普通用家都變夜攝高手!?Nokia X30 5G 評測 + 教學

管理員 2022-12-08 16:40 | Nokia
不要以為夜攝效果佳,是貴價手機專利,其實賣價三千中的手機,都有好貨色,講緊嘅係 Nokia X30 5G。賣價唔洗六、七千蚊,定價僅是 $3,698,中檔次售價,卻有不錯的規格。最重要是有旗艦級嘅鏡頭,加上 Nokia 手機攝力生招牌 – PureView 拍攝,同埋全新嘅 Night Mode 2.0,日夜攝力都交足功課。

f01.jpg

不落俗套的外型

Nokia X30 5G 是 Nokia 今季的主打型號,定價僅是 $3,698,有別於其他品牌的主打機一定是貴一貴,無六千蚊或以上都買唔到。其實,只要材質用得好,三千中價位,都可以好靚仔、性能一樣好實用。拆開手機上手,今次試玩是暮藍色版本,機身 185 克,配合 PureDisplay 6.43 吋 AMOLED FHD+ 90Hz屏幕,手機不算太大,相比起其他品牌的旗艦手機下下重過 200 克,Nokia X30 5G 整體設計與手感合理好多。

a01.jpg
▲ Nokia X30 5G 配備挖孔式全螢幕,支援 FHD+ 解像度、最高 700nit 峰值亮度、20:9 比例,屏幕玻璃採用 Corning Gorilla Glass Victus 玻璃,不只提供相當鮮豔、明亮顯示效果,觸控手感、抗刮能力也是水準之上,有不錯的使用體驗。

a07.jpeg
▲ 不要以為旗艦手機先有屏下指紋辨識器,Nokia X30 5G 一様有,解鎖速度與準確度,比起機背指紋或只能用眼解鎖一様咁快,使用上感覺更加方便。

a05.jpg
▲Nokia 官方說明,X30 5G 用上 100% 環保鋁金框架加上 65% 環保塑料背蓋。環保可能係宣傳技倆或者真心嘅企業責任,但用家角度,最緊要好睇!Nokia X30 5G 看上去大方得體,雖然背蓋用上塑膠,但唔講俾你知,你還是完全感受不到。

a08.jpg
▲ 用上循環再做紙作包裝物料,Nokia 手機也要講可持續生態發展了。

中上規格,有抗水,有 eSIM 是賣點

Nokia X30 5G 用上 Qualcomm Snapdragon 695 處理器,本身效能已達中上水平,最重要是有 8GB RAM 及 256GB ROM,根據我們的測試,是用上至少 UFS2.0 制式記憶體,資料迅速傳送,令整部手機都運行得十分順暢。電池容量為 4200mAh 配合適當充電器,可做到 33W 快速充電。我自己用普通 PD 充電器,大約一小時便充滿電池,是合理範圍。特別一提,這款手機支援 5G 網絡包括最近網絡商大推的 n28 低頻段,令手機在室內地方收到 5G 訊號機會都大好多。Nokia X30 5G 亦是少數 Android 手機支援 eSIM,有乜用?你可以把自己常用的 SIM 卡轉為 eSIM,普通卡槽作旅遊 SIM 或 data SIM 之用,這様便不怕換 SIM 時,將主 SIM 遺失掉。
 
a09.jpg
▲ Nokia X30 5G 支援 IP67 抗水防塵,放在可能接觸到水的地方使用,就算是把它弄濕,亦有一定保護效果。

a06.jpg
▲ 雖然是支援 eSIM,但你一様可以使用完整的雙 nano SIM 卡 (當使用 eSIM 時,其中一張 nano SIM 槽會暫時作癈)

a12.jpg
▲ 我跟你講,用 Nokia X30 5G 期間,手機操作好快!得個講字,我點信你?但 Benchmark 話你知事實。呢個叫 Androbench 的 App 得出 Sequential Read 及 Write  分數為 400MB/s 以上,代表使用了至少高速的 UFS2.0 記憶體,難怪操作如此順暢。

PureView 50MP 攝力

Nokia X30 5G 最大賣點係乜?PureView 攝力
Nokia X30 5G 有雙鏡頭,其中 50MP PureView 主鏡頭,是一個大型感光元件,並配合 AI 人工智能及 OIS 光學防手震功能。而 5000 萬像素的「大底」足以令手機拍出細節豐富的相片。據 Device Info HW 呢個 app 顯示,其實,Nokia X30 5G 跟某韓廠的旗艦型號用上同級的影像感光元件 ,對比起同價位的手機,只是用上幾代的型號,規格上已勝人一籌。當然,講是無用,都要軟件配合。

a11.jpg
▲ 從 Device Info HW 見到相機部份,用上 s5kgn5 主鏡頭,Google 一下就知跟某個韓國品牌用上同 Grade (不是用同型號) 的感光元件了。

Nokia X30 5G 有著 Nokia 獨家採用的 PureView 技術,如針對夜間拍攝的 Night Mode 2.0、 極夜拍攝 (DarkVision) 、三腳架模式 (Tripod Mode) 。而 Capture Fusion 更將主鏡頭攝力混合在超廣角鏡頭拍攝中,令相片效果中心部份,有更多細節。

a03.jpg
▲ 主鏡頭採用高抗刮性及高透光度的 Corning Gorilla Glass with DX+ 作出保護,容許達 98%光線通過鏡頭,令手機相機捕捉更多光線,圖像細節效果會更好。
    ▲ Nokia X30 5G 拍攝介面。
   ▲日間拍攝效果
    ▲ 主鏡頭可調至五千萬像素拍攝,好處是在日間拍攝時,可拍得更細緻的效果。
 
   ▲ 專拍食相

Capture Fusion

Nokia X30 5G 重點是主鏡頭,但都有一個 1300 萬像素,做到 0.6 倍廣角效果的鏡頭。今次 Nokia 用了 Capture Fushion  影像融合技術,拍攝超廣角相片時,主攝鏡頭同時運作,拍片相片中心部份,兩組相片二合為一,讓超廣角照片中心部分獲得更多細節。
   ▲ 大家可以放大相片看看超廣角相片中間部份的效果。
  ▲ 更多超廣角鏡頭拍攝

深究夜攝

Nokia X30 5G 最好玩係乜嘢?一句答你:「夜攝」
本身用上旗艦手機嘅相機 Sensor 已令夜攝有不錯的效果,但 Nokia 的 Night Mode 2.0 軟件,使你不用很高的技巧,可以做出更加好睇的夜景。而我建議大家,在晚間或燈光較暗的地方,只要簡單調至「夜景模式」相片質素已有明顯的提升。

C01.jpg
▲ 要簡單操作「夜攝模式」,好簡單,就是影相時,揀「夜景」就可以。在此模式下,手機會盡量把 ISO 調得低一點,快門調得慢一點。因為本身有光學防手震及大感光元件幫助下,不是在太暗的地方,也不易因為有手震而做成成像模糊的情況。除了自動,亦有多兩個模式,包括「三腳架模式」及「極夜拍攝模式」。

c02.jpg
▲ 放大睇相關解說。
 
 ▲看看比較,開啟夜景模式,Nokia X30 5G 嘅相機都偏向用比較慢的快門或數值較細的 ISO 拍攝。好處是相片不會過份曝光,比較忠於實際環境。因為 Nokia X30 5G 鏡頭有 OIS 光學防手震及「大底」感光元件,放大來看,就算過 ISO3000 值,相片的淸晰度亦足!

 
 ▲ 更多「夜間模式」拍攝效果示範。

三腳架模式

首批買入 Nokia X30 5G 的用家,跟機都會送一支「腳架仔」。不要睇小佢,Night Mode 2.0 下的「三腳架模式」要靠佢。在「三腳架模式」下,手機會用更加低旳快門參數拍攝,你實際使用時,會見到手機要等幾秒至廿幾秒的拍攝時間不等,若你不放在腳架下,根本是做不到。但腳架模式下,夜攝的質素則有更高的提升!

j01.jpg
▲ 不要小看跟機送的腳架小禮品,腳架部份是有可轉動彎曲,方便放在不同支架上,使用上更加靈活就手。
   ▲ 這三張相,分別是一般模式、夜景及腳架模式比較。三腳架模式效果最好。

極夜模式

喺 Night Mode 2.0 下,最後一個玩意叫「極夜模式」,這不代表在沒有任何光線下都可以影到相,其實用途是在極微弱的光線下利用 AI 運算拍攝相片。有幾好玩,我就做咗一個小測試。在家 Setup 了一個環境,時間是半夜兩點,以極弱的白燈光,側面照寫在梳化上的衣物,呢個時候,用肉眼也不看得淸楚。我用了一部都是原價三千中賣價的 S 日本品牌做對比,再比較 Nokia X30 5G 用「三腳架模式」及「極夜模式」的效果。

j02.jpg
▲ 在「極夜模式」的效果,手機曝光時間,很有趣比「三腳架模式」為短。
   ▲ 由左至右:正常室內燈光 vs S 日本品牌「夜晚模式」vs X30 5G 「三腳架模式」及 X30 5G 的「極夜模式」。比拼下,可見在微弱燈光下,「三腳架模式」及 「極夜模式」效果相約,難得是淸晰度都要高,而 「極夜模式」因為不用太長的曝光時間,反而有利普通用家夜攝,真係值得多多運用。

小結:夜攝簡單易上手

Nokia X30 5G 好玩之處是影相!沒有太多花巧絕技,但一般照片如風景照及飲食照片,都拍得栩栩如生。夜攝部份,大感光元件的威力,加上 Nokia Night Mode 2.0 軟件,把本來要真係識光圈、快門及 ISO 配搭進階攝影調控,化成一個 Mode。用家只要啟動夜拍模式三招,便可扮夜攝高手了!手機其他部份,特別要讚 eSIM 功能,相信是 Android 手機界少有平價 eSIM 選擇的手機之一。有了 eSIM,你可以把旅遊 data SIM 放進去,出國照用自己 SIM 卡收不同認證 SMS (跟上面講法是相反的,無錯,真係任你點用架),或者更多其他 Android 手機無的玩法!

資料由客戶提供
 
廣告

相關產品 (1)

相關報導 (3)

普通用家都變夜攝高手!?Nokia X30 5G 評測 + 教學

普通用家都變夜攝高手!?Nokia X30 5G 評測 + 教學

[推介]夜攝效果佳不再係貴價手機專利!講緊嘅係NokiaX305G,定價僅三千中,中檔次售價卻有不錯的拍攝效能。最重要是有旗艦級嘅鏡頭,加上Nokia手機攝力生招牌–PureView拍攝,同埋全新嘅NightMode2.0,日夜攝力都交足功課。Click入睇評測!

管理員 | 2022-12-08
挑 Sony 打三星!Nokia X30 + G60 5G 上場拼鬥高性價比

挑 Sony 打三星!Nokia X30 + G60 5G 上場拼鬥高性價比

十月份Nokia推出兩款中價5G手機,都是用上五千萬像素鏡頭,相對大的電池容量及效能不錯嘅CPU。NokiaG505G同Spec比起三星及Sony更抵玩。NokiaX305G,用上三星S22同級感光元件,攝力強但價錢平二千蚊。十月十五日上場,一齊睇介紹。

Keith Yim | 2022-10-13
PureView + PureDisplay 回歸?四千有找 Nokia X30 5G 登場啦

PureView + PureDisplay 回歸?四千有找 Nokia X30 5G 登場啦

Nokia專注中低檔市場,作為Fans或者一般用家,更易入手及使用,不是更加好嗎?Nokia會在2022年第三季推出數款手機,其中X305G把Nokia手機賣點:相機PureView及屏幕PureDisplay技術帶回來?最重要售價,四千蚊有找,入手更易,詳細又怎様呢?

Keith Yim | 2022-09-01

最新新聞