卡雙待，提到雙卡，不得不提是它的卡槽設計，如之前雷軍在微博上提及，小米 Max 採用了「3 選 2 擴展卡槽設計」，即係話佢個雙卡槽，一係可以放 nanoSIM 及 microSIM，一係就放 microSD 卡同 microSIM 卡，唔能夠做到雙卡連 microSD 卡並存。呢種「孤寒卡槽」設計，應該唔少網友都唔係咁中意! 相機部份，小米 Max 採用了 1600 萬像素主鏡頭以及 800 萬像素前置鏡頭，並支持相位對焦功能。
▲ 小米 Max 內置 4850mAh 大電池。
▲ 加上 MIUI 8 的系統省電技術，能夠延長手機續航力。
▲ 小米 Max 的配置表。
▲ 採用了「孤寒」卡槽設計，最高可擴展至 128GB。
運行 MIUI 8 作業系統，在相冊、截圖等方面進行優化及改進
除左小米 Max 之外，小米亦發表了 MIUI 8 作業系統，在用色方面作出大量改動，色彩更豐富及年輕化，並加入了大量動畫效果，MIUI 負責人表示，MIUI 8 在撥號、打開 Wi-Fi 等等都會有豐富的動畫效果。另外，小米亦推出了小米自家的字體－小米蘭亭，對字體的重心大量調整，改善中文閱讀體驗。除此之外，MIUI 8 亦加入了大量的鎖屏圖片。
不過，MIUI 8 相對比較大的改動，是相冊的功能，加入了連拍聚合、相冊收納、照片瘦身、快速分享等功能。對於平時有編輯相片、影片習慣的用家，MIUI 8 亦加入了塗鴉、馬賽克、貼紙、視頻編輯 (包括手動剪輯、視頻濾鏡、添加視頻背景音樂) 等功能。當然，除左相冊之外，MIUI 8 亦在截圖 (長截屏及精確裁剪)、便條、計算機等方面亦有改進，而且加入了類似魅族的「懸浮球」功能。
比較有趣的是「應用分身」功能，你可能會問，到底咩黎架呢? 呢個應用可以讓你在一部手機中，雙開微信、QQ 等軟件。小米表示，這個功能支持絕大多數應用的雙開，甚至是網遊亦可以雙號雙開。不過，事實上版主知道 App Store 有一個應用，都可以做到類似的功能，佢就係 App Cloner，版主都有利用呢個 App，多開 Facebook 帳戶。
▲ 相冊中加入了連拍聚合功能。
▲ 圖片編輯方面，亦加入了塗鴉、馬賽克等功能。
▲ 在視頻編輯方面亦有改進。
▲ 加入手動長截屏等功能。
▲ 類似魅族的「懸浮球」功能。
▲ 應用分身功能，能夠雙開社交軟件、遊戲等等，不過唔知 Facebook、Whatsapp 可唔可以多開呢?
▲ 大家最關心是省電的問題，MIUI 8 開啟省電模式後，能夠凍結後台運行的 App、暫停自動同步、更新後台任務等等，能夠讓手機延長 2-3 小時使用時間。
三個版本，售價人民幣 1499 起
小米 Max 有三個版本，4GB RAM + 128GB + S652 版本的小米 Max 售價為人民幣 1999 元 (折合港幣約 $2381)，而 3GB RAM + 64GB ROM + S652 版本的小米 Max 則為人民幣 1699 元 (折合港幣約 $2023)，至於最低配置的 3GB RAM + 32GB ROM + S650 版本，則售人民幣 1499 元 (折合港幣約 $1785)。呢個價錢，實在不算貴，網友點睇呢?
更多有關小米 Max 的消息：
狙擊三星 A9 Pro！6.4 吋芒小米 Max 四大賣點發佈前搶先睇
定價、實機照曝光！6.4 吋芒小米 Max 外型降級，仲要貴過米 5？
五千大電 Asus Zenfone Max 有行貨！小米 Max 香港會賣
4GB RAM + 128GB ROM! 6.44 吋巨電小米 Max 好抵玩?
外型拼小米 5! 小米 Max 屏幕、跑分一手試!
小米 Max 在文章發表時，香港上市日期未定，按這裡有詳細規格及最新賣價。