腦場平板減價!三星 Tab S2 減足六百 Nexus 9 最後清貨

Lawrence 2015-08-21 13:45 | Samsung
今日就係香港電腦節 2015 一連 4 日的第一日,唔知大家又有無到場睇睇有無平貨執呢?除左香港電腦節 2015 之外,另一邊廂腦場電腦節都已經舉行左幾日,版主見到到場都幾熱鬧。其實係大家到場執平貨的同時,同時都係店家清貨的好機會,好像 Samsung 的 Tab S2 同埋 Nexus 9 係場內就有鋪頭做緊劈價促鋪, WiFi 同 4G 版都有減價!

//timgm.eprice.com.hk/hk/pad/img/2015-08/21/68099/lawrencelaw_1_4471_4a6f43df1b8f14805805a5ec502fcbbd.jpg

Tab S2 推出一個月未夠,最多已減足六百!

首先講左推出無耐, Samsung 今年最規格最頂級的平板 Galaxy Tab S2 先! Tab S2 係 8 月頭先正式係香港發佈,而 LTE 版更加係推出左半個月都未夠,咁快有得減價其實都幾出乎意料之外!不過係黃金場內的確有細鋪做緊減價,而且 WiFi 版以新推出的平板來講減得都算多。係 9.7 吋 Tab S2 WiFi 版本身定價就要 $3888 (呢個都係目前大鋪價),以接近四千的價錢去買 Samsung 平板應該未必人人肯,但而家場內就做緊 $3280 ,平左六百又落到三千頭大家會點睇?另外較多人留意的 8.0 Tab S2 本身定價要 $3088 ,場內價錢就係 $2680 ,相對減得較少。

另外 LTE 版 Tab S2 出左無耐,不過一樣有減價。好似 9.7 吋定價 $4888 ,但場價就只係 $4580 ,平左三百。另外係 8 吋 LTE 版方面,本身價錢為 $4088 ,而家一樣減左三百,賣 $3780。

Nexus 9 32GB 版清貨減價!

如果對 Samsung 平板無興趣的話,都可以到高登留意下「親生仔」 Nexus 9 。之前同大家分享過 DCOne 有開倉清貨,當中 Nexus 9 都有減價,但當中其實係沒有 32GB 版本 WiFi 版的,今次佢哋都減埋啦!而家 32GB WiFi 版本賣 $2598 ,比起先前平左 $600 左右。而其他版本而家其實仲有得賣,分別係 16GB WiFi 版本 $2398 同埋 32GB LTE 版本 $3398 。

最後,如果大家係星期六、日會到灣仔或者深水埗電腦節的話,可以先睇睇而家仲不斷更新緊的電腦展最優惠產品攻略,做足功課掃平貨!

//timgm.eprice.com.hk/hk/pad/img/2015-08/21/68099/lawrencelaw_3_4471_5ca0550b84696f1f34262f4c1b80d7ec.jpg
▲ 係場內有減價的細鋪係未有直接標示價錢出來的,但大家一問就會有新價錢啦!

//timgm.eprice.com.hk/hk/pad/img/2015-08/21/68099/lawrencelaw_3_4471_d85e060cede2abcb62a376801ca9dba4.jpg
▲ Nexus 9 推出左都有一段日子,大家又會否嫌佢舊呢?

文章發佈時候,三星 Galaxy Tab S2 9.7 WiFi 賣價為港幣 3280 元起,詳細規格和開賣資訊請參考這裡
文章發佈時候,三星 Galaxy Tab S2 8.0 WiFi 賣價為港幣 2680 元起,詳細規格和開賣資訊請參考這裡
文章發佈時候,三星 Galaxy Tab S2 9.7 LTE 賣價為港幣 4580 元起,詳細規格和開賣資訊請參考這裡
文章發佈時候,三星 Galaxy Tab S2 8.0 LTE 賣價為港幣 3780 元起,詳細規格和開賣資訊請參考這裡

最新新聞