屯門店「超值搶購週」，每日一款震撼價！
今次新店開張，HONOR 似乎真係落足重本。佢哋嘅「超值搶購週」玩法係，每日指定一款產品做「獨享價」，優惠只限屯門 V city 體驗店。雖然話每日一款，但其實有啲產品個優惠期係覆蓋成個星期，最吸睛一定係個「HONOR SuperCharge 快速充電組合（Max 22.5W）」，由 $199 減到 $19，差不多係 1折！$19 而家買到咩？可能連個靚少少嘅手機殼都買唔到，但呢度就可以買到套原裝快充，真係要搶！至於其他每日精選，版主覺得以下幾款都極有吸引力：
· 1月14日（今日！）：HONOR X9c Smart，建議零售價 $2299，優惠價 $999。雖然規格未必係最新，但一千蚊唔使有部 HONOR 大芒手機，買嚟做後備機或者送俾長輩用，似乎諗得過。
· 1月15日（聽日）：HONOR Watch 4，$1099 → $499。智能手錶跌到五百蚊樓下，通常都係入門款，但呢隻 Watch 4 點都算係中階型號，性價比即刻飆升。
· 1月19日：HONOR Earbuds X6，$369 → $99。一百蚊有找買對品牌真無線耳機，純粹想解放雙耳聽吓歌、打電話，應該無得輸。
成個優惠列表都好清楚，簡單嚟講，如果住屯門元朗天水圍或者喺附近返工，真係值得去巡一巡，睇下心水產品有冇喺優惠日出現！
全線分店同慶：「即開即賞」+ 超抵換購
如果唔就腳去屯門都唔使失望，因為 HONOR 全線體驗店（即係銅鑼灣、旺角、觀塘同新開嘅屯門店）都有搞賀開張優惠。由即日起到1月31日，只要你去買任何手機、平板或者電腦，就可以玩一次 「即開即賞」，獎品由價值 $499 嘅耳機到生活禮包都有，呢個抽獎環節幾有趣，買機之餘博多份禮物。另外，只要買任何產品（即係就算你只買條 $19 嘅充電線都得），就可以用優惠價換購精選配件。版主睇中咗個 HONOR CHOICE 20000mAh 66W 行動電源，原價 $699，換購價 $199，支援高功率快充，出街叉手機甚至 notebook 都得，相當實用。其他如摺疊鍵盤、頭戴式耳機 Pro 等都係 $199 有交易，明顯係想益街坊。
聯乘 Pop Mart 粉絲要 Mark 實！
最後有個情報要話俾 Molly 粉絲知，HONOR 宣佈同 Pop Mart 合作，推出 「HONOR 400 Pro x Molly 20週年限定版禮盒」。由2月1日起，買 HONOR 400 Pro 就有機會得到，入面有定制手機殼、取卡針、掛繩等等一堆 Molly 主題精品，睇落幾精緻。不過詳情同數量都好神秘，估計係先到先得，有興趣就要密切留意官方公布啦！
