三星劈價潮第二彈!Moto G4 Plus 新低價,會抵玩過 HTC/LG 嗎?

左定坤 (Cho Ting Kwan) | Moto
昨日版主同大家提過,大舖 Promotor 預言三星 C5、C7 的開賣,會帶動其他品牌中階機的劈價潮,如今終於應驗了! 率先劈價的,是 HTC One X9 以及 Desire 728,雖然劈價幅度不多,但有減始終好過無減。也許是連鎖效應,很快三星帶起的劈價潮第二彈就來了! 劈價對象是 Moto G4 Plus,減完之後,又會抵玩過 HTC、LG 手機嗎? 睇下文啦!

Moto(Facebook).jpg

大舖企硬唔減?Moto G4 Plus 新低價,好抵玩?
Moto G4 Plus? 乜有減價咩? 的確,G4 Plus 在大舖係未有減價,而正因為知道 G4 Plus 在大舖一直都企硬唔減,所以版主今次想同大家分享更抵玩的入手方法-細舖。先睇番大舖的價錢先,Moto G4 Plus 在發佈時,建議零售價為 $2699,而雖然大舖都有即減優惠,但都係減得果一舊水,賣 $2599,仲要企硬咁耐唔減,真係多謝哂! 而反觀細舖,而家想入手 Moto G4 Plus,只需 $2080 就能夠入手了,同大舖相差超過 $500,識買,一定要在細舖入手! 網友覺得 G4 Plus 呢個價,抵唔抵玩?

Moto G4 Plus (衛訊).jpg
▲ Moto G4 Plus 大舖一直都係減得果一舊水,企硬唔減,令人好難買得落手,如今細舖減價 $600,入手是時候了嗎?

不喜歡 Moto G4 Plus 設計,差不多規格的 HTC A9 又會否考慮?
有些網友可能會認為,Moto G4 Plus 的外型設計不太合個人口味,咁可以睇下 HTC One A9 (32GB)。HTC One A9 (32GB) 屏幕尺寸相比 Moto G4 Plus 細啲,只有 5 吋 AMOLED 芒,跟 Moto G4 Plus 一樣配備 Qualcomm S617 八核心處理器,內置 3GB RAM 以及 32GB ROM,同樣支持 microSD 卡擴充,並運行 Android 6.0 作業系統。最重要的是,版主覺得,A9 外型上真係靚過 Moto G4 Plus,你又點睇?

不過相比 Moto G4 Plus,亦有不及的地方:首先 A9 電池容量較少,只有 2150mAh,無論佢幾省電都好,始終電量少是它的缺點。還有的是,HTC A9 的相機像素亦相比 Moto G4 Plus 低,只有 1300 萬像素的主鏡頭以及 400 萬像素的前置鏡頭,但就支持 OIS 光學防震。至於價錢方面,32GB 的 A9 目前大舖做緊「即減 $1700」,賣 $2798,就算細舖都係平多一舊水左右,但都仲係比 Moto G4 Plus 貴。網友們,俾你揀,你會揀 Moto G4 Plus 抑或 HTC A9?

A9 (32GB) (衛訊).jpg

超輕身 LG Android 6.0 新機,平過 Moto G4 Plus,又玩唔玩得過?
如果以中階機來說,LG X Cam 其實都算係一部幾好玩的手機,當然主要係講緊相機方面,二千有找有超廣角鏡頭,又買唔買得過呢?LG X Cam 而家大舖做緊「即減 $400」的優惠,賣 $1998,而細舖亦都係 $1800 左右,數字上便宜過 Moto G4 Plus,具有 5.2 吋 IPS 屏幕,機身超輕只有 120g,同樣有八核心處理器(不過係 MTK),雖然主鏡頭像素比 Moto G4 Plus 低,但如果你係中意影風景,超廣角真係一件非常有用的「利器」,而前置鏡頭更有 800 萬像素,真係主鏡同前鏡都有比 Moto G4 Plus 好的表現。但係,X Cam 除左用 MTK U 外,仲有一項致命的缺點,就係得 2GB RAM + 16GB ROM,如果拍埋 Moto G4 Plus 度,你會願意俾多一兩舊水,買 3GB RAM + 32GB ROM 的手機嗎?

LG X Cam (衛訊).jpg
▲ 大舖即減 $400 賣 $1998,細舖平一兩舊水左右。

幫你揀,比拼系統看三機不同!
以上三部中階手機,都各有特色,為了方便大家了解三款手機的不同,版主會利用 ePrice 手機比拼系統,讓大家可以一目了然!


Screen Shot 2016-08-02 at 6.31.35 PM.png
▲ 按上圖或按這裡,了解 Moto G4 Plus、HTC A9 以及 LG X Cam 三機的不同。

Motorola G4 Plus 在文章發表時,賣價為 $2599,按這裡有詳細規格及最新賣價
HTC One A9 (32GB) 在文章發表時,賣價為 $2798,按這裡有詳細規格及最新賣價
LG X Cam 在文章發表時,賣價為 $1999,按這裡有詳細規格及最新賣價
 
廣告