主題:越多人買越平! Le MAX 最貴款開價近五千!

  • 發表時間:2015-06-16 19:20 收錄檢舉
    越多人買越平! Le MAX (樂 Max) 最貴款開價近五千-0

    樂視超級手機三子中以 Le MAX 最為神秘,神秘之處在於竟然一路無價錢,唔知賣幾錢。今日終於有消息啦,銀色 32GB 版賣人民幣 3299 元 ( 約港幣 4,117 元),64GB 版賣人民幣 3499 元 ( 約港幣 4,366 元);金色 64GB版 賣人民幣 3599 元 ( 約港幣 4,492 元),128GB版 賣人民幣 3999 元 ( 約港幣 4,992 元)。即日起接受用戶預訂,7 月 7 日開放購買。當然都係大陸消費者限定啦。

    睇到呢度,相信唔少網友都哇左一聲,因為最平都要港幣四千幾。樂視可能都知道大家覺得部 Le MAX 貴,所以又搞新意思:用戶預約人數每增加 100 萬,相應版本的 Le MAX 售價將會調低人民幣 100 元,直至降到量產機既成本價。簡單黎講,理論上姐係越多人預訂就價錢越低!

    Le MAX 規格配備 Snapdragon 810 處理器,6.33 吋 2K 屏幕,4GB RAM,2100 萬像素主鏡頭和 3400 mAh 電量。Le MAX 也加入指紋識別和支援 4G 雙卡雙待。之前版主 Keith 已經同大家測試跑分同上手試玩架啦。面對如此的規格,不知道網友們又覺得呢部 Le MAX 開價賣到如此價錢,又是否一個吸引的價位呢? 但我其實更想知道,究竟樂視超級手機幾時可以係香港有行貨呢?


    在文章發佈的時侯,樂視手機 Max 仍未公佈在香港的定價與開賣日期,按此看詳細規格和最新賣價。

    立即加入Facebook 專頁,新聞/消息/優惠,最快知。

    01樓 ▲TOP 回列表頁