三星 Note 7 「爆芒保」有無伏？版主教你邊到出機保障最好

左定坤 (Cho Ting Kwan) 2016-08-27 02:55 | Samsung

三星 Galaxy Note7 日前正式在大舖、網絡商接受預訂，可惜天意弄人，個個以為等到大舖預訂就有「即減優惠」，無不特止，最早預訂果批，仲有得「早買賺幾舊」，而遲買的話，連藍色都未必有得訂。雖然版主 suggest 過三個買機的方案，包括大舖／網絡商、水貨以及先達，但我覺得最穩妥的，都是大舖／網絡商。係一蚊都唔減嘅清況下，就要睇下邊間 Offer 最好。就以大家最關心嘅「爆芒保」為例，原來三星提供的唔係最抵，反而網絡商嘅保障，更真正切合用需要。邊度入手才是最好的選擇呢？睇下文啦！

三星送 1 年屏幕意外保，但不是完全免費
版主早前在一篇關於 CMHK 出機上台的文章內提及到，只要在 2016 年 10 月 9 日或以前購買 Samsung Galaxy Note 7，並於 2016 年 10 月 23 日或之前完成登記手續，即可享一年「螢幕意外損壞保障」計劃。其實，呢個優惠係 Samsung 自己的，所以無論你在大舖買，抑或網絡商，都一樣有份，唔一定要幫襯 CMHK。不過，要注意的是，這個「螢幕意外損壞保障」計劃，並不是爆芒可以完全免費維修，而係需要俾 $300 撿測及維修費。但講真，即使不是完全免費，但平心而論又唔可以話唔抵，版主問過維修人員， Note 7 用上曲芒，換芒起碼要二、三千蚊啦，$300 換個芒，其實唔算過份。

Screen Shot 2016-08-27 at 2.18.01 AM.png

Screen Shot 2016-08-27 at 2.18.01 AM.png

數碼通客戶可享 1 年爆芒換新計劃
如果你是數碼通客戶，或者在數碼通出機上台，甚至透過佢地嘅網店 (早前仲有優惠，好多手機有特價) 買 Note 7，即可享有免費 1 年爆芒換新。請記住，呢個爆芒換新係「真‧免費」的，不管你個芒跌到幾爛都好，你都可以在 1 年之內，「免費換芒一次」 (先去原廠維修，再透過單據 Claim 錢)。如果想在數碼通入手 Note 7，並享有 1 年免費爆芒換新。係數碼通網店，你可以訂 Note 7 淨機，價錢為 $6198 淨機價，再送價值 $98 旅遊數據咭 (中國及澳門)。又係一蚊都無減。至於其他上台價，唔算特別平，計埋唔可以用抵來形容，網友自己研究就好，我哋唔再推介。

IMG_2016-08-27 02:00:51.jpg

csl. 預訂送 1 年 iGuard 手機意外保
如果你去 csl. 買 Note 7，即日至 1/9 簽訂買機上台服務計劃，就可以享用 1 年 iGuard 手機意外保障計劃。
到底 iGuard 手機意外保障計劃係乜黎呢？其實呢項服務係由一間叫嘉保營銷有限公司提供，你當係一間保險公司。當 Note 7 意外損毀，要去維修，就可以 claim 番維修費 80%。一般非人為的情況，你可以去番原廠保養，但特殊情況例如你跌爆芒，要整 $3000，咁佢就會補償番 $2400 俾你，最多可以 claim 到機價的 75% (Note 7 的話，$6198 x 75% = $4648.5)。呢個好處唔單係只保爆芒，你部機有乜原廠唔保，又強行收費，你都可以照 claim 80％維修費。不過，透過 csl. 預訂買淨機就無呢個優惠。同樣，csl. 嘅 Note 7 月費又唔係特別平，也絕不能用抵來形容，同樣地，版主同樣唔多講了。

IMG_2016-08-27 02:46:36.jpg