Nothing Phone (2) 開箱看外觀
同上年嘅 Nothing Phone (1) 一樣，Nothing Phone (2) 包裝盒都係用上好薄身嘅設計，包裝盒咁薄，意味住唔會有火牛，但用得 Android 手機嘅，相信屋企唔會缺火牛或者 Type C 線，所以有無火牛，對我嚟講其實無乜大分別。而今次 Nothing Phone (2) 有一點都係同上代一樣，你要拎入面部手機出嚟，就需要撕爛個盒。唔同嘅地方係，今次撕爛面頭個盒之後，入面仲有多一個白色盒，方便收藏。
▲ Nohting Phone (2) 包裝盒，一如既往一樣咁薄，好輕鬆可以單手拎在手中。
▲ 同上代一樣，都係一個紅色箭咀，畀你將包裝盒撕爛，變相「開咗箱」，就唔可以將佢恢復。
▲ 包裝盒背面會見到少少基本資料，例如我手上呢部係灰色，而且內置 12GB RAM 以及 512GB ROM。
▲ 同上代唔同嘅係，今年拆爛包裝盒之後，入面另外仲有一個白色嘅盒，方便收起來。
▲ 打開會見到 Nothing Phone (2) 實機、USB Type C 線同埋一枝特別設計嘅 SIM 卡針。
▲ 手機用上 Nothing OS 2.0，界面同一般 Android 手機風格好唔同。
▲ 正面頂部會有穿㝫芒設計嘅前置鏡頭。
▲ 底部係咁嘅樣。
▲ 機背整體設計同上代差唔多，不過機背玻璃圓角幅度較大，LED 區域由上代 12 個增加至 33 個。
▲ 具有 5000 萬像素廣角 + 5000 萬像素超廣角雙鏡頭。
▲ 這種像是透明的機背，到今日看來我都覺得好有時尚感。
▲ 右側係電源按鍵。
▲ 左側則是音量鍵。
▲ 機底有 SIM 卡槽、Type C 插槽同埋喇叭。
▲ 機背發光時係咁嘅樣。
▲ 設定入面有個 GLYPH 介面，用來控制機背嘅燈條。
▲ 機背的燈更可以針對唔同嘅功能，有唔同嘅顯示方式。
▲ 不過底部佢都有提醒，對於患有癲癇症和其他對光線敏感疾病的人士，Glyph 介面可能不安全。
▲ Nothing Phone (2) 內置咗 10 種鈴聲，每種鈴聲都會有唔同嘅燈效。
其他規格
因為簽咗保密協議，今日只可以畀大家睇下外觀，有關處理器性能、相機質素等測試，就需要之後先再同大家分享。不過都簡單同大家講下，Nothing Phone (2) 嘅硬件規格，手機採用咗 6.55 吋 AMOLED 芒，解像度為 FHD+，支持 120Hz 屏幕刷新率，並支持屏下指紋辨識功能。同時，手機配備咗 Qualcomm Snapdragon 8+ Gen 1 處理器，我手上嘅版本，內置 12GB LPDDR5 RAM 以及 512GB UFS 3.1 ROM，電池容量為 4700mAh，並支持 33W 有線快充、15W 無線快充以及 5W 反向無線充電。至於相機方面，Nothing Phone (2) 具有 5000 萬像素廣角以及 5000 萬像素超廣角鏡頭，前置鏡頭則為 1600 萬像素。價錢資訊
關於上市資訊方面，Nothing Phone (2) 會在 2023 年 7 月 21 日起，在1O1O、csl. 及連卡佛 Lane Crawford 公開發售，建議零售價為 $5499 (12+256GB) 及 $6299 (12+512GB)。香港用戶可於 7 月 12 日起進行預訂，並於 7 月 15 日起親臨 1O1O、csl. 及連卡佛 Lane Crawford 提取產品。按這裡有 Nothing Phone (2) 詳細規格及最新賣價
