▲小米而家真係愈做愈大，除了手機，甚至還推出電視、空氣清新機，而家推出自拍桿應該無咩出奇卦？
▲ 包裝比較簡單，而且好細，拎上手仲諗緊點解會咁細嘅?
▲ 拎左出黎先知道，原來枝自拍桿係可以摺埋嘅，唔怪得咁細啦!
▲ 因為可以摺嘅關係，整體長度由 25 cm 減到得番 19 cm。
▲ 影相個制手感好好，非常好按，可以減低手震嘅機會。
▲ 就算裝 5.7 吋嘅小米 note 手機都無問題，重點係個固定器係用類似橡膠嘅物料制造，軟綿綿咁，除左可以防滑，亦都可以避免刮花機身。
▲ 金屬部分加上壓痕，有助徹底解決傳統自拍桿伸長嘅時候手機向下轉嘅問題。
▲ 設有吊繩，使用時更有安全感。
自拍桿藍芽配對試玩
藍芽配對步驟其實好簡單，只要喺第一次用嘅時候長按拍照鍵，自拍桿嘅藍芽就可以被偵測，呢個時候只要開手機藍芽，搵番小米自拍桿做配對，咁就搞掂哂，係咪好簡單先? 咁之後只要你裝手機裝到自拍桿上，開埋相機，咁就可以正式使用!
▲ 初次使用長按拍攝鍵，直至見到閃住藍燈。
▲ 用手機配對「Mi Selfie Stick」，完成。
▲ 中意咩角度、點影都得，一個人影又得，一班人影又得，得左!
▲ 講左咁多好嘅嘢，講下啲唔好嘅嘢，自拍時只能上下調整角度，唔同傳統果啲自拍桿咁可以左右取景。
▲ 需要叉電先用得，多左樣麻煩。
不過整體而言，小米自拍桿除左價錢平之外，其他整體質感同造工都真係一啲都唔馬虎不特止，仲好出色添! 唔怪得之小米官網果度成日都話缺貨啦! 搞到我都想買番枝玩下! 你有無興趣呢?