主題:抗武漢肺炎,別買錯!教你揀有質素嘅外科口罩

ePrice HK
  • 發表時間:2020-01-29 17:23 收錄檢舉
    口罩?一月之前,可能你去醫院探望朋友先會用一兩個?家陣,你出街就係戴上去!聽專家講武漢肺炎可能持續至 6、7 月。而事實上,全世界口罩都暫時唔夠貨!相信你跟版主一樣花了唔少時間、心機去揾貨源。但小心買錯!唔係全部口罩都抵擋到武漢肺炎嘅病毒,所以揀啱口罩好重要!你可能都有留意,有用嘅口罩會係點樣,但你身邊可能仲有唔少朋友、親戚唔知。版主希望呢篇文,可以幫到你,幫到大家。

    抗武漢肺炎,別買錯!教你揀有質素嘅外科口罩

    不是買口罩,而係買外科口罩
    大家都知武漢肺炎 (香港民間叫做 WARS),其實跟 2003 年係香港爆發過嘅非典型肺炎好似,主要都係透過飛沬傳播 (即係打乞嗤嗰類)。所以,你要用嘅係「可以擋飛沬」嘅口罩先得。喺政府畀香港志願機構嘅「冠狀病毒感肺炎防護讀本」裡面,就講到「市民日常防護,選擇醫用外科口罩就好」所以,大家要買嘅就係「醫用外科口罩」英文叫做 Surgical Mask。 唔好走去買海綿口罩、棉布口罩,呢類型嘅口罩,對預防武漢肺炎都係無用嘅!

    抗武漢肺炎,別買錯!教你揀有質素嘅外科口罩
    ▲ 呢類口罩係咪好有型?原來只係防霾,防唔到毒架!咪亂用! 
     

    係咪醫用外科口罩一定有保護

    可惜無論呢份「冠狀病毒感肺炎防護讀本」又好、香港政府嘅宣傳都好,都無提及點先係一個可靠嘅「醫用外科口罩」。係咪有三層、有四層嘅物料就係好?係咪 Made In China 一定低質?係咪日、韓出品,一定高質?因為香港政府沒有明確指明,所以坊間不少賣口罩嘅網站,都會列出不同認證說明佢哋賣嘅口罩係「好有用」。去到街邊嘅藥房就更加唔會同你講乜乜認證。返轉頭,乜叫做一個「可以擋飛沬」、減少你中武漢肺炎機會嘅口罩呢? 我地可以參考袁國勇及賴偉文醫生,係今日 29/1 記者會裡面提及到美國 ASTM 標準。

    抗武漢肺炎,別買錯!教你揀有質素嘅外科口罩


    抗武漢肺炎,別買錯!教你揀有質素嘅外科口罩
    ▲呢款就係好多香港嘅醫院文職人員及志願機構都會採用嘅口罩,係 ASTM F2100-11 Level 1 認證。呢款其實係 Made in China,但有晒認證,可信。
     

    香港醫院根據 ASTM 標準購入口罩

    根據醫學專家所指,達到 ASTM F2100-11 標準嘅口罩都係品質合格嘅醫用外科口罩。大家可以認住 ASTM 認證,放心採購呢個標準嘅口罩(當然亦要小心有假冒口罩)。 而呢個美國口罩質素標準有分三個級別,版主唔係度講太多,因為根據專家所指,普通人日常用 Level 1 第一級的標準已經足夠。 咁第一級的 ASTM F2100-11 (下簡稱 ASTM Lv1 )口罩有乜資格同符合乜特性呢?

    先睇 BEF
    BFE= Bacteria Filtration Efficiency 即阻隔細菌效率。ASTM Lv1 要求 BFE 至少要達 95% 先叫合格。但 BEF 其實只係指可阻隔 3μm 既細菌,引發武漢肺炎嘅冠狀病毒 Size 大約係 0.6μm。即係擋唔到病毒本體! 但暫時嘅發現指出武漢肺炎嘅冠狀病毒無法獨自喺空氣存在。一般要依附係「飛沫」上,先可以傳播。而飛沫大小可以從 1um 到 45um 都有。咁如果你遇到 1.5um 嘅飛沫,單純 BEF 阻擋級的口罩都無用! 

    再知 PEF
    PFE = Particle Filtration Efficiency 即阻隔懸浮粒子效率。ASTM Level 1 要求 PEF 阻隔率至少要達 95% 先叫合格,以阻擋細到 0.1μm 既懸浮粒子。咁樣上面所講嘅小型飛沫都可以阻擋到喇!

    抗水能力都好重要
    由於目前武漢肺炎嘅傳播途徑,專家普遍認為是透過包括飛沫傳播式接觸傳染,所以口罩外層的抗水能力都需要注意。而 ASTM Lv1 標準嘅口罩要求阻隔液體說呢頭的能力需要達到 80mmHg,足夠抵禦一般中距離的飛沫攻擊。 注意避開其他人近距離直接咳嗽、噴嚏的飛沫,因為其高射擊穿透力,都會令你有一定風險。

    另外,好多人買口罩成日話要唔好咁熱,有無透氣少少嘅外科口罩。其實口罩透氣未必好。 根據 ASTM Lv1 要求,透氣程度嘅壓力差數值,數值需要小於 4.0 先至達標。而大部分用作阻隔粉塵和 PM2.5 汙染物的日韓口罩,一般會標註 BFE、PFE 甚至更精細的 VFE 阻隔率,但卻忽視口罩表面是否具備足夠的抗水能力。

    所以,你有能力揾到+買到口罩,最好揀通過最少 ASTM Level 1 標準嘅外科口罩,性能和質量上都有保證。

    抗武漢肺炎,別買錯!教你揀有質素嘅外科口罩
    ▲ ASTM 認證三級制


    最重要係點樣用得正確

    咁係咪一定要買 ASTM 認證嘅口罩「醫用外科口罩」先可以?版主咁睇,係呢家一罩難求嘅情況下,要揾真係 ASTM 認證口罩,係好困難。事實上,不同地區出品嘅「醫用外科口罩」都有佢哋地方嘅標準,最緊要知道你買嘅口罩出處,係咪符合當地要求。若果你見到口罩包裝,乜標準都無列明,好大機會係「戴咗都無防禦作用」

    最後,戴咗合規格嘅「醫用外科口罩」係咪真係有效防到武漢肺炎? 戴錯都死!係呢到,版主推介何栢良醫生一條講戴口罩正確方法嘅 YouTube 短片,大家記得睇熟佢,跟住做啦!



    最後,願平安,歸香港。
     

    武漢肺炎抗疫相關資訊

    抗武漢肺炎,別買錯!教你揀有質素嘅外科口罩
    【一文睇清】個個口罩都自稱係 N95,邊個知? P95、N99 又係乜?
    500 萬武漢人去咗邊?大數據揭唔封關香港有幾大鑊
    武漢肺炎最新個案   全球實時數據一網睇盡
    誠哥萬歲!口罩到貨!屈臣氏門市明日限量返貨
    網民製「武漢肺炎民間資訊」!呢個重點幫你唔會天價買假口罩
     
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁