主題:18.4 吋巨芒,主打娛樂! Samsung Galaxy View 上手試玩

ePrice HK
  • 發表時間:2016-01-20 14:45 收錄檢舉
    無論係手機抑或是平板,而家喺香港個趨勢好似普遍傾向大芒發展,但當俾到你有好大個芒嘅時候,又係咪真係能夠吸引到用家呢? Apple 上年推出 12.9 吋的 iPad Pro,Microsoft 今年推出 13.5 吋的 Surface Book,佢地都係擁有好大個芒,但結果出黎似乎網友對呢兩部機並不太感興趣。而早前版主 Lawrence 同大家提到,Samsung 亦都發表左擁有「巨芒」的 Samsung Galaxy View,但似乎美國的銷售表現不如理想,唔知實測的表現又如何呢?

    18.4 吋巨芒,主打娛樂! Samsung Galaxy View 上手試玩

    有時候版主我會諗,明明 iPad Pro 同 Surface Book 在發佈會上講就天下無敵,但為何黎到香港推出之後,並不受到網友們的歡迎呢? 當然,價錢方面絕對係一個主因,就好似 Surface Book 賣到破二萬,就算部野本身幾勁都好,網友睇到個價錢已經調頭走。而定位錯誤亦係一個問題,就好似 iPad Pro 擁有一個大屏幕,但系統上採用 iOS,在文書工作方面有很多限制,變相就只是一部擁有更大芒的 iPad,完。而今次 Samsung 推出的 Galaxy View,擁有比 iPad Pro 同 Surface Book 更大個芒,相信就算佢性質係一部平板,但應該都唔會無啦啦拎出街用,然而如果只係在家用的話,又需唔需要用到咁大個芒的平板呢? 用家用電腦不是更實際嗎? 這點也許亦是 Galaxy View 在美國賣唔出的原因。

    18.4 巨芒,平板 + 家庭娛樂中心
    Samsung Galaxy View 最大的賣點在於佢擁有 18.4 吋嘅超大屏幕,然而作為一個消費者,並不會因為佢擁有 18.4 吋巨芒而對佢感興趣。不過咁,Samsung 將 Galaxy View 定位成唔單止是一部平板,仲係一部家庭的娛樂中心,佢地甚至仲將 Galaxy View 稱作「平板電視」。Samsung 解釋,佢地觀察到以前啲人一般以「睇電視」為家庭娛樂活動,但而家個趨勢係,愈來愈多人透過「網絡追劇」,以滿足家庭娛樂需要。所以,Samsung 正是因為呢個概念而設計出一款結合家庭娛樂與行動娛樂的跨界產品,即係而家介紹緊的 Galaxy View。

    呢部 Samsung Galaxy View 的規格只屬一般,而非頂級配置,呢點難免會令人失望。Galaxy View 採用了 18.4 吋的 FHD 屏幕,亦因為擁有巨芒,機身重量亦都達到 2.65kg,而機背位置擁有雙向支架,讓你可以自行最適合自己的使用方式。Galaxy View 配備 Samsung 自家 Exynos 7580 1.6GHz 八核心處理器,並內置 2GB RAM 以及 32GB ROM,可支援最多 128GB microSD 卡。對於一部概念上聽落好似好勁嘅平板電腦,但記憶體方面只有 2GB,版主覺得又真係幾令人失望,尤其是而家愈來愈多手機平板有 3GB、4GB RAM,相比之下 2GB RAM 實在未必太夠用。另外,Galaxy View 擁有 5700mAh 電池,可提供最多 8 小時的影片播放,並配備 4W 立體聲雙喇叭。
     
    18.4 吋巨芒,主打娛樂! Samsung Galaxy View 上手試玩
    ▲ Galaxy View 採用了 18.4 吋巨芒,解析度為 1920 x 1080。

    18.4 吋巨芒,主打娛樂! Samsung Galaxy View 上手試玩
    ▲ 屏幕上方設有 210 萬像素前置鏡頭。

    18.4 吋巨芒,主打娛樂! Samsung Galaxy View 上手試玩
    ▲ 機的頂部有音量鍵以及電源鍵。

    18.4 吋巨芒,主打娛樂! Samsung Galaxy View 上手試玩
    ▲ 右側設有 3.5mm 耳機孔、microUSB 槽以及充電埠。比較可惜嘅係,佢無支援全尺寸的 USB。

    18.4 吋巨芒,主打娛樂! Samsung Galaxy View 上手試玩
    ▲ Galaxy View 有一個整合式的雙向支架,上面設有握把設計,可把平板提著到處移動,還是有一部份的行動能力。

    18.4 吋巨芒,主打娛樂! Samsung Galaxy View 上手試玩
    ▲ 立架的轉軸處設於中央,因此可像蹺蹺板一樣往兩邊傾斜。(一旁的是 4W 立體聲雙喇叭)

    18.4 吋巨芒,主打娛樂! Samsung Galaxy View 上手試玩
    ▲ 將立架往上扳時,可讓平板站立在桌上。

    18.4 吋巨芒,主打娛樂! Samsung Galaxy View 上手試玩
    ▲ 往下扳時,就可以平躺在桌面上,並呈現適合使用的輕微傾斜角度。

    18.4 吋巨芒,主打娛樂! Samsung Galaxy View 上手試玩
    ▲ 背面下方有一個滑動式的蓋子,打開之後可以看到 microSD 卡以及 SIM 卡插槽。
     

    手機可配對平板當遙控器

    為了符合 Galaxy View 家庭娛樂的定位,Samsung 亦都加入左一啲特別嘅應用落部平板度。首先,Galaxy View 在屏幕下方會見到有四天王鍵,包括多工鍵、主頁鍵、返回鍵,以及新加入的線上電視功能鍵,點一下就可以開啟一個整合式的線上電視應用頁,內含 Google Play、LiTV、Go Movie、YouTube、Hami TV、myVideo 以及 friday 影音等 App,讓用家可以快速追劇。

    此外,Samsung 亦都設計左「Family Square 家庭媒體分享中心」App,呢款 App 可以讓 Galaxy View 同其他智能手機分享照片或是記事,只要喺家庭群組內嘅任何一部裝置上編寫記事、或是拍攝照片,就會透過網路推送內容到其他群組內的裝置上。

    18.4 吋巨芒,主打娛樂! Samsung Galaxy View 上手試玩
    ▲ 螢幕下方的軟體功能鍵直接加入了一個電視按鈕。

    18.4 吋巨芒,主打娛樂! Samsung Galaxy View 上手試玩

    18.4 吋巨芒,主打娛樂! Samsung Galaxy View 上手試玩
    ▲ 點選之後,可直接開啟與影視有關的 App,馬上追劇。

    18.4 吋巨芒,主打娛樂! Samsung Galaxy View 上手試玩
    ▲ Family Square 家庭媒體分享中心 App,可在家庭成員之間推送相片或者記事,就好似家庭電子公佈欄一樣。

    另外,Samsung 仲為 Galaxy View 設計左遙控功能,智能手機(不限 Samsung 品牌)只要到 Play Store 上下載「Galaxy View Remote」App,並將手機與平板配對,就可以透過手機遙控平板,不論是當作滑鼠、開啟特定程式、甚至關閉螢幕都做得到。

    此外,對於遊戲玩家,Samsung 也在 Galaxy View 內加入「S Console」App,呢個程式精選左一啲可以支援搖桿操作嘅遊戲,用家只要在智能手機上安裝「S Console Gamepad」App,並與平板連線配對,手機就可以當作遊戲控制器,無線操控平板上的遊戲。用家仲可以自訂控制器上嘅按鈕樣式,以適合唔同種類嘅遊戲。

    18.4 吋巨芒,主打娛樂! Samsung Galaxy View 上手試玩
    ▲ 手機可安裝 App,遙控 Galaxy View。

    18.4 吋巨芒,主打娛樂! Samsung Galaxy View 上手試玩
    ▲ 平板內建 S Console App,基本上是精選一啲適合 Galaxy View 玩嘅遊戲。

    18.4 吋巨芒,主打娛樂! Samsung Galaxy View 上手試玩
    ▲ 仲可以把手機當成控制器遙控平板玩遊戲。

    18.4 吋巨芒,主打娛樂! Samsung Galaxy View 上手試玩
    ▲ 「控制器」嘅按鍵 layout 也都可以自訂。

    睇完以上的試玩介紹之後,唔知大家覺得呢部 Galaxy View 如何呢? 就設計概念來看,版主覺得呢部 Galaxy View 的定位都好清晰,雖然佢只係一部平板,擁有超大嘅芒,但係佢堅持定位在於家庭娛樂方面,你可以當佢係一部家庭式的遊戲機。而且 Samsung 仲設計埋一隻 App 俾用家將自己嘅智能手機當遊戲控制器用,相信應該都好有打機的 feel。不過可惜的是,呢部 Galaxy View 的規格配置只是一般,如果呢部 Galaxy View 配備頂級配置的話,相信都會有一定的吸引力。售價以及發售日期方面,版主 Lawrence 已經同大家提過,唔知大家會唔會對呢部 18.4 吋巨芒的 Galaxy View 感興趣呢?

    在文章發佈時, Samsung Galaxy View 定價 HK $4598,按此查看平板詳細規格

    立即加入Facebook 專頁,新聞/消息/優惠,最快知。

    01樓 ▲TOP 回列表頁