主題:6.67 吋 120Hz 芒 S870 5G 手機!小米 POCO F3 下周香港推出

ePrice HK
  • 發表時間:2021-04-07 18:25
    版主好記得上個月小米頻頻發表新機,淨係寫小米出機我都寫過好多部,但有部手機我係無提到,唔係因為唔想提,而係因為果日我放假,加上又唔知香港出唔出,所以索性諗住等香港出先一次過講。雖然小米香港仲未同傳媒講到底幾時會發表,幾時會開賣,但原來佢哋自己早已跳過傳媒呢 part,搶先「透露」 POCO F3 香港推出時間。想知詳情,睇下文啦!

    6.67 吋 120Hz 芒 S870 5G 手機!小米 POCO F3 下周香港推出

    原來,雖然小米香港仲未同傳媒發邀請函講 POCO F3 幾時發表,但佢哋自己已經跳過傳媒,落哂廣告「透露」POCO F3 香港推出時間。又無寫到明係呢日發佈嘅,廣告上係寫住「POCO F3 即將登場 - 4 月 13 日開箱直播」,但按照小米往常經驗,都係發佈會完當日自己又請埋啲乜乜 KOL 做開箱直播,咁都唔難猜測小米 POCO F3 正正就會係 4 月 13 日香港發表,呢個推斷相信都合情合理吧?

    6.67 吋 120Hz 芒 S870 5G 手機!小米 POCO F3 下周香港推出

    不過,有關 POCO F3 香港會賣幾錢,好老實就連我都暫時未有收到相關消息,只好一收到更多消息,再同大家分享。順帶一提,小米 POCO F3 會係繼 vivo X60 系列之後,又一部的 S870 5G 旗艦手機,有 6.67 吋 120Hz 芒,支援比 ROG Phone 5 還要誇張的 360Hz 觸控採樣率,用嚟打機手機觸控屏幕延遲會降低,反應更快。實際用嚟打機係咪真係有好大優勢,希望我可以好快有得體驗。網友又對呢部手機有無興趣呢?留言討論下啦!

    6.67 吋 120Hz 芒 S870 5G 手機!小米 POCO F3 下周香港推出

    立即加入Facebook 專頁,新聞/消息/優惠,最快知。

    01樓 ▲TOP 回列表頁