SIM 檔神卡?揭 One2Free 160 蚊無限上網儲值卡 身世之謎

Keith Yim | 網絡消息
上次版主分享一蚊 WhatsApp 大法,有網友話版主年紀大喎,後生一輩機不離手,無限上網先係皇道!我年紀可能比唔少網友大,但一樣需求無限上網方案。版主用一連幾篇分享文,介紹幾個本人推介的無限上網方案。嗱嗱嗱,我都知好多網友都略知一二,唔好期望有乜新爆料,只係版主的推介方案。你地有乜好方案,可以用 Facebook,或會員回應一下。今次先為大家解開呢期最流行 One2Free 160 蚊無限上網儲值卡之謎。

//timgm.eprice.com.hk/hk/mobile/img/2015-02/06/201036/keithyim_1_4247_c16dd8a9a34b4f44a149ecab6bc69674.jpg
▲ 深水埗桂林街一帶 SIM 檔,好多卡都無 Nano SIM,但 $160 卡卻以 Nano SIM 形式出現,使用上更方便。
 

解 One2Free  $160 卡之謎! 28 日 4G 無限上網  

今期最熱爆深水埗桂林街的 SIM 卡:One2Free 160 卡。連版主自己都唔知,原來自己分享過呢張卡,不過用左另一個角度:漫遊神卡。版主親身買過,亦打去 CSL 儲值卡熱線問過,呢張卡本來係一張叫「亞洲通儲值數據上網卡」,曾經係上年六至七月之間,係香港拍賣網站出現過。呢張卡面值為 $354 。本來佢係用來 Sell 漫遊數據,每日 $38 有 100MB 漫遊用量,跟現時 csl. 賣的 7-Connect 198 亞太數據儲值卡用法相約,不過包括地方多好多,連澳洲、紐西蘭、印尼都包埋。之前版主已介紹過,圍埋 $17 用一日漫遊。係漫遊用途方面,除了覆蓋地點,比 7-Connect 卡更多,就係唔會一次過先扣五日錢,係逐日計,好適合短途去台灣、新加坡、馬來西亞之類一兩日快 Trip 之用。

//timgm.eprice.com.hk/hk/mobile/img/2015-02/06/201036/keithyim_3_4247_eeee99a7584158098fb5d1350b1dbb73.jpg
▲ 不是什麼秘密,也沒有什麼錯誤,就是 CSL 與 PCCW 合拼之前的一張特別版儲值卡,在上年六月在拍賣網站出現過,之後就跌落深水埗 SIM 檔平價散貨,剛剛遇著 csl. 開通儲值卡 4G LTE 網絡,立即變神卡。

//timgm.eprice.com.hk/hk/mobile/img/2015-02/06/201036/keithyim_1_4247_13b1ae27fedeafaf4b64a8e1964d8232.jpg
▲ One2Free 160 神卡,另一個神之用途,就係平價漫遊卡,每日 100MB 係呢十一個地區上網,用到 9 日,平均每日 $17。版主打去 CSL 儲值卡熱線,查詢過兩張 160 卡資料,都證實神卡有平價漫遊之功能, SIM 檔無呃人。

當然呢張卡,去到今時今日,係深水埗桂林街一帶,以無包裝,大批大批貨形式出現,賣價亦由 $354 變為 $160。呢張卡最神之處,就係跟 One2Free 儲值卡一樣,可以開通 $78 七日無限上網 (5GB FUP) 計劃,而最近 csl. 把 csl. 及 One2Free 品牌儲值卡,全部開通 4G 網絡,所以呢七日無限上網,就係用 4G LTE 下載速度最快 7.2Mbps,上傳最快 5.6Mbps。有人問,3G 7.2Mbps 與 4G 7.2Mbps 分別有幾大。版主用過一星期,話俾你知,用 4G LTE 網絡,真係順好多,亦唔會無啦啦因為網絡繁忙,跌到得得番 1Mbps 2Mbps 速度。雖然,One2Free 儲值卡寫了 5GB FUP 公平使用量,之後會有分網絡繁忙次序,但版主係一星期試用期裡面,用爆過 5GB,都唔覺有限速。$345 面值,賣 $160,可以開通四次 7 日無限上網,即係 $160 用到 28 日無限上網,接近一個月,用埋 4G 網絡,上網速度根本就係寬頻,抵玩!
 

One2Free 「160 卡」資料 

 
原名 亞洲通儲值數據上網卡 (桂林街以沒有包裝,叫作 160 One2Free 28 日上網卡)
桂林街售價 $160
面值 $354
行政費 $2.5 (三十日)
話費 $0.25 / 分鐘 (免費所有來電轉駁,依此話費計算)
數據服務 1 小時 4G 7.2Mbps 數據通行證  $8 / 小時
1 日 4G 7.2Mbps  數據通行證  $28 / 日
7 日4G 7.2Mbps 數據通行證 $78 / 7日
(申請 Code #109# 再依指示)
 
11 個地區 $38 / 100MB 一日漫遊數據通行證
(申請 Code  *101*733*3# 在漫遊地區,每日啟動)
地區:台、星、馬、菲、印尼、澳、紐、泰、日、韓、澳門
有效期 180  日 (增值 $50 以上,延續 180日)


//timgm.eprice.com.hk/hk/mobile/img/2015-02/06/201036/keithyim_3_4247_c5672948038bccd119b7a3f2f6489543.jpg
▲One2Free $160 卡以散裝出售,若果你驚驚地,怕被  SIM 檔主搵笨,例如版主之前的經歷,不如買呢張 $78 One2Free SIM 卡。$78 開卡剛剛好申請到七日無限上網。深水埗桂林街卡價大約 $45 一張,買 4 張七日換一張,圍埋 $180 有 28 日無限上網,只係比起 160 神卡貴少少。貴 $20 有乜好?一來買過安心,七日換一次,即係首 5GB 一定無限速,七日用 5GB,28日用 20GB,相信好多人都夠用吧。就算你用得勁多,One2Free 最後玩嚴格 FUP 後限速,都係七日回復正常一次。

//timgm.eprice.com.hk/hk/mobile/img/2015-02/06/201036/keithyim_3_4247_fea3a897a52d2c9b2253fb78b577f94d.jpg
▲ 另外,網絡商月費有幾貴,反映晒係儲值卡上面。$78 One2Free  儲值卡,其實任何一間便利店都有。此外,增值超過 $100,仲有儲值額獎賞!版主計過,就算你用正價去買,並立即增值 $200 (上網用信用卡就得),由於即送 $40 儲值額獎賞,已可以開通四次 7 日上網 Pass (已計算 30 日後扣除 $2.5 行政費),圍埋成本 $278 蚊 ($78  主卡 + 200 增值額 + 20% 即 $40 Bonus = $318,可以開四次 $78 七日 Pass),28 日無限上網。$278 係 csl. 上台月費裡面,一個月都換唔到 6GB 數據用量啦! 雖然,家陣 csl. 大賣什麼 300 速,識玩之人都知 csl. 個 4G 網絡,有幾何破 20Mbps,此外,穩定的 4G LTE 7Mbps 上網上下載速度,就算當 Pocket WiFi 駁電腦上網都夠晒玩,上台用貴月費?搵自己笨咩。

//timgm.eprice.com.hk/hk/mobile/img/2015-02/06/201036/keithyim_3_4247_6dc27fb98fa2449b2035852e80f470d1.jpg
▲ 呢張港澳遊,有兩個包裝,但玩法一樣。用 CSL 3G 網絡,深水埗桂林街價 $68 左右,可以用到 14日 7.2Mbps 3G 無限上網 (5GB FUP),計埋 $136 用 28 日無限 3G 上網,都係比較容易搵到,又平價之選。
 

版主收風:儲值卡末日快到

老老實實,版主可能分享多幾篇就無得再分享。原因有二,因為 CSL 與 PCCW 合拼,早前管理 CSL 儲值卡業務的大員傳聞早已離職,新管理層對儲值卡業務「睇唔上眼」,只會跟大品牌合作推卡,有留意到,新 csl. 品牌儲值卡,已無晒抵玩高用量組合,亦唔多見新品牌卡流出 SIM 檔。市面上餘下舊 C 記品牌 SIM 卡,可能賣晒唔會再有。另外,出面已有風香港政府因為種種理由,好快會係香港行 SIM 卡實名制。大家仲可唔可以咁方便係 SIM 檔買卡,好難講。大家平得一日得一日,玩得一日得一日啦。

2015 年 7 月 5 日更新:csl. 六月份更改了 FUP 公平使用條款,無限上網已改為每月 6GB,用爆限速 128kbps。詳情請按此
 

ePrice.HK 儲值卡分享與報導

1) 歐洲漫遊最平每日 $23 無限上網

2) 抵玩漫遊卡:日韓台星 + 澳紐 上網逐日計 $17 
3) 版主東京行!中國聯通富士卡 七日漫遊上網 新嘗試
4) 中國聯通跨境王新版! 一卡兩號儲值卡比拼
5) 台灣大哥大推台灣 4G LTE 上網儲值卡
6) 中國移動香港漫遊數據卡消息:韓國/台灣 +新加坡 + 日本
7) $58 / 1.8GB 用半年! 7-11 本地八達通儲值通話卡 平價上網
8) 中國聯通跨境王新版! 一卡兩號儲值卡比拼
9) $50 4G LTE 無限一個月任用! 瘋狂試玩 CMHK 4G LiTE
10) $20 玩 30 日無限 Data+ WiFi !版主教路買平價儲值上網卡
11) 版主教你:  一蚊雞玩 WhatsApp  ! 每月加 300 分鐘 $36 攪掂
12) 台、日、英、韓有齊!$80 買 SlimDuet 一卡用多國漫遊方案抵唔抵?
廣告