主題:24bit / 192kHz + 靚聲耳機! LG G2 音樂實力實測!

  • 發表時間:2013-08-27 18:24
    LG 全新旗艦機 G2 的評測,相信大家都看過不少,之前版主 Eddie 更親身到了發佈會現場作第一身實測。我想大家都對 G2 的各樣功能都很清楚,但是音樂播放的部份好像不太足夠呢!因為 G2 的其中一個賣點是有可媲美 HI﹣FI 級音響的解析力!加上隨著 LG G2  附送的 Quadbeat 2 耳機,不少用音樂愛好者,也對其音質有好大期望。所以我就趁香港發佈的機會, 用上靚音源:24bit / 192kHz 音樂,與不同靚聲耳機,看看 LG G2 在音樂播放部份有沒有驚喜之處!!
     
    24bit /192kHz + 靚聲耳機! LG G2 音樂實力實測!
     

    耳機比拼

    首先要比的就是耳機的質素!因為在網上有不少人都大讚早前推出的 LG Optimus G Pro 手機附送的 Quadbeat 耳機,有著挑戰千元耳機的實力,今次隨著 LG G2 所送的第二代 Quadbeat 耳機,已係第二代 「Quadbeat 2」(下稱 QB2)到底有多強呢? 我就即場做了一些測試,看看 QB2 進步了多少!!

    介紹一下挑戰者吧, 分別是 LG Quadbeat 第一代(下稱 QB1)和 Shure 215 (普通版)
     
    測試歌曲:蕭敬騰 ﹣ 悲愛(WAV)、A-Lin – 好朋友的祝褔 (WAV)、Linkin Park ﹣ Burn it Down (WAV)、Kolor  ﹣ 雲圖 (WAV)大家可以按歌曲的名字,到 Youtube 一邊聽歌,一邊看下邊的聽感。
     

    LG QB2 vs LG QB1

    LG QB 1 在剛推出的時候,它的表現的令很多用家驚訝,因為它有著不錯的分析力,尤其在聽女聲的時候,人聲相當突出。可惜的是低頻表現十分乏力,而且所用耳膠的設計令我在試聽的時候,經常有想跌出來的感覺。
    來到了第二代,可見 QB 2改善了QB 1 的不足。在設計上,由 QB1 的圓柱形變成 QB 2 的錐形設計,感覺好看多了。加上耳膠,即導管的部份略略伸長了,令佩戴的時候更加貼耳。在音質方面,QB 2 除了繼承前代 QB1 的高分析力之外,更加有著不錯的低頻能力。它們在播放 Linkin Park 的 Burn it Down,一首搖滾到不得了的歌曲時,效果尤其明顯。

    24bit /192kHz + 靚聲耳機! LG G2 音樂實力實測!
    ▲第一戰:LG QB1 (左)  vs LG QB2 (右)

    24bit /192kHz + 靚聲耳機! LG G2 音樂實力實測!
    ▲(右)QB 2 的耳膠導管位置有少少的向內屈,比(左)QB 1 更貼耳,舒服。
     

    LG QB2 vs Shure SE215

    接下來就要和 SE 215 作比較了。兩隻耳機在分析力的表現上表現都不錯,但在播放 A-lin 的 好朋友的祝福時,就會覺得 QB2 的人聲比 SE 215 來得前,但有一點點的粗糙,可能是未煲過關係吧!但作為隨機附送的耳機來說,效果直逼 SE 215 已經令我有所驚喜,相信煲上 500 小時之後會有更好表現吧!!

    24bit /192kHz + 靚聲耳機! LG G2 音樂實力實測!
    第二戰:Shure SE215 (左) vs LG QB2 (右)
     

    LG QB2 戴感小評: 性價比很高

    以 in-ear 的耳機來說,雖說SE215 的勾耳式設計是最好的,但因為 LG  QB 2 相對 LG QB 1輕一點點,而且在設計上亦相當貼耳。我用了 LG QB2 接近半小時都沒有覺得不舒服或者想掉出來的感覺,質素相當不錯!而且音質可以和市面可買到的入門級靚聲耳機一比,性價比極高!!
     

    小驚喜:推到神級耳筒 HD25-II

    今日我亦帶了級耳機 HD25- II 來作對比,LG G2 竟然可以推到 HD 25-II ,雖然要把音量調高 3 – 4 級才可以達到我平常用的水平,其實和最大音量只差 1,2 級。但以手機來說,G2 的推力已經是非同小可的。但因為不忍心用這牛刀來殺雞,所以就不用 QB2 和 HD 25-II 作比較了。

    24bit /192kHz + 靚聲耳機! LG G2 音樂實力實測!
    ▲ G2 竟然可以用到 HD 25-II,雖然要用上較大的音量。
     

    24bits / 192kHz 播放大解構

    LG G2 的其中一個賣點就是它可以播放到 24bit / 192kHz 的音樂檔案。說真的,一般人要找到這種級數的音源已經是件難事,即使由 CD 中頡取的 WAV 檔,解析度最高都只是 16bit / 44.1kHz 。所以一般用家很少機會接觸到這麼高解析度的音樂檔。所以我唯有用 LG G2 預載的兩首 Demo 歌曲,來感受一下它 24bit / 192kHz 的威力。我用了 G2 內置的音樂播放器配上跟機送的 LG QB2 來試聽一下同一首歌曲的 mp3 版和 FLAC 版,發現FLAC 版的確可以聽到更多的音樂細節,但 QB2 耳機 和 LG G2  手機始終不是 HIFI 級的配置,可以聽到的就只有這些。另外我試了用 Poweramp 來播放這 24bit / 192kHz 的FLAC 檔案,發覺是不支援的。所以各位 G2 的用家只可以用那個相對簡單的內置音樂播放器來聽 24bit / 192kHz 的音樂吧(前提是有音源)。

    24bit /192kHz + 靚聲耳機! LG G2 音樂實力實測!
    ▲發佈會上講解有關 G2 可以用上 24bit / 192kHz 的好處。


    ▲ LG 產品經理 Teddy 講解 LG G2 音樂部份的賣點

    24bit /192kHz + 靚聲耳機! LG G2 音樂實力實測!24bit /192kHz + 靚聲耳機! LG G2 音樂實力實測!
    ▲如果播放高解析度的音樂會顯示 HIFI 的圖樣。(右圖左上角藍色的 logo)
     

    單挑 SONY Walkman!

    把  LG G2 的各種音樂播放器能力分析比較之後,如果要和一部真正的音樂播放器來比較,到底誰勝誰負呢?我出動了私伙的 Sony Walkman A865 來跟它比個高下! 我關閉了等化器來試聽了上面那四首歌曲 。發覺兩部機的聲音都是比較冷,聽久了很容易厭倦。

    推力方面,Sony Walkman A865 稍稍比 LG G2 高一些,以推 HD 25-II 為例,A865 大概用 75﹪ 的音量就可以,但 G2 就要用到接近最大聲才可以。

    而在容量方面,32 GB 版本的 G2 可用容量有 24GB 左右,如果全部歌曲都是用 CD 頡取而得的 WAV 檔(16bits / 44.1kHz),以大約50MB 一首歌來計,仍然可以放到四百多首歌,我個人認為足夠應付日常聽歌的需要了。

    24bit /192kHz + 靚聲耳機! LG G2 音樂實力實測!
     

    小結: LG G2 音樂播放效果有驚喜

    說真的,不管是 LG QB2 vs Shure SE215 還是 LG G2 vs  Sony Walkman A865  的比試中,LG G2 播放的音樂表現都是絕不會失禮。我想它絕對可以為音響發燒友提供一時的娛樂,更可以給一般用家驚喜!

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • LG G2 (32GB)
    • 現時售價: 已下市
    • 尺寸: 138.5 x 70.9 x 8.9 mm / 143 g
    • 電池: 3000 mAh
    • 插卡:
    • 螢幕: 1080 x 1920、 5.2 吋 IPS TFT
    • 相機: 1300 萬像素CMOS
    • 顏色: 黑/白/金
    • 時間: 通話 1656 分鐘
    • 上市: 2013-09-19
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • 無 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    熱門討論▼
    • buk
    • 帳號:
    • 發文:228
    • 經驗:825
    發表時間:2013-08-28 04:32
    其實我想講,部機食到24bit@192kHz唔等係靚聲,呢個想法係唔多正確,呢個對影響音質不是最大關係
    最主要係硬件,睇用咩既sound chip,其實LG有冇講過呢方面既資料...??想睇下佢係聲方面用左D乜

    例如好似國產步步高部vivo xplay,有獨立既chip作解碼,再加opa2604,唔同型號opa有唔同特性,簡單d講係用來較聲,咁既用料,出來音質一定唔會差得去邊,好聲唔一定要食24bit@192kHz,就算播320 Kbps既mp3,用se215耳機,其實表現都唔會點差,本身聲音既特性仍然係度,而320 Kbps loss左既野,本身係24bit@192kHz中,人耳或隻耳機未必可以還原到出來聽得到,有時可能會有心理影響,更係覺得24bit@192kHz係好聽d,其實你可以試下做AB TEST,搵人分別比兩首一樣既歌,而解析度唔一樣,冇得你睇,淨係齋聽,得閒可以試試

    同埋唔好以為用高質素高價既耳機就一定會好聲,亦可能有反效果,同埋夠唔夠推亦係原因,配合先至重要,千其唔好頭大身細,個人認為以手機黎聽歌,$600內,或者se215以下已經好夠

    所以最後都係個句,靚聲冇一定標準,最緊要自己岩聽,岩自己口味就叫做好聲靚聲
    如果你真係要問點先叫靚聲..?我個人覺得其中之一係要耐聽,聽好耐都唔會覺得攰

     
    02樓 ▲TOP 回列表頁
  • 發表時間:2013-08-28 08:50
    buk說:
    其實我想講,部機食到24bit@192kHz唔等係靚聲,呢個想法係唔多正確,呢個... 恕刪
    其實我十分同意網友你的說法 icon

    此外,LG 沒有說明支援 24bit / 192KHz 的技術詳請,大約是 Qualcomm 跟 Google 合作才可以。這也是真,因為 Andriod 手機裡,Qualcomm 晶片主管了音效輸出部份。但現在似乎最大問題是:在那裡有 24bit / 192KHz 音源作品可以聽得到,RIP 也 RIP 不容易。iconicon
    多謝支持 ePrice.HK
    03樓 ▲TOP 回列表頁
  • 發表時間:2013-08-28 12:23
    buk說:
    其實我想講,部機食到24bit@192kHz唔等係靚聲,呢個想法係唔多正確,呢個... 恕刪

    原來 ePrice 有唔少音樂高手喺到iconicon

    支援 24bit@192kHz 呢個解析度,其實我個人都認為噱頭意味係比較重。情況就似相機像素多少一樣,高像素唔代表一定好。但會唔會令人有誤解,就要睇下佢地之後點宣傳。

    用咩晶片呢,版主 Keith 亦答左,冇官方資料。icon

    至於耳機方面,QB2 有好亦有唔好,但作為手機配件真係超班。講到底,用手機聽歌主要都係解悶,所以投資太多亦唔值得。當然我亦覺得,如果想真正要欣賞音樂,應該係留喺屋企,用套好音響去慢慢品嚐。iconicon
    04樓 ▲TOP 回列表頁
    • unclechak U11 80分droid turbo90分 艾瘋SE90分
    • 帳號:
    • 發文:1085
    • 經驗:2036
    發表時間:2013-08-28 14:28
    buk說:
    其實我想講,部機食到24bit@192kHz唔等係靚聲,呢個想法係唔多正確,呢個... 恕刪

    cannot agree more~
    最好等G2,VIVO X3 (chip好似仲勁過xplay) 兩部出左之後比一比 icon
    不過兩部都冇得插卡, 好反智...
    05樓 ▲TOP 回列表頁
    • Eddie http://anserbridge.info
    • 帳號:
    • 發文:2575
    • 經驗:7831
    發表時間:2013-08-28 17:21
    unclechak說:
    cannot agree more~最好等G2,VIVO X3 (chip好似仲... 恕刪

    而家我買 DAP 如果唔支援 64GB 卡我都唔諗……
    06樓 ▲TOP 回列表頁
  • 發表時間:2013-08-29 10:43
    Thanks!
    07樓 ▲TOP 回列表頁