主題:搭巴士跌手機無有怕!九巴公司買月票送保險 賠畀你

ePrice HK
  • 發表時間:2021-07-28 22:40 收錄檢舉
    相信好多大頭蝦都試過,搭巴士等交通工具,唔小心漏低咗銀包電話,好徬徨,好唔開心,覺得慘啦,又要買個部新電話,破大財。不過,如果你係買開九巴月票,而家自動送埋你保險,即係唔見手機呢啲貴重物品,都有得賠。詳情睇下文啦!

    搭巴士跌手機無有怕!九巴公司買月票送保險 賠畀你-0

    九巴宣佈與 YAS 保險公司合作推出香港首個巴士乘客微保險 BUS RYDE,只要由今日 (7 月 28 日) 起購買九巴月票,就可以申請這個保險計劃,只要連結咗九巴月票嘅八達通,下載 YAS 保險公司嘅 App 並成為會員,喺呢個保險 App 申請成功後,就會在 24 - 48 小時內收到確認電郵,之後保障就會自動生效。之後每當你再次購買九巴月票,就會自動延續呢個巴士乘客保險計劃保障。

    而根據他們的條款及細則裡提到,微保險只適用於 18-70 歲持香港身份證乘客,提供 $2000 個人財物保障,每件個人財物最高可索償 $1000,其中每次個人財物索償自負額為 $200。而如果受保人申請個人財物索償,例如手機,必須於意外發生後 24 小時內完成警察報案及向九巴報失。受保人須在意外發生 30 日內提交完整的索償資料以及所需的證明文件。

    不過也有東西是不保的,包括:金錢、食物、動物、商業物品、傢俱、假牙、門票、文件、隱形眼鏡、數據、租用財物及無人看管的財物及已受其他保障或九巴所賠償之物件。

    另外,保險亦提供 $5000 因意外產生的醫療費用,惟中醫或針灸治療每次意外自負額為 $500,受保前已存在之損傷或疾病、自我毀傷、任何戰爭引致的疾病或受傷、一切違法行為引致之受傷、懷孕、精神病或精神不全、因酒精或服用藥物引致的傷害、先天性缺陷並包含在保障之內。

    按這裡查看啟動 BUS RYDE 詳情

    立即加入Facebook 專頁,新聞/消息/優惠,最快知。

    01樓 ▲TOP 回列表頁