主題:平價後備機首選係佢? $1000 唔使入手 仲要有 NFC,有乜選擇?

ePrice HK
  • 發表時間:2019-07-04 20:01 收錄檢舉
    最近都唔知發生乜事,突然多咗朋友問版主:想買部後備機,愈平愈好,有乜選擇? 我諗咗一陣,然後醒起,呢期大舖有部手機減咗價,跌到 $1000 唔使,雖然在硬件規格上就一般,但勝在有 NFC,現時最平有 NFC 手機,可能就係佢,網友又揀唔揀佢? 睇下文啦!

    平價後備機首選係佢? $1000 唔使入手 仲要有 NFC,有乜選擇?
     

    Nokia 3.1 Plus

    唔係小米,講緊嘅係 Nokia 3.1 Plus,上一期嘅銀行優惠,豐澤就拍住中銀推優惠,將 Nokia 3.1 Plus 以 $1088 出售。眨下眼就兩個月喇,又換新一期嘅銀行優惠,今次都係豐澤,但就唔係拍中銀,而係拍恆生,同時進一步將 Nokia 3.1 Plus 減價,順便清貨。本來 $1088 已經夠平,而如果用恆生信用卡簽賬,則可以 $949 入手 Nokia 3.1 Plus,成功跌穿 $1000 價位。

    硬件部份,Nokia 3.1 Plus 用上了 6 吋 720p IPS 屏幕,配備 MTK Helio P22 處理器,內置 3GB RAM 以及 32GB ROM,支持 microSD 擴充,並擁有 3500mAh 電池。相機部份是 13MP + 5MP 的雙主鏡頭,而前置鏡頭則為 8MP。更重要的是,這部雖然是入門低階機,但支持 NFC。

    而如果嫌 Nokia 3.1 Plus specs 太低階,則可考慮 Nokia 7.1,衛訊今個月亦同星展銀行推優惠,只要用 DBS 信用卡簽賬,亦可以 $1598 的優惠價入手。Nokia 7.1 用上了 5.84 吋 1080p 屏幕,配備 S636 處理器,內置 4GB RAM 以及 64GB ROM,支持 microSD 擴充,電池容量為 3060mAh。配備 12MP + 5MP 雙主鏡頭,前置鏡頭為 8MP。

    平價後備機首選係佢? $1000 唔使入手 仲要有 NFC,有乜選擇?

    平價後備機首選係佢? $1000 唔使入手 仲要有 NFC,有乜選擇?
     

    Samsung Galaxy J4+

    除咗 Nokia 手機,Samsung 亦有一部 NFC 入門手機,跌到千元樓下。說的是 Galaxy J4+,豐澤近期亦將佢減到 $899,不過網店已經無賣,得門市有,相信係最後清貨。根據官網顯示,呢部手機暫時只有在旺角山東街分店才有,6 吋 720p 芒,配 S425 處理器,得 2GB RAM + 32GB ROM,內置 3300mAh 電池,並且用上 13MP 單鏡頭。

    平價後備機首選係佢? $1000 唔使入手 仲要有 NFC,有乜選擇?

    Nokia 3.1 Plus 在文章發表時,豐澤賣價為 $949,按這裡有詳細規格及最新賣價
    Nokia 7.1 在文章發表時,衛訊賣價為 $1598,按這裡有詳細規格及最新賣價
    Samsung Galaxy J4+ 在文章發表時,豐澤賣價為 $899,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁