HONOR 90 屏幕賣點：好護眼！另加開箱評測
先由外觀上講起，HONOR 90 採用咗前後對稱四曲面設計，厚度僅為 7.8 mm，相當纖薄，而重量亦只係 183g，唔會覺得好墜手，係一部拎上手手感唔差嘅手機。另外，HONOR 90 有 6.7 吋嘅屏幕，解像度為 2664 x 1200，呢度要加句咀補充一下，其實屏幕亦都係呢部 HONOR 90 嘅賣點，唔係 sell 有幾清，唔係 sell 有幾光，而係 sell 護眼。佢係市面上首部具有 3840Hz 超高頻 PWM 調光技術嘅智能手機，而 PWM 係啲乜，呢度有必要同大家簡單解釋一下。PWM 中文叫做「脈衝寬度調變」，睇落去都係唔知 up 乜，唔緊要，PWM 調光實際就係透過快速開關屏幕嘅方式，去控制屏幕嘅亮度。例如 100% 屏幕亮度嘅時候，屏幕就係一直開啟；而如果 50% 亮度，即係屏幕有一半時間係開啟，有一半時間係關閉；如果亮度只有 10%，就即係淨係得 10% 時間屏幕係開啟，有 90% 嘅時間都係關閉。簡單嚟講，我哋平時見到嘅屏幕發光，其實實際上都係一直「開、關、開、關」嘅狀態，去控制屏幕嘅發光量，只不過因為頻率好高，人眼一般睇唔清楚，但睇唔清楚唔代表無影響，主要影響係會令眼睛容易攰，比較傷眼。
而 3840Hz 超高頻嘅屏幕，又係乜嘢嘅概念呢？簡單嚟講就算你亮度唔係開到 100%，而係較低嘅亮度水平，屏幕都可以保持更舒適，無頻閃嘅觀看體驗。同時，HONOR 90 嘅護眼技術亦獲得 TUV 萊茵無頻閃零風險調光證證，達到無風險調光水平，可以確保用家使用手機嘅時候，雙眼都可以有最充足嘅保護。另外，HONOR 90 亦用咗模擬自然光嘅類自然光護眼技術，喺中標院入面嘅視覺舒適度測試達 VICO A+ 等級，而且支持助眠顯示，屏幕色溫變化匹配人體褪黑素分泌規律，喺無感知嘅情況下去藍光，可以令睡眠質素更好，而且能夠保護雙眼。
其實講完咁多，你想知原理就慢慢理解消化，唔想知嘅，其實用三個字解釋哂：「好護眼」。
接住落嚟，就同大家做個開箱，睇下手機外觀：
▲ HONOR 90 包裝盒。
▲ 我手上的是 12GB RAM + 512GB ROM 版本。
▲ 打開包裝盒會見到 HONOR 90 實機。
▲ 拎開手機會見到有充電火牛、USB 線、仲有一個盒裝住保護套同埋卡針。
▲ 支持最高 66W 充電。
▲ 6.7 吋屏幕，屏幕支持 3840Hz PWN 調光技術，簡單嚟講就係唔會壞眼，減少眼睛疲勞。
▲ 好似我呢隻綠色嘅話，機背係磨砂面，唔易沾指紋。
▲ 雙環鏡頭設計。
▲ 右側有電源鍵以及音量鍵。
▲ 底部有 SIM 卡槽同埋充電插槽。
HONOR 90 相機成像測試
相機方面，HONOR 90 沿用咗三鏡頭系統，當中包括 2 億像素主鏡頭、1200 萬像素超廣角微距鏡頭以及 200 萬像素景深鏡頭，以三千零蚊價位，玩到 2 億像素相機，雖然大像素唔代表係乜，不過都係一個 Gimmick 嚟。另外，呢個 2 億像素鏡頭亦配備 1/1.4 吋感光元件，尺寸相比上一代增加 25%，感光能力亦增強了 11%，並且可以保留到更多嘅細節。另外，HONOR 喺人像拍攝方面表現亦有所增強，喺唔同焦段下，都可以捕捉清晰人像，並喺人像同散景之間取得平衡。不過，口講無用，我哋不如直接睇下我用 HONOR 90 拍出嚟嘅成像，畀大家睇下，到底呢部 HONOR 90 拍出嚟嘅質素如何，喺三千零蚊價位手機入面，又可唔可以脫穎而出呢？第一組：超廣角 VS 標準 VS 2x 變焦 (1)
超廣角拍攝
標準拍攝
2x 變焦拍攝第二組：超廣角 VS 標準 VS 2x 變焦 (2)
超廣角拍攝
標準拍攝
2x 變焦拍攝第三組：人像模式
 |
 |
第四組：微距拍攝
▲ 微距拍攝同樣用佢個 1200 萬像素超廣角鏡頭，相比起平時低像素嘅微距照，HONOR 90 喺拍攝微距嘅時候，都保留細緻清晰，呢點都係值得讚嘅地方。
第五組：人像模式自拍
▲ 人像拍攝亦適用於自拍上，除咗頭髮嘅地方，景深計算可能有些微瑕疵，但整體還是自然，而且都預設有輕微嘅美顏效果。
第六組：2 億像素拍攝
▲ 不解釋，2 億像素喺我角度都只係 Gimmick，一般正常人都好少會用到 2 億像素影相，因為 size 太大，一張相成二三十 MB。
HONOR 90 其他規格
規格方面，HONOR 90 配備咗 Qualcomm Snapdragon 7 Gen 1 增強版八核心處理器。正常嘅 S7 Gen 1，時脈為 2.4GHz，但今次呢粒係一粒增強版，時脈則去到 2.5GHz，意味着喺 CPU 以及 GPU 性能上，都比普通嘅強。另外，HONOR 90 香港版內置 12GB RAM，並且有 256GB 以及 512GB 兩個版本，而今次我開箱嘅，係 512GB 嘅版本。另外，手機具有 5000mAh 超大電池，加上內置嘅 AI 省電技術，可以應付一整天嘅工作，並且支援 66W HONOR 有線快充技術，15 分鐘可以充電至 45%。小結
上手試玩呢部 HONOR 90 一段時間，我覺得佢唔係真係好似一部三千幾蚊嘅中階手機，喺使用上嘅順暢度，甚至相機各方面嘅表現，我覺得都相當唔錯，而今次 HONOR 仲將 2 億像素相機，下方到一部中價手機入面，叫另一個同樣有 2 億像素但價錢賣到咁貴嘅旗艦手機情何以堪呢～當然，HONOR 手機其實我一直覺得，自拍表現唔錯，而測試完 HONOR 90 之後，確實如此，係咪影到我好似好靚仔呢～～～最後，我好關注手機嘅外觀，綠色用上磨砂面，唔易沾指紋，再加上機背嘅雙環設計，整體望落去都算係靚靚仔仔，但建議一定要笠返個套，因為磨砂面始終會好滑手！最後，$3199 起嘅價錢，你又覺得 HONOR 90 係咪對得起呢個價錢應有嘅質素呢？HONOR 90 在文章發表時，建議零售價為 $3199 起，按這裡有詳細規格。
