行貨 S801 手機兩千有交易!2015 旗艦你仲買唔買?

Lawrence 2015-03-03 18:24 | Asus
係 MWC 2015 Samsung 同 HTC 推出新一代旗艦機之後,唔少朋友都大感失望,覺得 Android 機都係揀返中價機算數。咁又係嘅, HTC One M9 一成不變又無大進步Galaxy S6 規格大升級但價錢都未必平。係呢個情況下平價兼用 Qualcomm S801 手機可能係個唔錯的選擇,最近就有部行 S801 的行貨機賣價兩千唔洗就有交易,想知邊部就睇下文啦!

//timgm.eprice.com.hk/hk/mobile/img/2015-03/03/201267/lawrencelaw_1_4543_cc0d86bc1dd13468ecad84afb9158cdf.jpg
▲ Asus 的 Padfone 大玩平板手機二合一,但兩千蚊就只係買到手機咋,平板要另外買

FHD 芒 + Qualcomm S801 !Asus Padfone S 率先跌破二字頭

講緊可以做到兩千唔洗就買到的平價 S801 手機就係 Asus 華碩的 Padfone S 啦!其實呢新機係上年 10 月正式開賣時售價就已經好吸引,只係 $2799 ,三千都唔洗。其實,從規格而言 Padfone S 而家睇返仍然係不錯㗎!有 5吋 1920 x 1080 解像度屏幕、Qualcomm S801 2.3GHz 四核心處理器、2GB RAM、 16GB 容量(支援最大 64GB Micro SD)。相機方面都有 1300 萬像素主鏡頭和 200 萬像素前鏡頭,內置 2300mAh 電池。

//timgm.eprice.com.hk/hk/mobile/img/2015-03/03/201267/lawrencelaw_1_4543_cbb636278e12cacd5610c92ef310b775.jpg
▲ 本身版主仲滿心期待諗住唔用信用卡都可以兩千樓下入手 Padfone S ,雖然最後都要 $2050 ,但呢個價位也不錯啦。

Asus Padfone S 規格唔差,但想不到事隔幾個月就做大減價。最近有大鋪就做緊信用卡優惠,由本身定價的 $2799 大減到 $1998 就有交易。相信有朋友一定會話信用卡優惠都報有無搞錯,所以版主就落左兩間門市問問如果無中銀信用卡有無得平,答案係一樣有,而且都好吸引!如果用現金或者其他信用卡買機只需 $2050 就買到,雖然就過左兩千蚊呢個吸引的價位,但老老實實,行貨機又有 FHD 屏幕加 S801 兩千頭搞得掂都相當吸引呀!icon

Asus 以外的選擇?中港4G  HTC One E8 同 One Plus One 價位 $3000 樓下

如果對 Asus 手機無興趣又想平玩 S801 行貨機的朋友又有無其他選擇呢?都係有嘅,不過選擇就比較少了。首推的會係版主 Eddie 都分享過的 HTC 的 One E8 ,呢部機本身規格同 HTC One M8 比唔差得多而且更重要係支援中港 4G ,頻段齊全 FDD LTE Band 1 (1800) / Band 7 (2600);TDD-LTE Band 38/39/40/41;TD-SCDMA 3G 1900/2100 及 WCDMA 850 / 1900 / 2100MHz 有齊,只係無雙卡咁解,規格上又係有 FHD 屏幕同用緊  2.5GHz 的 Qualcomm S801 四核處理器兼有 BoomSound 。不過價錢來講就未及今次主角 Padfone S 正,大鋪要 $2998 。另一部三千樓下有找的 S801 行貨機就係 One Plus One 了,目前香港官網 16GB One Plus One 賣價 $2559 而 64GB 版本就 $2999 。

分享完兩千有找的 Padfone S 又提過價位較平的 S801 行貨機,唔知大家會否心郁郁平玩 S801 ,定係一條心等今年旗艦推出享受頂級規格呢?大家快啲留言講下意見啦!icon

//timgm.eprice.com.hk/hk/mobile/img/2015-03/03/201267/lawrencelaw_1_4543_26bd2f8720a3a9efec2d13922a21a85d.jpg
▲ 如果經常往返大陸, HTC One E8 可能會比 Padfone S 適合了。


//timgm.eprice.com.hk/hk/mobile/img/2015-03/03/201267/lawrencelaw_1_4543_f318935440199ff0269c342b825c6477.jpg
想玩埋 Android 5.0 的話, One Plus One 會係可以一試之選,因為傳聞呢部機快將升級啦。

在文章發佈的時侯,Asus Padfone S 定價 $2,050 ,按此看詳細規格和最新賣價。
在文章發佈的時侯,One Plus One  定價 $2,559 ,按此看詳細規格和最新賣價。
在文章發佈的時侯,HTC One E8  定價 $2,998 ,按此看詳細規格和最新賣價。

相關產品 (1)

相關報導 (4)

行貨 S801 手機兩千有交易!2015 旗艦你仲買唔買?

行貨 S801 手機兩千有交易!2015 旗艦你仲買唔買?

係MWC2105Samsung同HTC推出新一代旗艦機之後,唔少朋友都大感失望,覺得Android機都係揀返中價機算數。係呢個情況下平價兼用QualcommS801手機可能係個唔錯的選擇,最近就有部行S801的行貨機賣價兩千唔洗就有交易,想知邊部就睇下文啦

Lawrence | 2015-03-03
魅族 MX 4 好賣到斷市?! $2,500 抵玩強機又有乜選擇?

魅族 MX 4 好賣到斷市?! $2,500 抵玩強機又有乜選擇?

整個九月、十月大家既目光都放左係Apple既iPhone度,睇都睇到有點悶了吧?不如同大家講一部性價比幾高既手機魅族MX4。之前佢地公佈定價$2,298起,以這個定價買到FHD等級的屏幕、八核處理器和4GLTE功能,市面上難以找對手吧!好可惜呢部機開賣左幾日就已經斷市買唔到,唔通好似iPhone咁一機難求?

Eddie | 2014-10-09
達人分享好用途!三千有找 ASUS Padfone S 性價比 4G 機王

達人分享好用途!三千有找 ASUS Padfone S 性價比 4G 機王

網友體驗日,主角多數是旗艦手機。今次也不例外,ASUSPadfoneS是他們繼平價Zenfone系列後,最重點之作。不過,這次用上最高規格的手機,卻是中價手機價錢,$2799就買到。只要加多$1299,更可以連上PadfoneSStation專用底座,把手機變為平板。在體驗日裡,除了華碩產品專員Ivan講解PadfoneS賣點,我們找了最近轉為獨立IT產品評論員DannyMak為大家分享生活用途。

管理員 | 2014-09-22
上市速報 + 體驗日試玩! 華碩 Padfone S 性價比之王登場

上市速報 + 體驗日試玩! 華碩 Padfone S 性價比之王登場

最近賣開高性價比手機,如Zenfone5LTE的ASUS,好快會在香港推出用上QualcommS801處理器、五吋FullHD屏幕、1300萬像素相機及支援4GLTE網絡的PadfoneS。在正式上市之前,ePrice.HK跟ASUS會有網友體驗日,等大家可以盡情試玩PadfoneS!

管理員 | 2014-09-05

最新新聞