OppoStyle Flash Sale 大劈價!舊 S801 旗艦唔使 $900
邊間大廠咁豪氣?答案就係 Oppo 啦!雖然 Oppo 未有正式進軍香港,但大家其實可以從 OppoStyle 入手 Oppo 產品的,而且係免運費同有返官方保養。講返今次 Oppo 今次個 VOOC Flash Sale ,玩法就係買得多慳更多,買一部手機只會做 75 折,而買到 3 部就會有 65 折!上到 OppoStyle ,大家第一時間一定會被用上 S801 處理器的前代旗艦 Find 7a 吸引住,因為而家做優惠之後,只係賣 127 美金,計返港幣都只係 $986 ,最平可以去到 110 美金,即係 $854 港幣!一千有找有全新 S801 旗艦,大家一定流晒口水吧?但版主係到都要潑大家冷水,因為 Find 7a 只有 US Version,呢個版本並唔支援香港的 FDD-LTE 啊!
▲ 留意, Find 7a 只有 US 版本, 4G FDD LTE 頻段並不完善。(不過如果閣下在日本生活,呢部反而無問題哦)
Find 7a 最平卻非最佳選擇,OPPO R7s 會更好?
理智的網友都會明白,幾平都好,選 Find 7a 只有美版可選,實在唔著數。版主個人就覺得,係網上都有唔少人討論過的 R7s 看來更加抵玩!先講下 R7s 的規格,除左用到香港 FDD LTE 之外, R7s 仲有 5.5 吋 Full HD 芒同埋 Qualcomm S615 處理器配上 4GB RAM 以及 32GB 內置容量。相機方面就有 f2.2 光圈的 1300 萬像素主相機同 800 萬像素前鏡,電池有返 3070mAh 。規格唔算係好出色,但係減價之後,價錢只係 299 美金(港幣 $2321),最平可以做到 259 美金(港幣 $2011)。唔知大家又覺得算唔算抵呢?留言講講啦!▲ OppoStyle 提到,呢個 Flash Sale 已經係 Last Day ,大家手快有手慢無啊!
連結:OppoStyle
在文章發佈的時侯, Oppo Find 7a (美版)優惠價 $986 ,按此看詳細規格和最新賣價。