漫遊數據 Tips (3) :CSL 抵玩卡 日韓台星 + 澳紐 上網逐日計 $17

Keith Yim | 網絡消息
ePrice 版主們,耐不耐會分享不同去旅行會用的漫遊上網方案。係聖誕節,旋行旺季,版主 Keith 分幾篇文章,分享幾段關於漫遊數據的好消息,再歸納出走不同地方,用乜方案上網最好最方便。歡迎經驗之人,回文分享!

//timgm.eprice.com.hk/hk/mobile/img/2014-12/23/200438/keithyim_1_4247_24c946e9326d89ca392f107660ffee32.jpg

澳洲、紐西蘭上網有選擇

澳洲、紐西蘭都是不少朋友會去旅遊、探親的熱門地區。不過,似乎除了上台後,網絡商提供的超貴,差不多二百蚊一日的數據漫遊日費計劃,沒有其他好選擇。版主在遊走深水埗鴨寮街桂林街一帶 SIM 檔,發現有兩間掛住 One2Free 新數據計劃的字樣。呢張怪卡賣價 160 蚊,聲稱裡面有 $345 面值,可提供九日澳洲及紐西蘭上網,每日 100MB。圍起上來每日 $17 就有 100MB 用。 呢張卡,其實唔止去到澳洲、紐西蘭,近近地的澳門、台灣、新加坡、馬來西亞、泰國、印尼、日本、韓國、菲律賓都用得到。你會話,日本、韓國版主你都介紹過平價漫遊卡,尤其你之前介紹過的中國聯通富士卡,卡價差不多,仲有七日無限上網!

呢張卡,其實有幾個好處
1)  若你成個 Trip 係遊走幾個國家,呢張卡就攪得掂,好似好多人會新加坡 + 馬來西亞聯遊 (新山有 Legoland,好多網友會由新加坡出發即日來回新山新加坡) 、新加坡 +  印尼民丹島 (要由新加坡轉船才能到達)等等。

2)呢張卡唔係一炮過要用晒的卡,開一天數據漫遊扣一天錢,餘額留番下次再用。呢張卡仲可以係香港打電話,申請上網套餐,增值後延長使用期限,所以適合一兩日短 Trip 的用家靈活使用,尤其去澳門、台灣的網友。

3)  香港的漫遊數據儲值卡沒有包括的地方:澳洲、紐西蘭、印尼、菲律賓,用呢張卡解決到落機即上網問題。
 

當然,每日 100MB,俾你收下 WhatsApp、上下 Facebook,好過失去聯絡。(之前我版主去日本東京出差,一日也用 100MB 左右,已係瘋狂 Facebook 及 WhatsApp 架啦,當然,我無睇片習慣) 

//timgm.eprice.com.hk/hk/mobile/img/2014-12/23/200438/keithyim_3_4247_88b58e2c9d1b2b0778c2aa0ae42b9141.jpg

小心中伏

呢張卡比較怪,是沒有 Packing,你說要買, SIM 檔會俾你 SIM 卡一張,有 nano sim 及 micro sim 選擇。SIM 檔叫呢張卡做 354 卡,因為它有 $354 面值,但他們卻只賣 $160。漫遊收費實際是每日 $38 包 100MB 數據,所以夾埋用到 9 日,平均 $17 一日。呢張卡有無伏,有!因為版主試買,中了伏,但也證實了幾件事,亦提供破伏方法!

版主買卡之後,返屋企開卡,發覺裡面唔係有 $354,其實只係剩低 $5.5。版主立即致電 csl. 儲值卡熱線 179179 查過究竟。接聽的 CS 哥哥客服好有耐性,好有心,它查出呢張卡真係好特別,張卡係十一月廿幾號已開,本來面值為 $164,被人開了兩次本地七日上網套餐,再扣了 $2.5 行政月費,才餘下 $5.5 面值。

不過,CS 客服哥哥亦證實了原價 $38 日費漫遊,每日 100MB 給予上文提及的 11 個國家及地區漫遊上網係事實,真有其 Plan。呢個每日 $38 有 100MB 漫遊數據用量計劃,用爆立即停止上網,唔會亂扣錢,同埋要逐日申請 。而這張卡更可以增值,再延長有效日期 (版主後來加了 $50 蚊,順利延長半年有效期), 若果你只用係短 Trip,係可以留俾下一個 Trip 或借俾朋友用,好靈活。而呢張卡係本地適用,可以係香港打電話,申請上網套餐,用來訂 iPhone 做 iReserve 等等。所以,SIM 檔的解釋,也不是錯。

沒有 Packing 的 SIM 卡,中伏機會一定有,我亦不相信 SIM 檔專登行騙,但因為可能有伏,若果大家唔想中伏,買卡後,請即場在 SIM 檔前開卡,按 *109#  打出,查查係咪真係有 $325 係裡面。$17 日費漫遊上網,用唔晒又可以留俾下次再用,其實好抵。當然,若你係上網狂,係要無限上網才 OK,呢張卡,不是你杯茶啦。

//timgm.eprice.com.hk/hk/mobile/img/2014-12/23/200438/keithyim_4_4247_d08867e2409cb706d4769cabccff73c7.jpg //timgm.eprice.com.hk/hk/mobile/img/2014-12/23/200438/keithyim_4_4247_491a5e363b4a2ed85eb76dc84c21083e.jpg
▲ SIM 檔就係賣左呢張卡俾我,上面寫了日費漫遊 Activation Code。留意呢張卡主證明書是假的 SIM 上面的 SIM  Code 與證明書的 SIM Code 是不一樣。亦即係話,你遺失了呢張 SIM 係唔會重開得返。

//timgm.eprice.com.hk/hk/mobile/img/2014-12/23/200438/keithyim_3_4247_9bf3a24ea15056e47c959de5857678b4.jpg
▲ 其實 csl. 跟 7-11 便利店,都有一張 $198 亞太區漫遊儲值卡,包了五日 500MB 用量,可以係中國、澳門、日本、南韓、馬來西亞、新加坡、台灣及泰國使用,地點跟上面張神秘 SIM 卡有些重覆,不過,csl 與 7-11 出品呢張卡,開卡即扣五日,唔係每日計算,去唔晒五日會蝕。過五日的話,可以增值再用,每日 $40 / 100MB,收費跟上面原價的神祕 SIM 卡差不多。不過,神秘 SIM 有折扣,$160 用 9 日,圍起上來每日 $17 / 100MB 會抵好多,而覆蓋範圍亦擴好多。(按入圖片去官網睇介紹)

//timgm.eprice.com.hk/hk/mobile/img/2014-12/23/200438/keithyim_3_4247_05d3cbc9eb959ab2c53dbaa48ea437e8.jpg
▲ 3 香港有另一張「亞洲」 漫遊流動數據儲值咭,賣價要 $288,包括南韓、日本、台灣、泰國、新加坡及印尼,無限上網,但只玩到四日,時間太短,收貴亦偏貴。(按入圖片去官網睇介紹)

2014 漫遊上網 Tips 系列

1) 歐洲漫遊最平每日 $23 無限上網
2) 唔駛五模十頻! csl. 即日打通中國聯通 4G LTE 網絡
3) 抵玩漫遊卡:日韓台星 + 澳紐 上網逐日計 $17 

受歡迎漫遊上網消息分享

1) 版主東京行!中國聯通富士卡 七日漫遊上網 新嘗試
2) 中國聯通跨境王新版! 一卡兩號儲值卡比拼
3) 台灣大哥大推台灣 4G LTE 上網儲值卡
4) 中國移動香港漫遊數據卡消息:韓國/台灣新加坡 + 日本

最後最後,版主呢幾日分享漫遊上網的 Tips 及儲值卡消息,都以香港買到為出發點。我當然知落地買當地 SIM 會平好多,但始終要出左機場,等舖開,係好麻煩。若果大家有當地 SIM 推介,買旅遊 SIM 情報,歡迎分享。
廣告