外型篇
HTC One A9 似 iPhone 6，係咪咁似？係呢到先用官圖去比較一下。至於，關於 HTC One A9 外型評價，我係上一篇嘅 Hands On 講左好多，我不重復。
▲ iPhone 6 vs HTC One A9 嘅官圖。
▲ 網上瘋傳 HTC One A9 抄襲 iPhone 6 嘅 GIF，但留意下，被改裝成 A9 嘅 iPhone 是沒有把環狀天線裁走，跟真實嘅 A9 係有別。
跑分篇
今次版主收到嘅 HTC One A9 係：2GB RAM + 16GB ROM 版本。跑分可以告訴你好多野，包括效能嘅。HTC One A9 用上 Qualcomm S617 處理器，六字頭表示不是最高效能嘅型號，跑分亦會話到比你知，係呢方面，沒有奇蹟的。但大約我地可以知道，S617 係 HTC One A9 嘅效能，會比用 S615 配 16GB ROM ／ 2GB RAM 嘅 Sony M4 Aqua 相約。測試 GPU 嘅 Basemark ES2.0，A9 始終是 Full HD 芒，跑分就連 40fps 都無，若大家要玩重度遊戲，HTC One A9 會無咁順嘅。(註：我發覺台版嘅 A9 係 AnTuTu 分數跟版主 Keith 嘅跑分有大嘅落差，版主 Jason 及係另一個 Mobile01 嘅開箱文，A9 都有四萬嘅 AnTuTu 跑分，但佢地型號叫 A9u 我個部叫 A9，似乎 跟軟件優化有關，台版貨機，優化得更加好。而 4 萬分跑分的確比起 S615 好，亦接近 S800 跑分成績。)
▲ 版主 Keith 手上嘅 A9 跑分。
▲ 留意中間圖，2GB RAM 平均都有 741MB 給多用家使用。而最右的圖片是 Geekbench 3 Battery test，佢會模擬手機用上 70% CPU 效能去 Run 部手機，結果由100% 電池去到 0%。5小時 22 分鐘成續不是好好，之前版主 Keith 測嘅 And A1 低檔機做到接近十小時。但五小時成績，已係其他上 3000mAH 容量機種嘅成績，例如 Sony Xperia Z3+。到底只有 2150mAH 嘅 A9 電量係點，下文會有更詳細結果。
▲ Basemark ES2.0 得出嘅 37.47fps 成績，最高為 60fps，代表運行 3D 遊戲時效果。37.47 是中上嘅成續。
發熱篇
自 S810 CPU 傳出會令機身爆熱後，大家似乎好緊張手機會成為暖蛋。HTC One A9 採用全新 CPU，會否又係熱爆一份子呢？我地有兩個測試：首先用 mytv app 係 wifi 情況下播片，開著揚聲器，在十分鐘左右，再用 CPUz 睇機身溫度。另一個，以 3DMark Test 連續 10 分鐘跑 Icestorm Unlimited 嘅跑分，結果係....
▲ 連播十分鐘嘅 mytv 視頻測試，以 CPUz 測到機身約 43 度左右。
.
▲ 跑了 3D Mark 十分鐘，A9 嘅機身溫度也是 41 度左右，沒有顯著提升。
音效篇
HTC One A9 有幾個別人都有，但今次係 HTC 手機，終於被 Highlight 功能，其中一個就係支援 24bit / 192KHz 嘅 Hi-res Audio。唔講唔知，關於支援 24bit 歌曲播放，係 M9 起已造得到。係 Qualcomm CPU 手機裡面，會用 Qualcomm Immersive Audio 技術去解碼。而 HTC One A9 則有自己嘅 DAC，音量輸出亦比普通手機為大。我不懂把音質變為數據，呢一 Part 唯有分享聽後感。我沒有什麼 Hi-Res Audio 耳機，不過以只係二百蚊貨仔嘅入耳式耳機去作測試。HTC One A9 與 M9 其實一樣係耳筒裡面，出到 24bit 高清歌嘅音質，效果跟 LG V10 係一樣 （V10 係不是 Hi-Res 耳機下，都一樣用 Qualcomm Immersive Audio 作解碼) ，而採用 MTK CPU 嘅 M9+，只支援播放，出不到高清音質。單以普通入耳式耳機作測試， A9 比起 LG V10 有更大嘅推力 (即指可調教最高量，係非 Hi-Res 耳機下 A9 比較大)。而 A9 與 M9 比較，播放 24bit 歌曲時，音質相約，但以 A9 比較優，但效果不顯著。給一個耳機控嘅朋友作比拼，佢用 Apple Earpod 作測試，他說 HTC One A9 嘅聲底，係播放 24bit 音效時，終於跟 Samsung 手機拍得上了。他覺得 A9 係 Apple earpod 耳機下，效果與 V10 各有千秋。
至於大家好介意嘅 HTC One A9 取消了Boomsound 前置揚聲器嘅問題，版主都好介意。 Boomsound 的確令手機揚聲器聽歌時，享受到環迴音效，但 A9 變為一個揚聲器，播歌效果又會否好差？我地用盲測方式，找了兩部機作比較，下面先去片，片尾再開估。大家又可評論下，呢個音效，接唔接受到。
▲ 大家覺得，係頭段好聲，定尾段好聲？來自不同嘅手機，大家覺得 HTC One A9 是頭或是尾發出來呢？
電量篇
呢一 Part 係電量：HTC One A9 得 2150mAH 電池！有人評批，佢地用緊 HTC One ME、HTC One E9+ 充電慢又用電快，A9 得番 2150mAH 電池，點用？以下幾張圖，可以給你答案。簡單來講，2150mAh 係 A9 裡面像加了法術，但沒有奇蹟。你可以係如此細電量嘅清況下，做到如 M9 約 2850mAH 電池嘅使用量，我指是一般中用量環境，夠你用到一日約 12 小時不充電嘅需要，而唔駛開省電模式。若你係咁打機，睇片，個芒要成日著，細電沒有奇蹟，你都係要帶外置充電器。HTC One A9 嘅法術，就係 Android 6.0，係個低用量嘅情況下，真係好鬼慳電。
▲ 呢三張 screenshot 紀錄三日不同嘅電池用量。最左開始，第一張，由下午九時半左右，可以用到去另一日下午五時，差不多二十小時嘅使用時間，當中無關過手機及 WiFI 網絡。咁誇張？其實當中，晚上十一點至早上七點左右，係版主訓覺時間，專登不關閉手機。係 Android 6 下，不用任何設定，手機幾乎不用電。我記得大約只是花了2% 電量。
之後兩張，就係版主嘅生活使用量，行動網絡全開，行 4G，有少量相機用量，喚醒及屏幕已開嘅情況都算係頻密，大約用到 12 小時。版主有一日花更多時間係 Facebook Messenger 上，使用時間會降至十小時左右，以 2150mAH 電池量，係好新奇的事。
▲ 今次測試是當 A9 只有 4% 電量下，以 mytv app 以 wifi 網絡播片，播到部 A9 無電為止，播了 27 分鐘。即係睇 27 分鐘 streaming，只用 4% 電池用量，合理嗎?
▲ 用 HTC Quick Charge 2.0 叉機去充 A9，半小時可以流約 47% 電量。係 Quick Charge 2.0 規格上，是合格的半小時充電成績，而過程中，當手機可以開著個陣，我都已開著，並連上電話及 WiFi 網絡。
▲ 用 Quick Charge 2.0 充飽 A9 要 95 分鐘左右，即係個半鐘左右，跟 Samsung Note 5 跟機快充，滿飽 Note 5 要用嘅時間相約 (當然 Note 5 電量亦大好多)。版主沒有 HTC 跟機送嘅 5V/1.5A 充電器，但有 5V/1A 充電器，發覺慢速嘅充電器，也只需約 2 小時 10 分鐘左右，差得飽 A9。
相機篇
HTC One A9 嘅相機規格與功能，對比起近期推出嘅手機，不能說令人留下深刻印像。後置鏡頭採用 Sony IMX214 感光元件，最大光圈值為 F2.0，可以拍出 1300 萬像素相片，而今次加入 OIS 光學防手震，減低拍攝暗黑環境時的影響。但講到天下無敵都無用，成像效果才是最關鍵，最好還是來過比拼吧。以下就是 HTC One A9 跟兩個對手嘅實拍比較，對手型號我就唔開名住，只可以話，一部係近來以攝錄為賣點，勁多人追捧；另一部係之前被形容為地底泥嘅型號。我地全部用自動模式來拍攝。本著社交網絡無爛圖嘅神話，比拼第一關，只提供 16:9 嘅縮圖比較，大家估下邊張相，由 A9 拍出來。我地會係文章刊登兩日後，再更新可以原圖放大嘅圖片，等大家再評下。第一組
這組在 24/10 黃昏時拍下，今次我們把對焦點都點著了太陽，測光令相片變得比較暗，好有黃昏感覺。咁樣，究竟圖 A、圖 B 或 圖 C 先係由 A9 拍出來？你又最喜愛邊幅圖呢?
▲ 圖 A
▲ 圖 B
▲ 圖 C
第二組
三張近拍花朵，影花都不少人的喜愛吧。咁樣，究竟圖 A、圖 B 或 圖 C 先係由 A9 拍出來？你又最喜愛那幅圖呢?
▲ 圖 A
▲ 圖 B
▲ 圖 C
第三組
測試特寫拍攝，前清後模糊的效果，究竟圖 A、圖 B 或 圖 C 先係由 A9 拍出來？那張圖又有最好效果呢？
▲ 圖 A
▲ 圖 B
▲ 圖 C
第四組
呢組圖比較特別，係由一張 Wide 相，Crop 出來。以 A9 為例，最大解像度都去到千三萬像素，好多都會用 Crop 相來處理拍出來嘅效果咁樣，究竟圖 A、圖 B 或 圖 C 先係由 A9 拍出來？Crop 出來嘅效果，邊張又最好呢?
▲ 圖 A
▲ 圖 B
▲ 圖 C
第五組
這組在 24/10 黃昏時拍下，今次沒有了太陽 （因為係東邊呢) 對焦點係天空。咁樣，究竟圖 A、圖 B 或 圖 C 先係由 A9 拍出來？你又最喜愛那幅圖呢?
▲ 圖 A
▲ 圖 B
▲ 圖 C
第六組
相機食先！話時話，呢味菜，賣相 OK 喎，好有層次感。咁樣，究竟圖 A、圖 B 或 圖 C 先係由 A9 拍出來？你又最喜愛那幅圖呢?
▲ 圖 A
▲ 圖 B
▲ 圖 C
第七組
夜攝好重要！試全黑嘅環境，旨在用極端方法去解釋，我地今次用街景作示範，有黑也有光地方，最重要係，你同我都機會係呢 D 情景嘅地方出現。咁樣，究竟圖 A、圖 B 或 圖 C 先係由 A9 拍出來？你又最喜愛那幅圖呢?
▲ 圖 A
▲ 圖 B
▲ 圖 C
上面的圖是要㺓的，下面全部都是用 HTC One A9 影出來。除了特別註明，就係全自動模式下拍攝了。
▲ 一間懷舊嘅茶記。
▲ 一間懷舊嘅茶記。
▲ 近距拍食物。
▲ 高空拍攝樓下公園。
▲ 近鏡拍小貓 BiBi。
▲ 勁暗的環境。
▲ 打月。
▲ 再打月。
▲ 背光。
▲ 16:9 花朵。
▲ 夜路。
▲ 小貓在左，另一隻在右。
▲ Pro 模式下拍攝的。
▲ Pro 模式下拍攝的。
▲ 夜攝加閃燈
▲ 夜街。
▲ 夜街。
小結：A9 造工最正
第一收到 HTC One A9 版主 Keith 係深深愛上，首先說明，測試手機不用買，所以我沒有錢呢部份嘅考處。可以咁講，HTC One A9 係 HTC 眾多手機中，造工最好的一部，什麼明明推出被人鬧，後來成為神機嘅 M7、仲有一般都覺得四百萬相機唔夠用嘅 M8，我覺得都唔及 A9 呢部咁好手感。似 iPhone 嗎？我覺得係似，但都好有 HTC 嘅感覺。操作上，我會覺得 S810 + 3GB RAM 機種會玩得爽快一點，但又不代表 A9 會 Lag 機。但 M9 又重一點、大一點。M9 與 A9 音效打平手。相機呢？我覺 IMX214 拍出來跟東芝鏡頭拍出來跟本係互有長短，而 A9 會稍為好一點。至於對於其他品牌，點揀好？我不會視什麼 LG V10、Samsung Note 5, Sony Z5 為 A9 對手，因為怎樣也會貴過 A9。大陸品牌 sorry，版主眼中，不能做主機。但要揀的話，可能 Nexus 5x 會比較好，但未玩過，效果真係唔知。至少 Nexus 5x 不是金屬機，但又用好少少嘅 CPU。傳聞 A9 香港版會係賣 HK$4398，減左價嘅 M9 三千尾有得入手，A9 是好機，意思是外型；手感一絕，功能點到即止，無驚喜，但好用，無投訴，但無超越。平到三千尾，會係好完美嘅入手點。
盲測一：外放揚聲器，首先是 OnePlus 2，之後才是 HTC One A9。
HTC One A9 係文章發表時，香港上市時間未定。按這裡有詳細規格及最新賣價
![[圖集 + Hands On ] 三千中搶 iPhone? 錯! 係 HTC One A9](http://img.eprice.com.hk/img/news_hk/15116/large.jpg)