SmarTone 大劈價! LG、三星、HTC 有份! $2000 有找入手旗艦機

Keith Yim | 數碼通
若果版主唔係主理 ePrice.HK,我估我買手機嘅 Budget,都係二千蚊左右。二千蚊有找,會有好機嗎?只要你唔係買首輪新機,都可以有! 尤其近年手機技術突破性有限,今年與上年型號,其實都一樣夠用! SmarTone 網店即日玩大清貨,HTC 與 Samsung 都有抵貨! LG 旗艦直減三千七,$2000 入手! 買淨機仲送一年「爆芒換新」咁正?點先買到?



fb01.jpg



相對 CMHK、3 香港,SmarTone 嘅網店唔係好吸引,好多大舖減緊價嘅手機,佢地都用原價賣,想像唔到有乜理由要係佢地網站買手機囉?不過咁,佢地耐不耐都有隱世優惠,隱世意思係,佢地未必大力推廣 (大力推廣個D,  又唔係好抵,$88 限速無限上網 Plan 就係,不如街霸直接減價,按呢到知詳情)。呢期佢地有三部機在優惠減價中,包括了三星、LG、HTC!



a03.jpg

▲ 先講講 Samsung。三星呢排谷「屈機」C 系,點屈機法,我哋有專稿講解過 (按此了解更多) 。其實另一個 A 系列,其實都好「屈機」,但當中嘅 A8,就沒有了 2016 版本,所以 Samsung 今次減價嘅,就係 Samsung Galaxy A8!呢部 A8 規格唔差嘅,佢跟「屈機」王 C7 一樣,用上 5.7 吋 S-AMOLED Full HD 屏幕,都係同款嘅 F1.9 大光圈 1600 萬像素相機,只係前置鏡頭稍低,變為 500 萬像素,都係用上纖薄金屬機身設計 (邊框)。當然,C7 用新一代 S625 CPU、4GB RAM + 64GB ROM,比起 A8 S615 CPU、2GB RAM + 16GB ROM 會差一點,但價錢都差千三蚊喎!不過咁,A8 真係幾舊,係 ePrice 記錄上面,上市已超過一年,最平 3 仔試過限時限量減過至 $1598,所以 $1980 呢個價,未算最抵。



a02.jpg

▲ 講到抵?LG G4 應算係,呢部機,係大舖仲做緊 $2998 嘅時候,SmarTone 幫忙清貨減一千,比起初推出陣,更直降三千七!  LG 嘅機幾「屈機」我真係唔駛多講,都唔想多介紹。只係 G4 嘅壞底板事件,可能另大家卻步就是了。SmarTone 網店上面,LG G4 有三款顏色揀 ( 只有啡、灰、紅) ,另外,佢地只賣單 SIM 卡版,單 SIM 卡版支援更多 LTE 頻段,若你有去非中國大陸嘅需要 G4 可能比較合適。



a01.jpg

▲ 版主之前講過 csl 已唔賣 HTC 手機,外間反應好大 (Click 呢到睇埋網友 Comment) 。不過,SmarTone 無咁做,幾款係網店賣緊嘅手機,都用貴過大型連銷店嘅售價賣緊。不過,佢地開幕嘅頭炮,減 HTC One A9,又出動,今次都係減到 $1980。不過,今次只係減 16GB ROM +2GB RAM 版本。與 Samsung Galaxy A8 相比,若果你唔介意佢只係 5 吋芒機,我一定會叫你揀 HTC One A9,因為佢完美示範了 Android 6.0 係新一代 Qualcomm CPU (S617) 下,點樣做到慳電嘅效果,大家還記得 Andrew 嘅 2150mAH 電,怎樣擊倒 3000mAH 電手機嘅電池效能。由 HTC One A9 起,打後好多機都好慳電了!  HTC One A9 跟本係一部示範作。讚得太多了!  HTC One A9 16GB 版本賣 $1980 抵唔抵? 早前版主行過場,細舖都做緊 $2298,所以 $1980 係呢一刻都叫最平,問題好多網友,應好介意佢得 2GB RAM。



SmarTone 網店,按呢到



 
廣告