同 LG G5 鬥劈價!Samsung S7/S7 edge 最多減 $1500,衝唔衝?

Lawrence | Samsung
呢輪不少網友都係討論 LG G5 而家抵唔抵買,令呢部原本無乜入手價值的旗艦又再次成為大家考慮目標之一。不過,只得 LG G5 一部過千,選擇未免太少了。幸好,而家又多一個選擇,因為早一排推出,賣價已經回穩的 Samsung Galaxy S7 以及 S7 edge 可以用最多平到 $1500 的價錢入手。一齊來睇睇!

//timgm.eprice.com.hk/hk/mobile/img/2016-05/04/205319/lawrencelaw_1_4523_7fc8976b9fed7a82b03d6ef10bcc9430.jpg

CMHK 每月之星輪到 S7/S7 edge ,入手價仲平過 LG G5?

大家都知道,CMHK 每個月都會推出「每月優惠之星」,其實說穿了就是「每月優惠三星」,因為每月優惠機款都是 Samsung 手機啊!今期 CMHK 就將 S7 同埋 S7 edge 兩部機列為優惠型號。所以由現在到 5 月 31 號其間,上台同時買機都可以用到優惠價。同以前一樣,每月優惠之星優惠,只係適用於簽約上台的新客戶,現有客戶無份。而且新客戶需要簽約 24 個月,同時選用 4G Pro 3GB 或以上的服務計劃,即係每月月費開支最低係 $216。

至於機價方面,今次 Galaxy S7 的「每月之星價」就係 $3680,比起定價平 $1518 ,亦都比起大鋪價 $4698 平。而 S7 edge 的「每月之星價」就係 $4580 ,比起定價平 $1418 ,亦比起大鋪價 $5598 平。如果對比起現時 CMHK 推出的 LG G5 出機優惠,某程度上其實更加抵玩。一來,LG G5 CMHK 要求用家選用 6GB 或以上的 4G Pro 月費計劃,但係 S7 同埋 S7 edge 的每月之星優惠,就只要求 3GB 或以上的 4G Pro 月費計劃!二來,而家 LG G5 係大鋪已經劈價 $1200 ,所以計落 $3780 呢個買機價都只係比大鋪平 $700 ,但係 S7/S7 edge 買機價就比起大鋪平一千。

//timgm.eprice.com.hk/hk/mobile/img/2016-05/04/205319/lawrencelaw_1_4523_701556220a8962a78c36004b3ec7d4e6.jpg
▲ 真係想唔到,今次係兩部機一齊打孖上,連 S7 edge 都有得平。

網絡商限時優惠!  LG G5 淨機劈價近二千
▲ LG G5 而家仍然有 $3780 呢個上台優惠價,但吸引力應該弱左唔少了。

對比細鋪行貨價,CMHK 優惠抵唔抵?

其實 CMHK 每月之星上台買機價,一向無乜對手。所以 Galaxy S7 同埋 S7 edge 買機價都係比起細鋪行貨平得多。現時 S7 edge 的細鋪行貨價都仲要 $5280 ,而 S7 價錢都維持係 $4480 ,同上星期分別唔大。至於 S7 同 S7 edge 會唔會係大鋪再減價,現時實在好難講,但個人覺得以 Samsung 個性,點都唔會咁快劈價 $1200 嘅。唔知大家又點睇呢?留言講講講吧!

場價跌不停!S7 edge/G5 最多減千五 仲撐唔撐 HTC 10?
▲ 細鋪方面,版主阿坤都有提過,S7 edge 的價錢頗為浮動,好似上星期做緊 $5198 ,而家又變返 $5298 了

//timgm.eprice.com.hk/hk/mobile/img/2016-05/04/205319/lawrencelaw_1_4523_09da2065014de084d363b05fc3699ed6.jpg
▲版主留意過,現時 CMHK 門市都未有「每月優惠之星」宣傳,但大家查問下店員都可以拎到優惠嘅。

在文章發表時,Samsung S7 大舖賣價為 $4698,按這裡有詳細規格及最新賣價
在文章發表時,Samsung S7 edge 大舖賣價為 $5598,按這裡有詳細規格及最新賣價
LG G5 在文章發佈時,大舖賣價為 $4498,按這裡有詳細規格及最新賣價
廣告