主題:2016 核心手機! OPPO 推新系列,相機是重點挑 G4?

ePrice HK
  • 發表時間:2016-01-04 17:20
    版主 Keith 好耐之前曾經借過一部 OPPO 的 N3 俾我玩,起初的時候我都好感興趣,因為佢擁有可旋轉的相機鏡頭,變相無論在前置還是後置鏡頭,都擁有 1300 萬像素,對於中意自拍的版主來說,呢部 N3 無疑是一部唔錯的手機。而今日 OPPO 宣佈,佢地將會再推出一個以影相為中心的新系列 - F 系列,唔知實際影出來的效果係咪真係咁靚呢?

    2016 核心手機! OPPO 推新系列,相機是重點挑 G4?

    OPPO 稱,F 系列的智能手機將會是 2016 年的核心產品之一,以影相為主要賣點,務求可以帶給用家最好的拍攝體驗。以目前市面上的智能手機來說,能夠稱得上影相靚嘅,版主認為 G4 的相機表現一直都不錯。至於呢個 F 系列的相機鏡頭能唔能夠力壓市面上的其他手機,暫時就未知的,不過總會有人認為,大陸機始終係大陸機,絕對無辦法同大廠相題並論,但目前我地姑且期待一下吧!

    F 系列的第一部產品將會叫做 F1,並將會在今個月內推出。從 F 系列的海報上,我地可以看到呢部 F1 有機會會採用金屬機身,外界亦有傳呢部 OPPO F1 會採用 5 吋 720p 屏幕,配備 Qualcomm Snapdragon 616 處理器,並內置 2GB RAM,其他規格就未有消息。不過最近網上有 OPPO F1 的外型圖曝光,就等版主先俾大家欣賞一下啦!

    2016 核心手機! OPPO 推新系列,相機是重點挑 G4?
    ▲ OPPO F1 有傳將會採用 5 吋 720p 屏幕。

    2016 核心手機! OPPO 推新系列,相機是重點挑 G4?
    ▲ 圖中你可以見到,佢採用了金屬邊框,頂部會有 3.5mm 耳機孔。

    2016 核心手機! OPPO 推新系列,相機是重點挑 G4?
    ▲ 而底部則有 microUSB 插槽。

    2016 核心手機! OPPO 推新系列,相機是重點挑 G4?
    ▲ 機背方面,都是採用了金屬設計,上方會有主鏡頭、閃光燈以及 OPPO 字樣,而下方會見到喇叭。

    打到呢度,版主已經能夠預計到,肯定有人又會話,見到 6 系的處理器,已經唔洗諗咁多,絕對無興趣。但講到尾,呢部 F1 主打只係相機,對於佢嘅 spec 其實應該無咩人會期待。而家唯有睇下佢嘅相機做得生唔生性,能唔能夠成功吸引到大家的注視啦!

    來源:Soji 手機王

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
    • unclechak U11 80分droid turbo90分 艾瘋SE90分
    • 帳號:
    • 發文:963
    • 經驗:1784
    發表時間:2016-01-05 09:22
    鏡頭個樣同VIVO啲機餅印咁....
    不如合返埋一間公司啦...
    02樓 ▲TOP 回列表頁