九百蚊有找平價長氣王！HONOR X5c Plus 抵港，5260mAh 大電 + 5000 萬像素 AI 鏡頭！
左定坤 (Cho Ting Kwan)
2026-03-05 14:08
|
Honor
平時大家揀平價入門機或者買副機，最著重一定係嚿電夠唔夠長氣，同埋性價比高唔高。HONOR 今日就宣佈喺香港同澳門正式開賣全新入門手機 HONOR X5c Plus，主打 5,260mAh 超大電池同埋 5,000 萬像素 AI 鏡頭，定價仲要唔使九百蚊，只係賣 HK$899！即刻同大家一文睇清呢部平價新機有咩賣點啦！5,260mAh 電池，長效耐用
買得入門機，續航力絕對係重中之重。HONOR X5c Plus 內置咗高達 5,260mAh 嘅超長續航電池，足以應付一整日嘅頻繁使用。官方更強調佢嘅電池經過特殊耐用性測試，就算經歷 1,000 次充放電循環之後，電池依然可以維持喺 80% 以上嘅健康狀態，提供持久可靠嘅性能表現。硬件配置方面，新機搭載 MediaTek Helio G81 八核心處理器，提供流暢穩定嘅日常操作體驗。容量版本最高可達 4GB RAM 與 128GB 儲存空間，足夠存放超過 60,000 張照片、24,000 首歌曲或 200 部電影，對一般輕度用家嚟講絕對夠用。5,000 萬像素 AI 攝影，支援靈動膠囊
雖然只係幾百蚊嘅機仔，但相機規格都無太失禮。HONOR X5c Plus 配備 5,000 萬像素 AI 主鏡頭以及 500 萬像素前置鏡頭。憑藉尖端 AI 強化技術，相機能以卓越清晰度捕捉每個瞬間。佢支援 AI 物件辨識功能，可以智能突出主體並去除背景干擾。另外亦加入 AI 相片銳化強化功能，確保拍攝文字密集嘅文件時也能呈現清晰銳利嘅影像。6.74 吋護眼大芒，輕薄抗摔機身
外觀設計上，HONOR X5c Plus 走簡約對稱路線，呈現優雅圓潤嘅邊角與銳利筆直嘅邊緣。雖然塞入咗 5260mAh 大電池，但機身依然維持喺 7.89mm 纖薄厚度，僅重 186g，並搭配超抗摔設計，既耐用又時尚。屏幕方面，手機配備 6.74 吋絢麗屏幕，具備高達 450nits 嘅超高亮度，同時搭載動態調光等護眼功能，日常使用更加舒適。香港賣價與開賣詳情
HONOR X5c Plus 已在香港及澳門公開發售，提供海湖青、流星銀和幻夜黑三種配色選擇。內存為 4GB + 128GB，建議零售價為 HK$899。單睇規格同價錢，呢部唔使九百蚊嘅 HONOR X5c Plus 作為一部長輩機或者安心出行/外賣專用嘅「副機」，性價比都算相當高。大家覺得呢部平價「長氣王」夠唔夠吸引？
