千元 LG! X Cam、X Screen、K10 全部即減,堅平! 你還揀 G3 定新機! 

Keith Yim | LG
呢個宇宙,就快只有 LG 一個品牌!ePrice 版主介紹任何一款手機,都會聽到一句:何不買 G3!咁又係,一部兩年 Out Dated 旗艦,死唔斷氣仲係大舖平售二千一蚊,又無出現 G4 死底板情況,窮得一蚊一蚊咁計,部份用把口發言,兼買嘢嘅網友,要咁揀都唔出奇。不過,你窮得連二千蚊都無,其實 LG 三款手機都做緊即減,全部行 4G,部份更係中港全網通,部份更有高檔 V10、G5 嘅功能,三款都已成為千元手機!  問題係,你真係要「旗艦」先肯買,唔理係咪過晒氣?

xcamFB.jpg
 

即減四百 二千有找,LG X Cam 相機似 G5

最近一款上市嘅 LG 千元手機係 LG X Cam。你問 LG G5 係咪一部好手機,我答過好多次,係! 相機部份,最殺食係有個其他手機玩唔到,堅屈機嘅 120 度 Wide Angle 後鏡頭,可以用手機拍出很有風味嘅風景照。LG G5 就算你要玩 SE 版,版主之前講過,都要三千尾的,但除了 LG G5 SE,LG 亦推出了呢部 X Cam,佢嘅相機像素無 G5 咁高,但一樣玩雙鏡:1300 萬像素標準鏡頭 + 500萬像素廣角的二鏡,前置鏡頭則為 80 0萬像素。 五百萬二鏡提供 LG G5 一樣嘅 120 廣角效果,支援照片特效,包括 Pop-out Picture、動態相片模式 、Panorama 全景相片。LG X Cam 開賣即減四百,以  $1998 市價賣街中!平過 G3 影相好玩過 G3 你又想唔想要。

LG X Cam 用八核心處理器 (係,我專登唔講用乜 CPU,我試過,ePrice.HK Telegram 網友 YK 中過伏,立即話敗得過)、2GB RAM 及 16GB ROM,並支援 MicroSD 記憶卡。佢有 5.2 吋 IPS 屏幕,並行 Android 6.0。規格 OK 與否?

xcam.jpg
▲ 都係一出即減嘅手機! LG 喎,唔跌你都等啦! LG X cam 建議零售價 $2398,一出即減 $400!$1998 即買到! 

千元手機評測! LG X Screen 有雙芒,係咪咁好用
▲  LG X Screen 同期上市,賣 $1398,X screen 即有 V10 嘅雙屏幕功能。其他規格入門:包括 S410 CPU +HD 720p 屏幕,但都係 2GB RAM  + 16GB ROM 配置,可換電換記憶卡。行 Android 6.0。

P1080834.JPG
▲ LG K10 採用嘅 CPU、RAM、ROM 配置,跟 X cam 係一樣,但屏幕只有 HD 解像像,不是 Full HD。與此同時,香港版不是雙卡雙待。同樣地,已行 Android 6.0。

三款 LG 平價手機,你會揀邊款,還是都係揀返 G3? 
 
廣告