主題:日本旅行 SIM 卡全攻略!Japan LTE Prepaid SIM 平均 $11無限上網抵唔抵?

ePrice HK
    • Eddie http://anserbridge.info
    • 帳號:
    • 發文:2575
    • 經驗:7809
    發表時間:2014-11-07 18:05 收錄檢舉
    當日元匯卡跌到七算以下,版主們都相當想大手入 Yen 去日本旅行(不過假期麻…)。其實今年版主們都去過幾次日本工作,分別同大家介紹過中國聯通推出的 7 日 SIM 卡 同埋 $120 有交易的聯通富士卡!最近又出現左一張支援 4G LTE 既 Prepaid SIM 出現,平均每日 $11 就可以用到 4G 上網,大家又會唔會有興趣?另外日本 So-Net 亦都加左量,大家又可以比拼一下啊!

    日本旅行 SIM 卡全攻略!4G LTE 上網每日平均 $11抵唔抵?
     

    3G 上網平價比拼!新 3.2GB 富士卡最平賣 $150 抵唔抵玩?

    首先同大家睇下日本 3G 上網 SIM 既選擇,其實而家你去 SIM 檔問日本上網 SIM ,佢地十之八九都會同你推薦富士卡。上次版主 Keith 去日本工作的時侯用呢張卡用得相當開心, 1.8GB 的 3G 流量在 7 日行程是相當足夠,加上最近推出了一張 3.2GB 版本富士卡 SIM 檔都係賣 $150 左右,相對於聯通的櫻花卡和 7 日上網卡就便宜得多了,所以成為 SIM 檔「力推」的主要產品。

    由於聯通推出的富士卡都係用 Softbank 3G 網絡,大家都會問速度與接收如何。上次版主 Eddie 用中國聯通 7 日上網卡到過東京市區與富士山附近,接收還算不錯,因為在富士山住的酒店是沒有 Wi-Fi 的,勉強用它來看低清的 Youtube 與蘋果動新聞都仲睇到;而版主 Keith 就用過富士卡到東京,到日本未落機都已經上到網,值得一提係呢張卡包 30MB 的香港/大陸數據,係機場換定 SIM 卡都可以,亦是可以  Tethering 給其他手機/平板/電腦用。
     
      7日上網卡 櫻花卡 富士卡  富士卡
    出品 中國聯通 中國聯通 中國聯通 中國聯通
    人手價 HK$248 HK$268 HK$120 HK$150
    入手點 上網訂/SIM 檔 SIM 檔 SIM 檔 SIM 檔
    使用網絡 Softbank 3G Softbank 3G Softbank 3G Softbank 3G
    使用日數 7  日 7 日 7 日 7日
    數據量 5GB 5GB 1.8GB 3.2GB
    Facebook 可以 不可以 可以 可以
    ▲因為櫻花卡是上唔到 Facebook 的,其實大家也不會選擇吧?
     

    4G LTE 高速上網選擇:最平 $11/日的 Japan LTE Prepaid SIM 你會用嗎?

    版主都短道,唔少網友都想要「高速」的上網體驗,那麼價錢會變得更貴嗎?其實又未必啵,對於一些需要長期旅行 (15日~30日)的網友來說,有幾個方案大家可以選擇。首先就係去到東京機場才買的 So-net 卡了,之前要比 3000 Yen (約 $200 港幣)才有 100MB 流量,就算只用 Whatsapp 也是勉勉強強吧?由 10 月 30 日開始他們正式增量不加價,現在用 $200 港幣就可以用到 30 日的 1GB 流量; $270 港幣可以用到 2.2GB ,而 $335 港幣
    可以在 60 日內用到 3GB 流量,留得耐比起只用 7 日的 3G SIM 是更抵玩的。

    如果唔想去到日本先買,係深水埗既 SIM 檔亦可以搵到一張叫 Japan Prepaid LTE SIM 的卡,分別有 15 天用(藍色)與 30 天用(紅色)兩種,價錢分別是 $250 與 $320 。這張 SIM 卡與 So-net 卡一樣是用 DoCoMo 的 3G/4G 網絡,特點就是有無限數據量。這張卡每日在 00:00 ~ 23:59 限定用到 100MB 的無限 4G/3G 上網,用過了之後就會限速成 128Kbps ,相對於 So-net 彈性沒那麼大,如果不是用足 15/30 日似乎都唔太划算,但如果用足 30 日就每日平均 $11 可以用到 100MB 的 4G LTE ,唔睇片的話版主是足夠的,網友們又點睇呢?

    日本旅行 SIM 卡全攻略!4G LTE 上網每日平均 $11抵唔抵?
    之前版主 Keith 就話 So-Net 唔抵玩,差唔多要 $220 先有 100MB ,不過而家用量多左 10 倍,日元又平所以成為一個唔錯既選擇

    日本旅行 SIM 卡全攻略!4G LTE 上網每日平均 $11抵唔抵?
    ▲有 15 日版本,但賣價接近 $250 ~ $280 ,版主覺得麻麻地抵,隔離有一張 3HK 的 4 日無限漫遊上網卡,標價 $288,SIM 檔賣 $250,唔算好平,呢張卡就係 $248 無限上網四日 (包括日本),餘額用來打 IDD。

    日本旅行 SIM 卡全攻略!4G LTE 上網每日平均 $11抵唔抵?
    ▲呢張 30 日用的 Japan LTE Prepaid SIM 賣 $320 ,圍番起每日比 $11 就可以用到 100MB 的 4G LTE ,用爆左都仲有 128kbps 可以上網用 Whatsapp /睇地圖,用的是 DoCoMo 網絡
     
      B-Mobile So-Net So-Net So-Net Japan LTE Prepaid SIM Japan LTE Prepaid SIM
    出品 日本 日本 日本 日本 日本 日本
    人手價 HK$310 HK$201 HK$270 HK$335 HK$250 HK$ 320
    入手點 上網訂 日本機場 日本機場 日本機場 SIM 檔 SIM 檔
    使用網絡 DoCoMo
    3G / 4G
    DoCoMo
    3G / 4G
    DoCoMo
    3G / 4G
    DoCoMo
    3G / 4G
    DoCoMo
    3G / 4G
    DoCoMo
    3G / 4G
    使用日數 14日 30  日 30  日 60  日 15 日 30 日
    數據量 1GB 或 限用 300kbps 速度 1GB 2.2GB 3GB 100MB 每日,之後限速 128kbps 100MB 每日,之後限速 128kbps
    Facebook 可以 可以  可以  可以  可以 可以
    ▲如果你問版主 So-Net 加量之後同 Japan LTE Prepad SIM 邊張比較抵,都要睇番你去幾多日。不過留意 So-Net 用完可以再充值,亦唔會被限速
     

    網友齊齊傾: 日本上網租蛋定係買 SIM 卡好?一齊討論下吧!

    老實講,其實講到上網漫遊真係冇所謂最好既方案,只有最適合既方案。從上面睇如果係唔需要 7 日以上,接受到 3G 的 Softbank 上網,採用富士卡、聯通上網 SIM 的總支出會較低;如果需要 15~ 30 的上網,或者想要高速的 4G DoCoMo 網絡當然就會選擇 So-Net 或者 Japan LTE Prepaid SIM 啦!可能有網友話多人去日本的話租 Wi-Fi 蛋除番開更划算,版主就不喜歡一借一還浪費時間,所以不是首選啦。網友們認為這篇文入面哪個方案幫到你呢?又有冇用過以上的日本上網方式呢?一齊留言交流下意見啦!

    立即加入Facebook 專頁,新聞/消息/優惠,最快知。

    01樓 ▲TOP 回列表頁