三星 S7 edge 全城缺貨 賣價暴升!版主最平入手方案係?

Lawrence | Samsung
上星期 Galaxy S7 / S7 edge 開放預訂,不論係大鋪還是零售商,都出盡法寶:即時劈價、送 Gear VR 眼鏡甚至係「買大送細」都有,據聞反應相當唔錯。預訂階段即時有得減價都已經算係出人意表,勢估唔到係開賣之後更驚人的事就發生了!「早買早享受,遲買平幾舊」呢一句說話看來唔係咁準呢!

//timgm.eprice.com.hk/hk/mobile/img/2016-03/11/204871/lawrencelaw_1_4523_4747816c2968ceb4198b40d9681fe856.jpg

S7 / S7 edge 正式開賣!沒有再平⋯⋯只有更貴?

由香港發佈到而家等左一個星期, Galaxy S7 同 S7 edge 今日終於開賣啦!因為係預售期間大鋪同埋電訊商已經推出左即減優惠,令兩部本來定價已經比上一代平的旗艦價錢更加抵,反應看來相當唔錯。不過,價錢方面如果大家好似版主一樣,以為開賣就再減價,就大錯特錯了!事實上,以大鋪來講,間間都「開賣即加價」,只係睇下加得多定少咁解,版主就問過幾間大鋪,以下就係結果!

先講左 Galaxy S7 先,雖然版主之前曾聽聞 S7 先係 Samsung 力谷旗艦,但大芒機才是港人最愛, S7 的吸引力明顯不及 S7 edge ,所以 S7 價錢並未有升好多,由「即減 $500」變成「即減 $400」,價錢賣緊 $4798。不過, Galaxy S7 的情況其實已經比較好了,起碼金、白兩色都有足夠的現貨買到。

//timgm.eprice.com.hk/hk/mobile/img/2016-03/11/204871/lawrencelaw_3_4523_aa56f341c3c6172d23dd32465a937a38.jpg
▲ Galaxy S7 賣價雖然比起預售階段升左,但對比起 S7 edge 其實唔算嚴重了,係因為無 S7 edge 咁受歡迎嗎?


S7 edge 黑/銀二色全城斷貨!發生乜嘢事?

其實大鋪賣價回升,原因好多時只有一個,就係唔夠貨!而呢個情況係 S7 edge 方面就相當嚴重了,現時大鋪 S7 edge 的銀色以及黑色兩個版本已經無貨。而之前主打預訂送 VR 眼鏡的 csl 係旺角更加係三色都無貨。到到都無貨係咪因為 S7 edge 實在太抵買,所以賣斷市?版主都有打聽過,但看來同反應太好無乜關係,因為聽聞 S7 edge 的黑色同銀色本身貨量已經好少,根本唔夠供應,而反應無咁熱烈的金色相較之下貨量卻相當足夠,所以大鋪價錢就即時升返了!

另外, S7 edge 係賣價上,而家都幾浮動,版主問過好幾間大鋪,價錢都唔太一致。正如上面提到,因為黑/銀二色全城缺貨,所以價錢都比較貴,當中以「即減 $300」賣 $5698 的衛訊較為平少少,但都難以同頭一日預訂時「即減 $600」相比,而豐澤、百老匯等都會貴 $100 賣 $5798 。係金色方面,價錢較為「正常」,一般都係維持返「即減 $500」左右。根據以往經驗,相信過左呢個星期, S7 edge 三色應該會返齊貨,但係黑/銀兩色比較貴的情況下,現時最平的入手方案又係乜呢?版主就覺得⋯⋯現時真係無,但可以留意, csl 係 S7 edge 方面,淨機價一律都係 $5398 ,只係無貨咁解,如果之後大鋪同 csl 都返齊貨,後者係平幾舊的情況下,有機會成為最平入手方案呢!(但留意,而家在 csl 上台出機已經無再送 Gear VR ,無咁抵了)

//timgm.eprice.com.hk/hk/mobile/img/2016-03/11/204871/lawrencelaw_3_4523_f9c4e10adad0877a40fdcf9e1c258ce0.jpg
▲ S7 edge 黑色同銀色到港貨量相當少,版主問過差不多差不多十間大鋪,都無貨!而且價錢最貴更回升至 $5798 ,實在誇張。

//timgm.eprice.com.hk/hk/mobile/img/2016-03/11/204871/lawrencelaw_3_4523_6b1a9a18400d8ea5abcd47fef9dd5f01.jpg
▲ 有賣淨機的 csl 未有改變 S7 edge 的賣價,可惜版主係旺角區查問時卻係三色都無現貨的。(聽說係銅鑼灣還有金色版)

//timgm.eprice.com.hk/hk/mobile/img/2016-03/11/204871/lawrencelaw_3_4523_420b4ab408a650beb8b8acf1ffa5024a.jpg
▲ 唔知會唔會有網友想知 S7 edge 炒唔炒得起,版主都有問過, S7 edge 頂盡都係收緊五千四左右,無炒起到。

在文章發佈時, Samsung Galaxy S7 Edge 大鋪最平賣價為 $5698 ,按此看手機規格及最新賣價
在文章發佈時, Samsung Galaxy S7 大鋪最平賣價為 $4798 ,按此看手機規格及最新賣價。​
廣告