Sony Z4 / Z3 Tablet 大鋪即減,新 iPad Air 推出無期你等唔等?

Lawrence 2015-10-07 20:29 | Sony
近排有關手機的消息相對之前 iPhone 到港時淡靜左唔少,可能因為大廠都準備緊係月尾至 11 月時「出大絕」作年尾最後一擊的關係吧!相對來講,平板近排都幾有睇頭,先有 Apple 推出新一代的 iPad mini 4 後有 Google 親自出馬推出規格也是超班的 Android 平板 Pixel 。面對新一波即將推出的平板, Sony 都不甘示弱,係年中推出的 Z4 Tablet 同埋支援 4G 的 8 吋平板 Z3 Tablet 齊齊減價,同時間又有消息指新一代的 iPad Air 要延期比 iPad Pro 上位,呢個時候大家又會點揀呢?

//timgm.eprice.com.hk/hk/pad/img/2015-10/07/68131/lawrencelaw_1_4475_64c2ccac62b44e1f21d53ef44d749dd6.jpg

Z4 Tablet 同 Z3 Tablet Compact 大鋪齊齊減價,有無跌穿心理價位?

今年 Android 旗艦級平板有睇頭嘅唔算多,當中 Z4 Tablet 係少有規格多勁而且能夠引起大家關注嘅例子。呢部只有 6.1mm 厚同埋 393g 重的平板除左有 IP68 防水規格之外,仲有 10.1 吋 2K 芒同埋 Qualcomm S810 配 3GB RAM 以及 32GB 內置容量。相機就係 810 萬像素主鏡頭以及 510 萬像素前鏡,電量就有 6000mAh 。 Z4 Tablet 其中一個好重要的賣點其實係要加錢買的 BKB50 藍牙鍵盤,兩者配合上來體驗相當不錯,但係價錢就要成 $6398 ,應該嚇走左不少有意入手的朋友。近日 Z4 Tablet 係大鋪終於有減價,淨機賣價 $4998 而連埋鍵盤版本就係 $5998 ,只係減左 $400 但分別跌穿左五千以及六千蚊兩個價位,吸引力又會否大左?

同樣係 Sony , Z3 Tablet Compact 係大鋪一樣有減,其實 Z3 Tablet 除左有 8 吋 FULL HD 屏幕之外,亦都有Qualcomm S801 配 3GB RAM 以及 16GB 的內置容量,而家來看都算係一部中高階 Android 平板,仲支援 4G LTE 同埋可以打出打入,應該滿足到不少朋友的要求。要留意係而家在衛訊已經無左 WiFi 版本,只係餘下 4G LTE 版,價錢就係 $3398 ,比起 Z4 Table 平更多,有成 $600 ! 今年 Sony 未有推出 8 吋芒平板,所以大家要揀 Sony 10 吋芒樓下平板的話就唯有選 Z3 Tablet Compact 了,對呢部機來講有個利好消息就係在 Sony 的 Android 6.0 升級計劃中, Z3 Tablet Compact 同 Z4 Tablet 係一樣有份的,用多排都唔會 Out 。

//timgm.eprice.com.hk/hk/pad/img/2015-10/07/68131/lawrencelaw_3_4475_606b2b4992b0b958d74f8228a5822458.jpg
▲Z4 Tablet 定價好難稱得上便宜,減左價又有無更大的吸引力?

//timgm.eprice.com.hk/hk/pad/img/2015-10/07/68131/lawrencelaw_3_4475_9b43646780b2429acf103e7dbd7edec5.jpg
▲ 8 吋芒平板的需求其實比起 10 吋還要大,大家又會不會覺得 Z3 Tablet 會不會更抵玩?

iPad Air 3 要延期出,但傳聞規格將有大提升

之前就同大家提到外媒指出 iPad Pro 開賣日期好有可能係 11 月的第一個星期,但係以往在差不多發佈的 iPad Air 就無左影,應該有不少網友都好想知新機會幾時出。(咁樣 iPad Air 2 就會跌價囉!)近來就有消息指出 Apple 係發佈左 iPad Pro 之後,將不會係今年內再推出 iPad Air 3 ,新機將會在明年 3 月時才會推出,而係配置上,預計 iPad Air 3 就會有 9.7 吋 2,334 x 3,112 4K 解像度,處理器就可能係 A9 或者 A9X 。雖然聽落真係誇啦啦,但係到如果新 iPad Air 真係到下年先發佈咁以上消息都係聽住先好了,反而如果新 iPad Air 今年不會推出的話,係 10 吋平板市場上的選擇可能就會少左了。大家又覺得選擇減價的 Sony 平板好還是等之後出的平板更著數呢?留言講講啦!

//timgm.eprice.com.hk/hk/pad/img/2015-10/07/68131/lawrencelaw_1_4475_47f11ff9792fd46968e9014375bebd97.jpg
▲ 聽過一種講法就係 Apple 有意將 iPad Pro 逐步取代 iPad Air ,但是否屬實應該無人知了。

在文章發佈時, Sony Z4 Tablet 最新賣價為 $4998 ,按此看平板詳細規格及最新賣價。
在文章發佈時, Sony Z3 Tablet Compact 最新賣價為 $3398 ,按此看平板詳細規格及最新賣價

來源:alphr ITPRO

最新新聞