機價即減 $1000!Samsung Galaxy S7 edge,呢個賣價最抵玩?

Lawrence | Samsung
要數呢排最多人想入手的新機,四吋芒的 iPhone SE 可能係其中之一,但貨源好足;LG G5 又要 4 月先正式開賣,而 Samsung 的 Galaxy S7 edge 就貨少你想買都未必有。不過,先唔講 S7 edge 夠唔夠貨,而家呢部 5.5 吋芒旗艦賣價回升返,都已經夠煩。不過,呢排版主發現一個機價即減 $1000 的入手方案,今日問過,都仲有貨,想知抵唔抵玩,就要睇下文了!

//timgm.eprice.com.hk/hk/mobile/img/2016-03/24/204987/keithyim_1_4523_bcf0f525340bf3573a0ef11c681e7f1f.jpg

用 csl 計劃,但比 csl 平!飛天流動上台 Plan 全港最抵?
今之版主睇到呢個平一千入手 Galaxy S7 edge 兼上台方案,係來自一間叫「飛天流動」嘅連鎖店。比起大家都好熟嘅衛訊、百老匯,「飛天流動」唔算好出名,主要係新界區如屯門、元朗、將軍澳有舖。市區嘅話,亦要數係新莆崗嘅 MIKKI 商場。不過「飛天流動」都係賣「正行」嘅連銷店,大家都可以放心。

佢地做緊 S7 / S7 Edge 即減一千嘅優惠,不過你一定要上指定嘅 csl 月費計劃。版主研究過,最有趣之處,其實佢地係用 csl. 帶機上台簽廿四個月嘅月費計劃,兼唔係買機上台計劃,所以,你係佢地買 S7 / SE Edge 上台,的確比起係 csl. 門市平。你可以咁樣唸,就係呢間公司,倒貼一千蚊機價俾你,再要你申請 csl 帶機上台計劃。呢個月費未計行政費就分別係 6GB 數據用量月費 $298 以及 10GB 數據用量月費 $438 。另外,仲有多 $300 Tap and Go 回贈 (入落 Tap and Go 戶口等你消費),同埋兩百蚊美心飲食禮劵同一個電飯煲。夾埋夾埋,呢個優惠唔指減一千咁多。

//timgm.eprice.com.hk/hk/mobile/img/2016-03/24/204987/lawrencelaw_3_4523_d19697f737f208e40dbf60125b61410c.jpg
▲  「飛天流動」嘅 S7 Edge 上台優惠,都做了一段短時間了。

//timgm.eprice.com.hk/hk/mobile/img/2016-03/24/204987/keithyim_4_4523_fd93802a82f41c00f0c90eadcf57ea45.jpg
「飛天流動」用嘅係特約經銷商嘅帶機上台計劃來配合 S7 / S7 Edge 減一千機價,呢個 Plan 你係 csl. 門市可以搵到類同,但唔會送咁多野。仲有 csl. 本身 S7 Edge 淨機都有減,不過, 只係減六百蚊,無一千蚊咁多,即係,你係 csl 門市,就算買到淨機再用類同「帶機上台」計劃,都做唔到即減一千機價架。

CMHK 玩法相約手
咁以上呢個價錢,又係咪最抵玩的上台 Plan 呢?如果同 csl 對比的話,毫無疑問係的比較著數的,因為後者如果選擇「買機上台月費」的話, 6GB Plan 未計行政費都要成 $498,機價都只係做到 $5098 呢個優惠。但版主同時問過 CMHK 上台計法,應該仲抵。以 S7 Edge 為例,CMHK 做緊機價 $5280, 高用量 10GB 與 6GB 本地 Plan,都比 csl 平 (6GB $248 / 10GB $368) 仲可以揀最平嘅 Lite Data Plan,最平月費 $88。各 Plan 就算簽廿四個月,手機連月費總支出,都肯定比「飛天流動」平。咁你話,CMHK 機價貴二百喎。其實,網店做緊最高 $800 月費回贈 (10GB 本地 Plan 回 $800 / 6GB 本地 Plan 回 $600 / Lite Data 都回 $200) ,點計都係平少少。

//timgm.eprice.com.hk/hk/mobile/img/2016-03/24/204987/lawrencelaw_3_4523_3c64d011c5414d810a257a323e23d0a7.jpg
▲ S7 Edge 都唔係到到有貨。

最大問題:有無貨

對,今次介紹 S7 / S7 Edge 極平上台優惠 Plan,抵唔抵大家想想,但想享有優惠價,都要有貨。版主問過「飛天流動」是有貨的,CMHK 網站就乜色都無貨。若果你想買淨機?今日問過衛信,S7 Edge 貨是有少量,但全部 $5998 賣,一蚊,都無得減咁囉。
廣告