-
多謝 iPhone XS / XS Max，令到手機賣價終於衝破一萬大關。有人推測 Apple 想試水位，睇下果粉的心理關口去到邊，iPhone X 賣到 $9888 依然大賣，iPhone XS / XS Max 賣過萬，係信仰應該會堅持追隨吧？版主而家就在又一城 Apple Store 門外，留意緊排隊的情況，睇下有幾多人訂咗 iReserve 真係會來拎機。結果係......
炒唔起，無人拎機？Apple Store 門外成死城，人呢?
2018-09-21
-
終於到了 iPhone XS / XS Max 開賣的日子，係時候同大家估下，當一部手機賣到過萬蚊，仲有幾多人會買佢，而願意花咁多錢買佢嘅人，到底係愛定係責任？一定係愛，係信仰啦！尋日就同先達店員收風，問到首日預計回收價係幾多，已經可以見到細機幾乎全蝕，大機除咗 512GB 好似有啲水位，其他賺你果 $1 等於平手離場。即係咩呀，照計為咗炒而 IR 訂咗機的網友，如果唔係大機 512GB，都應該未必會特登出嚟搏，實情又係唔係呢？就等空巴 Wilson 在 Apple Store 門外，為大家直擊現場實況！
iPhone XS ／XS Max 炒唔炒得起？Apple Store 門外現場直擊
2018-09-21
-
iPhone，的而且確係有好多粉絲，但與此同時，有一批願意拎幾千一萬出來買 iPhone 的，唔係為咗自用，而係炒。事實上，雖然不想承認，但 iPhone 炒賣時代已成過去，仲想話一日炒幾千蚊？發下夢好了。家陣唔使輸，有幾百蚊落袋，已經可以劏雞還神，現實就是這樣。然而，到今時今日仲有消息傳出，話 512GB iPhone XS Max 回收價炒高到 $18000，我就真的唔係幾信。版主就向相熟的先達店員查詢過，得知明日的回收價。有無得炒？IR 訂咗機嘅朋友，仲去唔去拎機好？呢篇文章，可以俾你參考一下。
IR 訂咗機，拎唔拎好？仲有無得炒？先達首日回收價搶先報
2018-09-20
-
-
唔知幾時開始，網絡商要你係網上攞個乜乜 Pass 用來排買新 iPhone 嘅先後次序，記得當年版主試排 iPhone 6 Plus，等足兩個月先有人叫我出機；去到 iPhone 7 都要等一個月。其實，上年就算 iPhone X 十周年，呢 D 事已唔存在。去到今年 XS / XS Max ，賣價衝過萬又點？版主收到料，其實你要入手，都唔駛點等，網絡商都唔駛你等！咁樣反映網絡商入了太多貨，定係根本無乜人想買？大家點睇！
網絡商未開賣，已趕散貨! 版主收風 iPhone XS / XS Max 反應麻麻
2018-09-20
-
有人話，Apple 家陣喺度試水溫，試緊到底用家對 iPhone 定價底線去到邊，畢竟雖然 iPhone X 個個話貴，但銷量最終卻相當理想。而版主估計，就算而家 iPhone XS / XS Max 去到過萬，但依然仍是會有不少人去買。當然，如果你本身係用緊 iPhone X 的話，升級成本又會感覺相對低咗，而到底出面 iPhone 的回收價係幾多呢？版主就俾啲數字大家睇，等大家可以參考一下。
想升級換 iPhone XS / XS Max？現有 iPhone 回收價參考
2018-09-18
-
我好記得，我真係好記得！網絡商好愛係 iPhone 開賣之前加價，最記得當年 CSL 係 iPhone 6 開賣日加月費，係 2014 年嘅事！近月無限上網平到 $118 21Mbps 速度無限上網，不過，呢個月費會成為歷史。HKT 繼上調旗下 csl. 及 1010 月費後，連跟電訊數碼合營的 Sun Mobile 都攪！21Mbps 上網計劃，加價 20％！
又趁 iPhone 開賣玩嘢！網絡商加平價上網 Plan，加幅 20％
2018-09-17
-
新 iPhone 好貴？係，當然係貴啦，成萬蚊買部手機都講得出唔貴，應該真係土豪先講得出口。不過，即使是貴，iPhone 喎，淨係拎住出街都好威威啦下嘩，到最後點都仲係會有唔少人會買。雖然用得成萬買 iPhone 嘅，都唔志在果少少錢，不過版主都有義務話俾大家知，點樣入手新 iPhone，可以便宜一點。想平價入手 iPhone XS、XS Max？呢個方法你會唔會考慮？睇下文啦！
iPhone XS / XS Max 呢度買有「即減」！劈價 $1100 諗唔諗得過？
2018-09-15
-
講到全速 4.5G 無限上網月費排行榜，現時最平價的月費計劃，應該是中國移動香港 CMHK 的 $168 Plan，而僅次於 CMHK 的，應該是 csl.，$180 有任用數據不過就要另外加 $18 行政費。然而，早幾日版主收到風，香港電訊旗下的 csl.、1010、SUN Mobile，將會加價，但當時因為未有確實資料，所以一直未同大家講。今日，csl. 發出了新聞稿，表示 csl.、1010 將會出新 Plan，亦都進一步確實我收到的消息。想知詳情，睇下文啦！
iPhone XS 賣街前好上台！csl.、SUN Mobile 將加價
2018-09-14
-
版主繼續留意住 AOS 同 iReserve 的情況，AOS 就暫時繼續有機可以訂，而 iReserve 方面亦繼續開放，不過版主發現，終於有 iPhone 型號出現「搶完」的情況！到底邊部咁多人搶，係唔係先達店員講的金色版本？
【iReserve 情報】最先搶完的，居然係呢部 iPhone？
2018-09-14
-
在版主撰文的一刻，Apple Online Store (AOS) 已經開放了 12 分鐘，而 iReserve 已經在 AOS 開放前 5 分鐘左右開放，大家戰況如何呢？不過，睇完 AOS 的情況之後，版主好似聞到陣陣燶味，總是會覺得有不祥之兆。點解咁講？睇下文啦！
iPhone XS / XS Max 燶味甚濃？疑似貨量充足，太空灰是熱門?
2018-09-14
