▲ 背景圖由 Adobe FireFly 人工智能生成。
話說喺五月廿二日，CMHK 係佢哋嘅 Facebook 出咗個 Post，內容如下:
測試背景
剛剛版主 keith 又有一張早年買落嘅「一卡兩號」儲值卡 (絕版了，中國移動香港已不似得 3HK 可以喺儲值卡可以加入中國號碼），想知道到期未。你知啦，中國號碼加陣好重要呀，有朝日要北上出 Trip，無中國號碼，可能連「叫車」都做唔到，所以一定要到期前加錢，延長呢張卡嘅生命。其實呢，以前只要係手機打「*#130#」再按打出 (USSD Code：2G 年代到今日嘅好好用，又簡單易用嘅技術，就可以 Check 到餘額及到期日。不過呢，就一定要張 SIM 卡插係手機裡面 打出去用 (話時話，加陣儲值卡用戶，最好都係插番張卡係手機裡面，仲要日日著機望下，因為 OFCA 隨時抽查你張卡嘅實名資料係咪真，佢哋只會叫電訊商 Send SMS 通知.俾你..有幾麻煩，Click 返呢篇文就知）。呢排我未有機會回內地工作，所以張卡都無插係手機，咁我點 Check 佢到期未？於是，我就試下呢個「智能語音客服 Alvis 」。
我先講講我嘅 Expectation，我嘅期望，全部建基於佢個 Facebook Post:
001:以後您對儲值卡服務有任何查詢，都可以直接問佢㗎💪🏻！002:唔使撳掣、唔使再聽冗長錄音，就算因為線路繁忙無法聯絡人工客服，Alvis 都可以直接解答您嘅疑難
003: 提供流暢自然體驗
004: 慳時間更方便💙
005: 仲要Hashtag #voicebot #AI #智能客服互動 #業內領先
AI 呀！AI 呀！作為呢排不停研究 AI 嘅我，真係唔試唔得。對於大部份用家嚟講「唔使撳掣、唔使再聽冗長錄音」係最實際嘅好處，再睇埋佢示短片，真係好吸引。。。
▲ 來自 CMHK 官方 Facebook
到我實測了，成果係點？大家可以睇睇以下嘅 YouTube 短片
評價 : CMHK 智能語音客服 Alvis
001: Alvis 是女聲！Alvis 唔係男仔名嚟架咩？所以問了 ChatGPT (with Bing 連線加持)。原來 Alvis 呢個名是中性嘅 (下圖有證據)！OKOK..... 原來攪錯佢個名....002: 唔使撳掣、唔使再聽冗長錄音...其實進入「智能語音客服 Alvis」之前，一様要聽錄音同撳掣，邊有官方條示範短片咁，一按即進入 Alvis 介面...
003: 呢位 Alvis 小姐，其實只能處理到簡短嘅問題，複雜少少佢都 Handle 唔到。
004: 其實，印像中，我係有做信用卡自動轉帳，我就係唔 Sure 先要打去問，但似乎我問嚟問去，Alvis 都幫我唔到手，最後都係要轉返去人工客服。
005: 佢係咪用咗 ChatGPT 技術？CMHK 無寫明，只係 Hashtag 咗 #AI。 Facebook Hashtag 嘅嘢，都係用嚟博 Like 博 Search....我估計，唔會用咗 ChatGPT 核心。真係嘅話，仲唔好似 csl 推 AI 咁，大示宣傳咩？因為我日日都用緊 ChatGPT，係可以處理到不同的對話 Pattern 同長長嘅內容，而 CMHK 呢個「智能語音客服 Alvis」，長少少複雜少少嘅問題，佢都攪唔，我相信呢個 Alvis 系統，仲係上一代人工智能產品。
006: 但要讚嘅係....... Alvis 把聲，係好好聽好自然 💙💙💙💙💙💙
▲ 呢個我問 ChatGPT 有關 Alvis 係男仔定女仔名嘅回覆。想講返，課金版 ChatGPT Plus (月費 $20 鎂，睇番呢篇文，有講香港人點用到 ChatGPT 點申請課金版) 已有 Bing 搜尋器嘅加持，所以答案喺互聯網揾出嚟，答案仲會有 source，你可以入去做 Fact Check。(最後，發覺，呢位女士，名字不是 ALVIS 應該係 AIVIS。Alvis 同 AIVis 寫起上嚟，其實一様様)
PS : CMHK 儲值卡，要用新客戶熱線才揾到 Alvis
補充番：明明 CMHK 儲值卡嘅客戶服務熱線係 193193！點解轉咗嘅？我再測試過，193193 家陣只俾用嗰張儲值卡嘅號碼打出有回應，其他號碼打去會接駁唔到。另外，193193 係好傳統嘅撳掣加聽錄音目錄服務，但除咗花時間，同埋講內容嘅女聲，把聲好機械人外，其實分類好淸楚，揾唔同嘅功能都好容易。同埋 193193 係唔會有真人接聽，你要真人接聽，都要用新 CS 號碼 12580。以今次體驗，其實都要經過＝＝＞撳掣＝＝＞聽錄音目錄＝＝＞接駁至 Alvis ==> 佢攪唔掂先有真人對話。若果你真係好想要真人對話，可能仲煩咗！