主題:【一文睇清】個個口罩都自稱係 N95,邊個知? P95、N99 又係乜?

  • 發表時間:2020-01-22 19:46 收錄檢舉
    呢排好多網友都問本 YK 點樣買口罩,買乜口罩好? 武漢肺炎殺到香港,到底要買乜口罩先可以防止中伏? 口罩有人話買 N95 就足夠,但又人話外科口罩就可以了。仲有一堆乜 N99、P95、R95 口罩,到底係乜黎? 我點樣先知道口罩係咪真係獲得認證,定係廠家吹水? 好多關於口罩的疑問,本 YK 會逐一解答! GO!

    【一文睇清】個個口罩都自稱係 N95,邊個知? P95、N99 又係乜

    對抗「武漢肺炎」的口罩?
    根據目前官方和醫療單位所發放的資料顯示,WARS 武漢肺炎(正式名稱:新型冠狀病毒肺炎) 很大可能是透過飛沫和接觸分泌物而傳播,暫時未有證據顯示能夠空氣傳播。所以,適當的佩戴及格的外科醫用口罩,與佩戴更高防禦級別的口罩,數據上並沒有明顯的防禦差距。

    而購買及格的外科醫用口罩,一般建議你去大藥房購買三層式口罩,或者到信譽良好的藥房選購。 何為及格的外科醫用口罩呢? 以下截圖來自台灣的口罩工廠:

    【一文睇清】個個口罩都自稱係 N95,邊個知? P95、N99 又係乜
    ▲ 一個及格的三層式口罩,應該如圖片中所示:對外的防水表面(通常有顏色)、過濾中層、和接觸你嘴部和鼻子的防敏阻隔層(通常為白色)。

    【一文睇清】個個口罩都自稱係 N95,邊個知? P95、N99 又係乜
    ▲ (網絡圖片) 買了及格的口罩都無用,要佩戴正確先得;上圖係完全錯誤的示範。

    【一文睇清】個個口罩都自稱係 N95,邊個知? P95、N99 又係乜
    ▲ 正確應該係口罩有顏色的一面對外,白色對住自己;有定型條向上,貼住你個鼻,正如上圖所顯示的步驟。

    當然啦,戴左口罩就百毒不侵? 傻的嗎? 要配合高度個人衛生意識和習慣,包括勤洗手、唔好亂摸自己掩耳口鼻等等,普通口罩已經可以頂得住一般的飛沫攻擊了。你如果有錢 / 想要更好的防禦能力(防埋其他病毒或細菌),想入手更高規格的裝備,你可以繼續睇落去。 


    高階口罩是什麼? 
    一個口罩的防護能力,當然要好似手機防塵防水等級咁,都需要獲得第三方認證認可。如果某廠同你講有 IP68 防水能力,但原來提供唔到測試的認可資格,咁你信唔信? 高級口罩更加要講認證!目前世界上有各類型的防護等級,例如 JIS 日本工業規格,歐盟 EN149 認證,以及美國 NIOSH 的認證。大家聽得最多就係 NIOSH 的認證,亦係我以下會分享的重點:
     
    過濾效果 | 可過濾物 N R P
    95% N95 R95 P95
    99% N99 R99 P99
    99.7% N100 R100 P100

    其實好容易就清楚晒:N 代表非抗油(NOT RESISTANT TO OIL),完全擋不住油性粒子;R 代表耐油性粒子(LIMITED OIL PROOF),最多頂住油性粒子八小時;P 代表抗油(RESISTANT TO OIL),可以頂得住油性粒子。

    【一文睇清】個個口罩都自稱係 N95,邊個知? P95、N99 又係乜
    ▲ 美國 NIOSH 單位採用的是 N、R、P 和數字分級,是有別於歐盟和日本的做法。

    如果單純講抵擋飛沫的話,N 字頭已經足夠。 R 和 P 字頭的口罩擁有抵抗有機化學粒子的能力,例如你玩模型時候噴漆,或者無辜中催淚毒氣。但 P 完勝 R,除非出於成本考慮,否則不考慮 R 字頭的口罩。

    英文字母後面的數字,代表對直徑 0.3μm 以上粒子的阻隔能力,數字越高,阻擋能力越高。但要留意哪怕到達 100 數值,其代表的阻擋率都只係 99.7%, 剩餘的 0.3% 就嘿嘿了。如果覺得外科口罩保障度唔夠,你可以考慮買 N95 級口罩,如果再有錢課金可以直上 N99 和 N100 口罩。 但一個零售價都要 40 至 60 港幣左右,仲要你買得到先講啦。

    【一文睇清】個個口罩都自稱係 N95,邊個知? P95、N99 又係乜
    ▲ 呢款係獲得 NIOSH 認證的 N95 級別醫療用口罩。

    好喇,坊間大名鼎鼎的 3M 牌 N95 口罩其實都有細分各種型號:佩戴方式不同、口罩外觀不同、有無活氣門設計等,但佢只要標註得「N95」,就會符合上門提及的防護能力,因為呢個係 NIOSH 的認證。咁有網友會問,如果我唔一定買 3M 牌呢? 我見好多其他產品價錢更有優勢,又聲稱有 N95 認證、甚至獲得 N99 級認證! 其實,你有方法可以證實廠家係咪吹水,請立即登入美國 CDC 疾控中心的認可名單搜尋器;因爲上得 CDC 官方名單都唔會係假野!

    【一文睇清】個個口罩都自稱係 N95,邊個知? P95、N99 又係乜
    ▲ 英文多都唔怕,直接黎「FOR PROTECTIONS AGAINST:」欄目; 例如我想睇 N100 級獲得認證的口罩型號,點選後拉到下方觀看結果「VIEW RESULTS」。

    【一文睇清】個個口罩都自稱係 N95,邊個知? P95、N99 又係乜
    ▲ 原來最新資料顯示,只有 8 款口罩獲得 N100 的認證,其中 3M 公司只有一款,型號是 8233;而每一款獲得 NIOSH 認可的口罩,都會獲得獨立的認證號。


    結語
    睇完上面的資料,大家應該對口罩有更進一步的瞭解吧? 但買口罩同你打機一樣,好多人課金買裝,但自身的技術和意識跟唔上,結果落場就被人秒殺。 武漢肺炎攻防戰一樣,需要有良好的個人衛生意識,以及政府主動的高度社區防疫工作(笑~)。最後,奉勸各位假期不要主動前往疫區,避開人類密集的鐵路車廂和航空機艙啊 ~  
     

    ​武漢肺炎抗疫相關資訊

    抗武漢肺炎,別買錯!教你揀有質素嘅外科口罩
    【一文睇清】個個口罩都自稱係 N95,邊個知? P95、N99 又係乜?
    500 萬武漢人去咗邊?大數據揭唔封關香港有幾大鑊
    武漢肺炎最新個案   全球實時數據一網睇盡
    誠哥萬歲!口罩到貨!屈臣氏門市明日限量返貨
    網民製「武漢肺炎民間資訊」!呢個重點幫你唔會天價買假口罩


     

    立即加入Facebook 專頁,新聞/消息/優惠,最快知。

    01樓 ▲TOP 回列表頁