漫遊數據 Tips (1) :3 香港歐洲儲值卡 每日 $23 無限上網

Keith Yim | 網絡消息
ePrice 版主們,耐不耐會分享不同去旅行會用的漫遊上網方案。係就快聖誕節,旋行旺季,今次版主 Keith 分幾篇文章,分享幾段關於漫遊上網的好消息,再歸納出走不同地方,用乜方案上網最好最方便。歡迎經驗之人,回文分享!

//timgm.eprice.com.hk/hk/mobile/img/2014-12/23/200437/keithyim_1_4247_2e9aa12d076e19cd8bbd9417fc59848d.jpg

歐洲上網 終於有得平

聖誕節時節,好多人都會選擇去歐洲,除了天氣夠凍,聖誕節氣氛亦濃。不過,歐洲地區不似得香港,星期日店鋪未必開,電話舖亦唔似得香港週街都有,落地才買 SIM 卡上網真係煩。3 香港最近推出了一張「4G LTE 歐洲漫遊儲值卡」。呢張面值與賣價 $328 的卡,最精采之處,是開卡即扣 $288,等你係加拿大及歐洲七個國家,十四天無限上網。呢七個國家,包括英國、瑞典、意大利、丹麥、奧地利、愛爾蘭及加拿大。而中間日子亦可以穿梭呢七個國家。版主問過,部份國家更打通了 4G LTE 網絡,只要你手機支援當地頻段就可以。

若果你去足十四日,平均一日 $23 左右,好抵。一般去歐洲,五至七日也是必需吧,除開也不過是 $65 一日,平過任何 Daypass 上網呢!特別一提,呢張卡也包括香港上網,即係你由去機場坐飛機個刻已經可以用呢張 SIM 上網,當然照扣你一日用量啦,由於 14 日數據只收  $288,仲有 HK$14 餘額打電話 Send SMS。此外,呢張寫明唔可以 Tethering,即 share wifi 俾其他平板用。版主收到風,呢個條文未必係真,share 唔 share 到,好睇當地網絡商。若果有網友用過,不妨分享一下。 

呢張卡,另一樣抵到爆是送了首 14 天 「3 Super Talk」。乜來架?其實係類似 csl. 的「King 傾」服務,透過手機 App,及數據 Data 打電話。它比「King 傾」更好用是不一定要用 WiFi,即係你駁住上網,就可以免費打返香港、聽香港來電。而用「3 Super Talk」app 更可以免費致電好多國家!詳情自己睇官網介紹吧。呢張卡,真係比你免費打電話兼上網,非常誇張。

//timgm.eprice.com.hk/hk/mobile/img/2014-12/23/200437/keithyim_3_4247_41968c48f28768f2751b9f013e8e3c58.jpg

3 香港數據漫遊更多選擇

以上是分享與推介,以下是賣人情,但對於 3 香港用家來說,也是好消息。香港宣佈,其月費計劃客戶專用的數據漫遊日費計劃的覆蓋地區已增加至 149 個,成為全港最多覆蓋地區的電訊營辦商。

//timgm.eprice.com.hk/hk/mobile/img/2014-12/23/200437/keithyim_3_4247_1ea97356d63bce50920266634ad5476d.jpg
 

2014 漫遊上網 Tips 系列

1) 歐洲漫遊最平每日 $23 無限上網
2) 唔駛五模十頻! csl. 即日打通中國聯通 4G LTE 網絡
3) 抵玩漫遊卡:日韓台星 + 澳紐 上網逐日計 $17 
 

受歡迎漫遊上網消息分享

1) 版主東京行!中國聯通富士卡 七日漫遊上網 新嘗試
2) 中國聯通跨境王新版! 一卡兩號儲值卡比拼
3) 台灣大哥大推台灣 4G LTE 上網儲值卡
4) 中國移動香港漫遊數據卡消息:韓國/台灣 +新加坡 + 日本

最後最後,版主呢幾日分享漫遊上網的 Tips 及儲值卡消息,都以香港買到為出發點。我當然知落地買當地 SIM 會平好多,但始終要出左機場,等舖開,係好麻煩。若果大家有當地 SIM 推介,買旅遊 SIM 情報,歡迎分享。
廣告