【行場報價】$2,600 入手係咪抵玩?!LG G2 行貨、水貨齊齊減價!

Eddie | LG
而家旗艦機一年唔使就變「舊款」,也是一種常識吧!眼見住 HTC One 、 Galxay S4 等旗艦漸漸退出前線,上年 8 月發佈的 LG G2 的後繼機款似乎就快要發表。事關係今個月底 5 月 27 日、 28 日 LG 又會有一個大型的發佈會,應該就是傳聞中的 LG G3 啦。係呢個時侯, LG G2 官價同埋水貨都跌左價,最平 $2,600 可以入手你地又會唔會考慮入番部?

//timgm.eprice.com.hk/hk/mobile/img/2014-05/09/176854/unrealandy_3_4531_9dffb77dae13f3e8ea9ca9cb91515643.jpg
 

LG G2 行貨大鋪賣 $4,298 起!16GB 貨量不多 顏色唔齊!

版主都有一段日子沒跟大家報導過 LG G2 的價錢了,這部旗艦手機相對於去年接近時間推出的 Sony Xperia Z1 、 Samsung Galaxy Note 3 等,跌價幅度是比較大的。就以 16GB 版本為例,開賣時它的定價是 $5,498 ,現在定價只是 $4,298 ,跟 Sony Xperia Z1c 價錢一樣;而 32GB 方面定價貴 $400 賣 $4,698 ,亦比起其他旗艦機來得便宜。聽大鋪的店員講 16GB 的 LG G2 減價之後幾受歡迎,畢竟用這個價買到 FHD 屏幕和 S800 的旗盤組合,除它和 Nexus 5 也沒太多其他選擇了吧。問到幾間鋪都係只得番白色、紅色,想要黑色的或者要多走幾間。

今時今日睇番 LG G2 的規格好像沒什麼亮點, 5.2 吋的 FHD IPS 屏幕、 Qualcomm S800 2.26GHz + 2GB RAM 、16GB/32GB 容量並不設插卡, 1300 萬像素 O.I.S 鏡頭和 200 萬像素前鏡頭、 3000mAh 電池,如果要說性價比的話 Oppo Find7a 各方面都好像比它略勝(價錢還不到 $4,000,還有兩年保養),就麻煩在要上網訂購和等到貨吧。曾經用過 LG G2 一段日子的我認為它的賣點在 Rear Key 的設計和窄邊框方面,另外論續航力它亦有著相當好的表現,即使推出了一段日子也是相當好的一部手機。

//timgm.eprice.com.hk/hk/mobile/img/2014-05/09/176854/unrealandy_3_4531_19fe859d4e132277164c590fd01998c9.jpg
▲歐洲水貨的 LG G2 最平去到 $2,600 有交易,歐水店方說支援香港 4G LTE ,大家入手前要睇清楚係咪支援 1800/2600 MHz 頻譜,當然也要測試一下上網速度。

//timgm.eprice.com.hk/hk/mobile/img/2014-05/09/176854/unrealandy_3_4531_695d5c31af65bb128dd15e8bedd032ba.jpg
▲韓水 LG G2 定價大約 $3,400 ~ $3,500 左右,某些店鋪是跟兩電,亦支援外置插卡,這是 LG G2 韓水比起行貨受歡迎的一個原因,大家同意嗎?(當然價錢也是重點)
 

LG G3 月底即將發佈?場內二手 G2 多選擇!

之前虎仔同大家分享過 5 月底 LG 將會有一個大型的發佈會, 雖然沒有說清楚是發佈哪一個產品,不過根據大家的預計和流出圖片,發佈下一代旗艦 LG G3 的可能性實在是相當大。傳聞新機將會採用 5.5 吋 IPS 2K 解像度屏幕,不但有著 538PPI 的超高銳利度,邊框也可能做得相當窄。至於會不會用到 Qualcomm S805 處理器?更強的光學防手震鏡頭?進一步強化音效表現?一切都要等到月底的發佈會才知道。

講開又講,版主在先達場內亦見到有好多二手放售的 LG G2 ,最便宜由 $2,300 就開始有交易,當中有港行、韓水、歐水甚至連台水都有。老老實實,其實放得出黎二手大家都唔好抱太大期望,同埋要更加仔細去檢查過手機有沒有瑕疵先好入手,同埋就算寫到明係港行都未必有保養(天知道有沒有人為損壞?),值唔值得入一部玩就真係見仁見智啦。不過而家 LG G2 的「全新行貨」好似愈來愈少,是因為沒有人劏機嗎?有朋友表示不到 $3,000 的價位會考慮入手來做後備機,其他網友又點睇呢?留言講講意見啊。

​硬膠機身?換電插卡?LG G3 傳聞大集合
▲傳聞是 LG G3 的真機圖,可以看到仍然採用了 Rear Key 設計,屏幕比起以往看起來更大了,也有機會是採用 QHD 2K 解像度屏幕(版主是看不出差異的人,不知道有冇網友執著這一點)

//timgm.eprice.com.hk/hk/mobile/img/2014-05/09/176854/unrealandy_3_4531_7d2d3c7439300444e351e72b1606bb77.jpg
▲ 場內都有唔少人放 LG G2 ,無論韓水、港行還是歐水都有,大家入手之前要睇清楚係咪支援多頻 4G LTE ,當然係咪新淨,仲有冇保養就因機而異啦,不過我諗大家考慮得二手都唔會睇咁多吧?

文章刊出的時侯, LG G2 (16GB)的定價是 $4,298 ,按此看最新賣價和詳細規格。
文章刊出的時侯, LG G2 (32GB)的定價是 $4,698 ,按此看最新賣價和詳細規格。
廣告