5,260mAh 電池，長效耐用
買得入門機，續航力絕對係重中之重。HONOR X5c Plus 內置咗高達 5,260mAh 嘅超長續航電池，足以應付一整日嘅頻繁使用。官方更強調佢嘅電池經過特殊耐用性測試，就算經歷 1,000 次充放電循環之後，電池依然可以維持喺 80% 以上嘅健康狀態，提供持久可靠嘅性能表現。硬件配置方面，新機搭載 MediaTek Helio G81 八核心處理器，提供流暢穩定嘅日常操作體驗。容量版本最高可達 4GB RAM 與 128GB 儲存空間，足夠存放超過 60,000 張照片、24,000 首歌曲或 200 部電影，對一般輕度用家嚟講絕對夠用。
5,000 萬像素 AI 攝影，支援靈動膠囊
雖然只係幾百蚊嘅機仔，但相機規格都無太失禮。HONOR X5c Plus 配備 5,000 萬像素 AI 主鏡頭，搭配 1,300 萬像素鏡頭以及 5,000 萬像素前置鏡頭。憑藉尖端 AI 強化技術，相機能以卓越清晰度捕捉每個瞬間。佢支援 AI 物件辨識功能，可以智能突出主體並去除背景干擾。另外亦加入 AI 相片銳化強化功能，確保拍攝文字密集嘅文件時也能呈現清晰銳利嘅影像。系統方面，手機預載咗最新的 MagicOS 9.0 系統，除了提供側面指紋及臉部解鎖等安全便捷嘅解鎖選項外，更加入咗靈動膠囊功能！用家可以即時開啟個人化設定與關鍵資訊，徹底免除多應用程式切換嘅繁瑣操作，提升生產力之餘更提供高效嘅專屬使用體驗。