主題:2014 年我最 Like,我最愛平板!齊分享,得豐富獎品!

ePrice HK
  • 發表時間:2014-12-30 18:19 收錄檢舉
    既然有 2014 年手機回顧,又點會少得今年嘅平板回顧呢?同手機市場唔同,今年平板市場版主覺得真係開始步入放緩階段,以往平板市場基本上係由 iPad 一枝獨秀,但今年 iPad 銷量下降嘅趨勢仍然未有起色,相反其實版主就覺得今年 Android 平板反而係頗有驚喜。係呢種情況下今年又有邊部平板乎合大家心目中最愛嘅平板呢?今次平板玩法同投選最愛手機玩法一樣,同樣係版主先揀選今年最愛平板電腦,再由大家留言分享下今年邊部平板係眾望所歸,有心得既網友就 Click 入黎講講意見吧!

    2014 年我最 Like,我最愛平板!齊分享,得豐富獎品!
     

    版主 Lawrence:  iPad Air 2  規格最強

    坦白講,今年 iPad 不論係 Air 2 還是 Mini 3 以驚喜程度而言都未及上年 iPad Air 同埋 iPad Mini 2 推出時咁震憾的,以性價比而言,版主自己更加覺得 iPad Mini 2 係目前來講性價比最高的 iPad 迷你版(提提網友,今次留言係揀今年推出嘅平板,唔好揀左 iPad Mini 2 呀)。不過,就規格而論, iPad Air 2 仍然相當吸引,唔單止用上比 iPhone 6 嘅 A8 處理器更快嘅 A8X 處理器,更重要係加入 Touch ID 功能,整體來講功能比以往嘅 iPad 更完善,相信作為其中一部最愛平板候選大家唔會有異議吧?

    同 iPad Air 2 相比, iPad Mini 3 境況就有點尷尬,同 iPad Air 2 一樣最新一代 iPad Mini 都加入左 Touch ID 功能,但係硬件上同 iPad Mini 2 其實基本上無分別。係升級幅度唔大嘅情況下版主實在唔敢將 iPad Mini 3 稱之為今年最愛的平板,唔知大家又點睇最新一代嘅 iPad Mini 呢?

    2014 年我最 Like,我最愛平板!齊分享,得豐富獎品!
     

    iPad Air 2 相關文章:

    iPad Air 2 香港到貨買唔買好?從真機睇 4 大你要知的升級重點!
    更薄、更輕、更快 !iPad Air 2 高規格鬥 HTC 、Samsung 、Sony 旗艦!
    iPad Air 2 + iPad Mini 3 香港價錢有齊!新與舊 版主教你㨂
     

    版主 Eddie :Nexus 9 有靚芒同埋完整支援 64bit!

    Lawrence 提完 iPad,而講到 Android 方面今年的代表作我認為是 Google 與 HTC 合作推出的 Nexus 9。之前同大家提過我是喜歡 iPad Mini 這類 7.9 吋不算太大的平板,方便單手掌握,不過今年睇片的時侯多了,所以 Nexus 9 的 BoomSound 雙前置喇叭與 2048 x 1536 解像度屏幕效果實在很好啊,加上它是 4:3 比例的屏幕,已經成為我常用看漫畫與電子書的一部平板;而它採用的 Nvidia Tegra K1 2.3GHz 處理器配 2GB RAM 效能都夠玩 3D 遊戲,就差我手上的不是 4G LTE 版本,帶出街用有點麻煩icon

    另外它運行的是 Android 5.0 系統,在軟件方面也是支援 64bit 運算,流暢性比起之前的 Android 平板好得多,開多幾個 Apps 也不會拖得太慢,加上 Android 系統有萬用的 MX Player ,旅行出 Trip 的時侯放定幾套片入去,係飛機睇感受一流icon,不過我覺得充電時侯有點長是缺點,電池續航也是必須一日一充,是美中不足的地方。(iPad Mini 我可以用到 2 天啊!)
     

    2014 年我最 Like,我最愛平板!齊分享,得豐富獎品!

    Nexus 9 相關文章:

    Google Nexus 9 正式抵港!開箱跑分、機身比拼 iPad Mini!
    版主教路!親生仔 Google Nexus 9,最抵入貨攻略
     

    版主 Keith : 平價粗用 Alcatel On Touch Pop8

    今年版主 Keith 試過幾多部平板電腦? iPad Air 2 叫玩過下,感謝華碩借了海量型號給我試,由 MemoPad 到 FonePad,由 Android 到 Windows 系統試過不少。但最後版主用得最多,居然係.... Alcatel OneTouch Pop 8。一如版主 Keith 2014 手機之選,唔係主打機,係 1GB RAM 手機 HTC One Mini 2,Pop 8 平板其實只係用 MTK 四核心 CPU,4GB ROM,1GB RAM。用起上來,4GB ROM 的確係好麻煩!唔係裝到好多 Apps,不過點解都要用?因為價錢夠平,粗用一流。今日行場睇 $1498 就買到。Alcatel 你可以話係中國大陸的 TCL 變出來,但無可否認,造工比起什麼 PIPO、藍魔都要好。

    Alcatel 平板最掂係屏幕,IPS TFT HD 屏幕,出來顏色真係好唔錯。Pop 8 代表八吋屏幕,視覺效果比起七吋屏幕平板好,但一樣可以打直打到字。我已練成用 Pop 8 在飛機打稿,唔駛再開電腦。Alcatel One Touch Pop 8 只支援 3G,夠用嗎?夠架,因為平板只係用上網用,去深水埗平平買 Prepaid SIM,一百蚊以內,無限 3G 上網,用得比起手機更爽。我用得好另類,網友呢?分享一下大家的熱門選擇吧。

    2014 年我最 Like,我最愛平板!齊分享,得豐富獎品!
     

    Alcatel One Touch Pop 8  介紹

    Alcatel One Touch Pop 8 平板完整規格及介紹
     

    網友參予:我揀 2014 至愛平板,分享最好有獎品

    剛才三位版主都分享了自己的睇法,家陣係網友時間,2014 年邊款平板你最 Like,邊款平板你最愛為了推動大家參與討論,ePrice.HK 舉行「「2014 年我最 Like,我最愛平板電腦」有獎遊戲。

    遊戲玩法 :
    1.  網友想一想「2014 年我最 Like,我最愛平板電腦」。如果冇心水,或者拍講錯,可以參考 ePrice 平板電腦資料庫,入面有齊全既平板資料,仲有版主評測的連結。

    2. 用 Facebook 留言回應這篇文章,以「2014 年我最 Like,我最愛平板電腦」為題,用少於二百字,講下點解會揀佢,包括使用感受及獨到睇法,並 「發佈到 Facebook」! 截止日期為 2015 年 1 月 1 日 (星期四) 晚上 11 時59 分。網友可同時參加「2014 年我最 Like,我最愛手機」遊戲,機會均等。

    3. 參加的網友,必須在 Facebook 回應欄上,按「發佈至 Facebook」(見下圖) 並發送留言,並以 Screen Capture 截圖或相機照片作為紀錄。得獎者需提供 Screen Capture 截圖或相機照片作證。

    示範如下圖

    2014 年我最 Like,我最愛平板!齊分享,得豐富獎品!
    ▲ 記得在「同時於 Facebook 上發表」加上 「v」並按留言。

    4. 比賽日期由 2014 年 12 月 31 日晚上 7 時正至 2015 年 1 月 1 日晚上 11 時 59 分。

    5. 獎品有三份:頭獎兩名為 PlayStation 20 周年限量版紀念品一套 (各一套)。安慰獎兩名,各得中國移動香港 3G / 4G 儲值卡一張,每張面值 $80。得獎準則為「2014 年我最 Like,我最愛平板」分享中,寫得最好 (包括有見地,有試玩感受)的三名網友。

    2014 年我最 Like,我最愛平板!齊分享,得豐富獎品!

    6. 遊戲結果會在 2015 年第一週內公佈,我們會用 Facebook 私訊方式,與得獎網友聯絡,得獎網友必須在廿四小時內回應,並提供全名,聯絡電話及郵寄地址。廿四小時內不回覆及拒絕提供相關資料,得獎資格會被取消。 ePrice.HK 遵守香港特區政府私隱條例,有關得獎者個人資料只會用作獎品投寄及聯絡之用。

    2014 年我最 Like,我最愛平板!齊分享,得豐富獎品!
    ▲ 記得把你的 Faecbook 訊息功能開啟,否則,得左獎都通知唔到你。

    7。 得獎者請清楚回應人名、地址及聯絡方法,我們會在兩星期內,以本地掛號郵件寄出獎品,並不會對郵政局寄失或其他意料不到的事件已令寄出的獎品有誤負責。得獎者亦可以選擇星期一至五,非公眾假期,下午六時至七時,到旺角指定地點真人領取獎品,領獎期為兩星期,兩星期後,得獎資格會被取消。

    8.  遊戲結果及規則,ePrice.HK 保留最終決定權,參予者及得獎者,不得異議。
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁