抵過 HTC、三星?$1300 有 S652 4GB NFC 雙鏡手機,網友要敗?

左定坤 (Cho Ting Kwan) | ZTE
雖然三星、HTC、Sony 等廠商最近都有新機推出,但目前似乎未有一部手機,能夠入到版主法眼。呢幾個品牌推出的新機,規格配置係點,版主在本文就不再多說,欲知規格詳情,可以在文章底部按連結進入 ePrice 手機數據庫。簡單來說,HTC U11 EYEs 係用 S652 處理器,Samsung Galaxy A8+ 係用 Exynos 7885 處理器,而 Sony Xperia XA2 Ultra 則用 S630 處理器,三部手機賣價至少都要三千蚊,又好似貴了一點。近日有部 S652 4GB / 64GB 手機減價,仲要有 NFC,$1300 已經可以入手,會唔會抵買過以上三部呢?睇下文啦!

Nubia(Facebook).jpg

最近有部 S652 4GB 手機,在天貓只需 1099 人民幣就可以買到,折合港幣約 $1336。說的是 ZTE Nubia Z17 mini,採用了 5.2 吋 1080p 屏幕,機身用上金屬材質,不單止配備 S652 處理器,而且內置 4GB RAM 以及 64GB ROM。相比起 Samsung Galaxy A8+、HTC U11 EYEs、Sony Xperia XA2 Ultra,Nubia Z17 mini 沒錯是芒細了一點,而且電也不夠其餘幾部多,只有 3000mAh,但以差不多規格配置來看,呢個價算幾抵玩。

相機部份,Nubia Z17 mini 用上了 1300 萬像素彩色 + 1300 萬像素黑白雙主鏡頭,兩個鏡頭都是用上 IMX258 感光元件,亦即是 Nokia 8、LG G6 上用到果粒,光圈值為 F2.2,並具有防震功能。至於前置鏡頭,則用上了 1600 萬像素 F2.0 感光元件,並支持 80 度廣角拍攝。

相比之前提及過的 Z17 減價,版主今次說的 Z17 mini,會相對容易購買。最主要原因是,註冊國內蘇寧網店賬號,係需要大陸電話號碼,才能註冊;而今次所說的 Z17 mini 天貓優惠,你有淘寶 ac 就買到,又唔使大陸電話號碼,簡單得多。

不過當中的風險,就同早前說 Z17 的類同,首先就係不會直送香港,即使天貓上有直送的選項,但實際上還是需經官方集運公司進行轉運。而嫌運費太貴的話,則可選用坊間的其他集運公司,例如版主用開的「集運王」。另外就是,沒有本地保養,出事需要自行返大陸搞。最重要的是,Z17 mini 沒有國際 ROM,只有國內 ROM,亦即是說沒有 Google 服務支援,需要 root 機後才可以 chok 到出黎,對大部份網友來說,相當麻煩。

了解風險之後,如果都係唔介意,純粹想搵部平平地嘅後備機,可以按這裡進入購買連結

螢幕擷取畫面 (13).png



雖然你話比起 Samsung、HTC、Sony,呢部機沒有行貨,意味住無保養,但價錢都相差咁遠,又用 HTC U11 EYEs 的 U (雖然都係粒舊 U 服左你),仲要有 4GB RAM + 64GB ROM,對於淨係鍾意睇 specs 買機的網友來說,難道還是不值得入手嗎?

到底係咪真係抵玩過三星、HTC、Sony,睇返佢哋嘅資料你就知:
>>>Samsung Galaxy A8+ (2018) 在文章發表時,建議零售價為 $4398,按這裡有詳細規格及最新賣價
>>>HTC U11 EYEs 在文章發表時,大舖賣價為 $3198,按這裡有詳細規格及最新賣價
>>>Sony Xperia XA2 Ultra 在文章發表時,建議零售價為 $3498,按這裡有詳細規格及最新賣價
廣告